Page Text
________________
१४४
मणोरमा-कहा
तेण भणियं-"नियकम्मणा।" पुहइवइणा जंपियं दूसल-दुम्मुहेहिं पक्खित्तो एवं नरदत्तसेट्ठी पयंपइ। सेट्ठीसुएण भणियं"न मए कि पि वन व्वं ।" सेट्ठिणा भणियं--"महाराय ! सहइ न कडुयं जंपइ लेइ न दोसे गुणो पयासेइ । रुसंताण न रुसइ दक्खिण्ण-महोयही एसो ॥११॥
__ अओ ते चेव पुच्छउ महाराओ।" पेसिया पुरिसा नरिदेणं । गवेसिया तेहिं घरे, न उण दिट्ठा। साहियं तेहि समागंतूण नरवइस्स--"न दीसंति ते नियमंदिरे।" समुप्पण्णासंकेण समाणत्तो दंडवासिओ नरवडणा--"तहा करेसु जहा लहुं लहेऊण आणह मह पुरओ दूसल-दुम्मुहे ।" 'जमाणवेइ सामी' भणिऊण पारद्धो नयरमझे गवेसिउं तलवरो। न दिट्ठा कत्थवि। तओ बाहिं गवेसयंतेण दिट्टा उज्जाण-कंधारिकुडंगमज्झे निलीणा। नीया रायमंदिरं । दंसिया राइणो, भणिया य नरदत्तसेट्ठिणा-"अरे एसो समुदत्तो । छिज्जउ संपयं विसंवाओ।" एयं सुणिय अहोमुहट्ठिया दूसलदुम्मुहा । राइणा भणियं--"जइ न सच्चवेह नियवयणं ता नत्थि भे जीवियं ।" समुद्ददत्तेण भणियं--“देह अभयमिमाण जेण सव्वं साहेमि।" पडिवणं राइणा । कहिओ सन्वो वि जहट्टिओ समुद्ददत्तेण वइयरो। रुट्ठो राया। निद्धाडिया नियदेसाओ दूसल-दुम्मुहा। समुद्ददत्तो वि तारावली-रइसुंदरीहिं सद्धि सिणेहसारं विसय-सुहमणुहवंतो कालं गमेइ। वल्लहा विसेसेण तारावली। कमेणप्पन्नं पुत्त-पंचगं तारावलीए, तणय-तिगं च रइसंदरीए । पत्तो परमपसिद्धि । समुद्ददत्तो कओ सयलनेगमपढमासणिओ राइणा, सम्मओ सयलपणइवग्गस्स, बहुमओ नियबंधन सयलजणमणाणि आणिदितो कालं गमेइ ।
अण्णया गामाणुग्गामं विहरता समागया तत्थ पियंकराभिहाणा सूरिणो। समवसरिया तिलयनंदणकाणणे । समागया वंदणानिमित्तं नयरलोया। समहदत्तो वि समं तारावलीए संपत्तो सूरिसमीवे । वंदिऊण निसण्णो उचियासणे। पारद्धा भगवया संसार-निव्वेयजणणी धम्मदेसणा । एत्यंतरे अवसरं लहिऊण जंपियं समुद्ददत्तेण"भयवं! सव्वेवि पासंडिणो निय-नियधम्म सोहणं संगिरंति, कहिं लग्गामो?" सूरिणा भणियं--"सोम ! राहगुत्तामच्चेणेव परिक्खिऊणं धम्मो सयं गहेयव्वो, अण्णो वा गाहणीओ। 'लट्ठ' ति 'सुन्दरं' ति य सम्वो घोसेइ अप्पणो पणियं । कइएण य घेत्तव्वं सुन्दर ! सुपरिक्खि उ काउं॥
समुदत्तेण भणियं--"भयवं कहं राहुगुत्तेण परिक्खा-पुरस्सरं अप्पणो पडिवण्णो वा गाहिओ धम्मो ?" भयवया भणियं--"सोम ! सुण"
अत्थि सयलभारहालंकारभूयं धरणिरमणी-भालयल-तिलय-सन्निहं सिरितिलयं नाम नयरं । नियय-पयावविणिज्जिय-सयल-सूरो सुरविक्कमो नाम राया। तस्स य नियमइ-विणिज्जिय-सुरगुरु-राहुगुत्तो नाम मंती। अण्णया धम्मत्थिणा तेण परिक्खिया सव्वे वि पासंडिणो । दिदा पुव्वावरविरुद्धाणि भासंता न ठिया माणसे । तओ गओ जीवाणंदसूरि समीवे । कहिओ तेण पुवावर-विसंवाय-रहिओ जीवदयासारो सव्वण्णु-धम्मो । दसणावरण-कम्मखओवसमेण अभिरुइओ राहुगुत्तस्स । कया पडिवत्ती। समत्त-पुरस्सरं पडिवण्णा देस-विरई। विहरिया अण्णत्थ सूरिणो । निरइयार-धम्म-पडिपालणरयस्स वच्चंति वासरा राहुगुत्तस्स.।
अण्णम्मि दिणे विसज्जिएसु मंति-सामंताइएसु पारद्धो धम्मवियारो सूरविक्कम-राइणा । पुच्छिओ राहुगुत्तमंत्ती--"निउणो तुम धम्मवियारे। अदिक्खिओ अज्ज वि अहं । निय-नियदंसणपसंसापरायणा पाएण सव्वे वि पासंडिणो। भणसु जस्स दिक्खं पवज्जामि।" मंतिणा भणियं--"महाराय ! परिक्खिज्जंतु ताव सव्वे वि पासंडत्था। पच्छा परिक्खा-निव्वडियस्स दिक्खा बहेबब्वा । राणा भणियं--"परिक्खं पि तमं चेव करेस।" मंतिणा भणियं-- "एवं करेमि।"
तओ गाहा चउत्थपायं "सकुंडलं वा क्यणं न वत्ति" भुज्ज-खंडे लिहिऊण सद्दाविया सव्वे वि पासंडिणो मंतिणा, भणिया य “भो ! केण वि पत्रण काणा गाहा चउत्थपाओ भुज्ज-खंडे लिहिओ। ता काऊण तयणु
_Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |