Page Text
________________
१४२
मणोरमा-कहा
कूवियप्पपंक-कलसिया
लामल-मुत्ताहल-पुरिज्जंत-मत्तयं कहिं विदुज्जय-जल-दोजीहगसिज्जत-मच्छपुच्छच्छडाभिघाय-घुम्मत-सज्झयं, कहिं वि गुरुगाह-गोहा-गसिज्जंत-आवेल्लयं, कहिं वि जलमज्जणावइण्ण-सरदोघट्ट-संघट्ट-तुटुंत-विसट्टकंदोट्ट-नियर-मयरंदन हसंग-संगलिय-महुरमहुयराराव-रंजिय-जणं, कहिं वि तीरट्ठि-एगट्ठ-निविट्ठ-दिट्ठि-धट्ठ-वड्ढरिट्ठनिट्ठ-विज्जंतदीसंततड-पडियमच्छयं कहिं वि चंडतुडभारुंडखंडिज्जमाण-तुंडयं, कहिं वि मच्चलावडियमहामच्छजाणिज्जमाण भूधरासंकं । एवं कमेण बहिऊण, पत्तं सिंघलदीवे जाणवत्तं । सहरिसं जंपियं संजत्तिएणं “भो! नंगारेह बोहित्थं । संचरेह सिडं। करेह पूयं भयवओ रयणायरस्स।" तहेव काऊण सव्वं गहियपउरपाहुडो गओ नरवइदंसणत्थं समुद्ददत्तो । दिट्रो राया । समप्पियं पाहुडं । सम्माणिओ रण्णा तंबोलाइणा। कओ अद्धकरो। समागओ पुणो वि बोहित्थं । उत्तारियं भंडं । पारद्धो ववहरिउ। जाओ अट्ठ गुणो लाभो। वोलीणो तत्थेव वासारतो। कया नियदेस-गमण-सामग्गी। पसत्थवासरे मुक्कं पवहणं । अणुकल-पवण-पणोल्लिय गंतुं पयर्से । -
अण्णम्मि दिणे चलियचित्तेहि चितियं दूसल-दुम्मुहेहि--"सोहणं हवइ जइ एसो कह वि वावाइज्जइ ।” एवं
क-कलसिय-माणसाणं गच्छंति ताण दिणाणि । अण्णया भणिओ समुहदत्तो तेहि--"सामि ! परिक्खीण-पायं पुव्वगहिय-पाणियं । पुव्वं पि सेट्रिणा सह समागएहिं अम्हेहिं एयम्मि पच्चासण्ण-दीवे सच्छ-सरस-सलिल-भरिया कविया [ओ] धरिऊण जाणवत्तं गहियं इमाओ सलिलं । संपयं पि जइ भे रोयइ तो गंतूण निरूविज्जउ सलिलं, जेण सूहेणेव गम्मइ।" पडिवण्णं समुद्ददत्तेण । गओ निरूवणत्थं समं दूसल-दुम्मुहेहिं । कोऊहलवसेण कूवियं निरूविअंतो अंतरं लहिण पक्खित्तो तेहिं समुद्ददत्तो। दिट्ठो जाणवत्तोवरि संठियाए तारावलीए । ठिया आयार-संवरं काऊण। समुद्ददत्तेण वि निगूहिऊण ताण चेट्ठियं जंपियं--"भो दूसल-दुम्महा ! कुवियादसण-समुप्पण्ण-भूरिभमलीए निवडिओऽहमेत्थ । रयणरासि भरिया य एसा कुविया दीसइ । पेसह मंचियं जेण रयणाणि गिण्हामो ।" तेहिं वि तहेव कयं । गहियाणि बहुणि रयणाणि । समागया तत्थ बहवे पवण-पुरिसा तारावली य । निग्गओ, समुदत्तो। उज्झियमसारं । भरियं रयणाण
संगहो । मक्कं पूणो वि जाणवतं । भरिरयणलाभ-दसण-संजणिय-लोहाइरेगेहिं पूणो वि चितियं तेहि"संपयं पि मारेमो केण वि उवाएण समुद्ददत्तं जेण एसो लच्छी अम्हाणं हवइ ।" एवंविहचिंतासमाउलाण समागया ताण सव्वरी । सरीर-चिंता निमित्तं उट्ठिओ सेट्ठि-सुओ। लहिऊण जणछिदं पक्खित्तो रयणायरे दूसलेण । अणुकूल-पवणपेल्लियं वेगेण गंतुं पयर्ट्स जाणवत्तं । गयं खणंतरेण जोयण-तिगं । तओ नियडि-बहुलयाए “न दीसइ समुदत्तो” त्ति भणंतेहिं पूक्कारियं दूसल-दुम्मुहेहिं । धरियं पवहणं । गवेसिउं पवत्ता दिसोदिसि सब्बे धीवरा पुरिसा। न लद्धा कत्थवि पउत्ती। भणियं दूसलेण--"विसमो समुद्दो। मा सव्वेसि विणासो हवउ । कालण्णुणा होयध्वं पुरिसेण उ। गच्छउ पवहणं । पुणो तप्पउत्ति लभिस्सामो।” सव्वं समएण समागयं जाणवत्तं । जाया घरसामिया दूसल-दुम्महा। तारावली[ए] वि साहियं असोगसिरी जहा--"पावकम्मकारिणो दूसल-दुम्मुहा । पढम ताव इमाहिं कवियाए पक्खित्तो अज्जउत्तो। पच्छा समद्दे पक्खिविऊण कयालियकोलाहला इहागया । ता न य अम्हे इमाण मज्झे वासो संगओ । एहि मह जणय-मंदिरं वच्चम्ह।” गयाओ दो वि ससोगाओ । दटू ण पुच्छियं नरदत्तसेट्ठिणा--"वच्छे ! तारावलि ! किं न दीसइ ते पिययमो?" तओ मण्णुभरभरियमाणसाओ रोइउं पयत्ताओ असोगसिरि-तारावलीओ । समुप्पण्णाणिसंकेण पुणो वि जंपियं सेट्ठिणा--"वच्छे ! तारावलि ! कहेसु कि निमित्तं सदुक्खं रोविज्जइ ?" साहिओ तीए सव्वोवि जणयस्स वइयरो। कुविओ सेट्ठी दूसल-दुम्मुहाण । समासासिया असोगसिरी । गहिऊण पाहुडं गओ नरवइ-समीवं । कहिओ सव्वो वि वुत्तत्तो नराहिवस्स । सद्दाविया ते दो वि राइणा। पुच्छिया समुद्ददत्तस्स वुत्ततं । तेहिं भणियं-"समुद्दमज्झे निवडिओ एत्तियं चेव वियाणामो, न उण अण्णं ।" राइणा भणियं--"समुह-निवडणे तस्स भवंतो निबंधणं एवं जणो मंतेइ ।” तेहिं भणियं-“दुज्जणो जणो अलियवाई । जइ पुण एयं कोइ सच्चवेइ तो देवपायाण पुरओ पणेण ववहरामो।" एवं सोऊण सकोवं जंपियं सेट्ठिणाएक्कं करेह पावं बीयं अवलेवह कत्थ भे सुद्धी। अहवा लोयपवाहो सच्चविओ एस तुम्हेहिं ।।६।। जेणं चिय उब्भविया जस्स पसाएण निग्गयपयावा । सबरा दहति विझं खलाण मग्गो च्चिय अउव्वो।।७।।
_Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |