Page Text
________________
सम्मत-लंभो णाम बीयो अवसरो तत्थ य संमुद्दत्तकहा
१४१
बीयम्मि दिणे भणिया नरदत्तेण रहसि घरिणी-"पिए । जइ समुदत्तस्स न देह तो अवस्सं पाणवायं करेइ वच्छा । भणसु जमेत्थ कायव्वं ।” तीए भणियं-“तस्सेव दिज्जउ ।”
तओ अण्णम्मि दिणे सद्दाविया असोगसिरी सेट्ठिणा, भणिया य उवयारपुरस्सरं-"अह ते तणयस्स नियदुहियरं पयच्छामि ।" बाहाविल-लोयणाए जंपियं असोगसिरीए-"महाभाग ! बोलीणो संपयमम्हारिसजणेण सह संबंधकारणकालो। राहुगहियससहरस्सेव विसमा दसा संपयं बट्टइ समुद्ददत्तस्स।" सेट्ठिणा भणियं-"सव्वं सोहणं भविस्सइ न तए विसाओ कायव्वो।" तीए भणियं-जंभे रोयइ।"
तओ काऊण विवाह-सामग्गि पसत्थ-वासरे महया विच्छड्डेण दिण्णा तारावली समुद्ददत्तस्स । वित्तं पाणिग्गहणं ।
रावलीए नरदत्त-सेट्ठिणा सुवण्णकोडी, दस-साहस्सियं गोउलं, दोणि हारा, दो अद्धहारा, पंच रयणावलीओ, पंच कणगावलीओ पंच एगावलीओ, एवं पंच कडय-केऊर-कुंडल-झुंबणय-कंकण-मणिमेहला-मणिनेऊर-जुयलाणि । दस महियाओ । बत्तीस वरवत्थ-कोडीओ, बत्तीसं दासीओ। अण्णं पि पउरं सयणाइयं । वित्ते विवाह-महसवे । गओ समुद्ददत्तो नियमंदिरं विवण्णवयणा जाया दूसल-दुम्मुहा । सद्दावेऊण समुद्ददत्तेण संभूसिया भणिया य-"न भे भाइव्वं । जं ताण मह पडिवण्णं तं देह ।" दिण्णो घरसारतइयभागो । वच्चंति वासरा । ववहरइ सव्वत्थ निस्संको । सासंका दुसल-दुम्महा-“मा कयाइ अम्हे एसो निद्धाडेज्जा।"
अण्णम्मि मंतियं दोहि वि-"जइ कह वि एसो बावाइज्जइ तो सोहणं होइ।" तओ वरविणयेण समाराहिऊण भणिओ तेहि समुहदत्तो-"सेट्रितणय! तुह जणओ अत्थावज्जणा निमित्तं पइ वरिस समुद्दमवगाहयंतो समुद्दसिरी एसा सव्वा वि तुह घरे वियरइ । जइ रोयइ तो कीरउ सामग्गी । लंधिज्जउ भयवं जलनिही। समणवत्तिज्जउ जय-पयं । कीरउ नियभुयदंड-समज्जिएण दविणेण विहलजण-समुद्धरणं । वित्थरिज्जउ सरयससहरसन्निहा कित्ती। जओवनायफलं विहवो,विहवफलं विहलजण-समुद्धरणं । विहलुद्धरणे वि जसो जसेण ता किण्ण पज्जत्तं ।।२।।
समुदत्तण भणियं-"एवं कीरइ ।” भणिया जाणवत्तिआ-"पउणीकरेह जाणवत्तं । सिंहल-दीवं पइ जामो।" "जमाइसइ सामी !" भणिऊण गया धीवरा । समुद्ददत्तेण वि गहियं तप्पाओग्गं भूरिभंडं । निरूविया सहाया। कया संजत्तिएहि सह ववत्था । ठावियं सोहण-दिणे जले जाणवत्तं । समारोवियं भंडं। अट्ठाहिया महिमा पुरस्सरं कयं समुद्ददत्तेण समुद्दाहिवसमाराहणा निमित्तं अट्ठमं । तओ पणमिऊण जणणीए पय-पंकयं, कयविविह-मंगलोवयारो संभासियासेसपरियणो, समं दूसल-दुम्मुहेहिं पत्तो समुद्दनीरं समुद्ददत्तो । पूइओ वरपुप्फाईहि पुणो वि जलनिही। दिटु च सलिलमज्झट्टियं जाणवत्तं । तं च केरिसं-"तावसवयं व बक्कलपहाणं, निस्संग-मुणिजण-मणं व लोलाभिसंधिरहियं, सज्जणजण-चित्तं व परछिद्द-विप्पमुक्क, नरवरसहा इव बहु भड-संकुलं, जिणसासणं पिव अप्पमत्त-समलंकियं, महासमरंगणंपि व सव्वल-सेल्ल-सत्ति-सिलामुह-धम्म-सय-संकुलं, दुद्ध-रुहिर-खेरिणी व जलोवरि तरंतं, तंतुवायसाला इव बहुकोलिय-संगयं, महाविदेहं [व] दीसंतपउर-सियवडं, मत्त-मायंगो व्व लंबंत-वरत्त-संकुलं, सत्तिकुमारसुद्दग-सेण्णं पिव उभयवावण्णयं । अवि य-- उद्धं सिय-द्धय-खं भट्ठिअ-निज्जामय-पुरिस-संगयं विउलं । पवणपहल्लिर-धय वड-धुव्वं तं छत्तयसणाहं ।।३।। रत्तमाल-सिय-नियंसण-नियंसिओ सेयकुसुम-कय-सोहो। कप्पूर-पूर-परिगय-सिरिखंड-विलित्त-सव्वंगो ।।४।। देव-गुरूण पणाम काऊण नमेवि जणणि-पय-कमलं । दूसलदुम्मूहसहिओ आरूढो जाणवत्तं सो ॥५।।
कसिओ सियवडो । पयणाविया कण्णधारा । निउत्ता जलनिग्गालया। समुक्खित्ता नंगरा । विहिओवओगा जाया आडत्तिया । तओ गिज्जतेसु मंगलेसु आपुरिज्जतेसु संखेसु, वज्जतेसु तूरेसु, पढंतेसु माहणेसु, जयजयारावभरियभुवणंतरेसु मागहेसु, दिज्जतेसुदीणाणाहमहादाणेसु, नच्चंतेसु विलासिणी-सत्थेसु, पणमिऊण जणणी, सटाणं निविढे समं तारावलीए समुद्ददत्ते, दक्खिणायरपाससंठिएसु दूसल-दुम्महेसु, अणुफूलपवणपणोल्लियं गंतुं य पयर्से जाणवत्तं । कह-“कहिं वि मच्छ-पुच्छच्छडाभिधायसमुच्छलिय-सिसिर सीअर-विज्झविज्जत-हुयासणं, कहिं वि जल-करि-घाय-दलिज्जंत-सार-सिप्पि-समुच्छलंतनित्त
___Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |