Page Text
________________
मनोरमा कहाए बौओ अवसरो
नरसीहबीयलंभो पढमावसरम्मि वण्णिओ एत्थ । बीए समुद्दद्दत्तस्स वणिमो दंसणाभिगमं ॥ १ ॥
अस्थि इव जंबूद्दीवे भारहे वासे बहुधणजणसमाउलो कप्पपायवो व्व इच्छियत्थसंपत्तिकारणं सरस-तामरसविसर - विरायमाणसरसीसय-समाउलो, सहयार-वउल- चंपयासोय-नाय- पुण्णाय- तमाल-हिंताल-तिलय-विसर - विलसिर- वणसंडमंडिओ, सयलदेस- चूडामणी कासी नाम जणवओ । जओ
जय न सो गामो जम्मि न पंच- सत्त-निवाणाणि, न तं निवाणं, जत्थ न पंचसत्त देवाययणाणि, न तं देवाययणं, जत्थं न पंचसत्त वक्खाण मंडलीओ, न सा वक्खाण मंडली, जत्थ न पंच सत्त - छत्त-सयाई, न सो छत्तो जस्स न पंचसत्त-सत्याइं अहिगयाइं । तम्मि य देसे सयलजण - सुहावासा जयमंडणा नाम नयरी । जीए पीण-पओहराओ वावीओ तरुण रमणीओ य, सदाणा करिणो कुडुंबिणो य, वहु-विण्णाणा पंडिय-जणा सिप्पिणो य, कयधम्मिय - जणा सूरपुरिसा य । तहा निरक्खरा नाराया न उण लोया । बहु-धवाओ अडवीओ न ऊण कुलंगणाओ । सखला चक्कियघरा न उण जणा, जडासंगमसमण्णिया पायवा न उण माणवा, वसणंतरगवेसिणीओ सूइओ न लोय-चित्तवित्तीओ, परघरगमणेणं वज्झंति सारीओ न नारीओ, दो-जीहा भुयंगा न लोया, विगय- सिणेहा परमसाहुणो न वणिणो, चंचलाओ घरोवरिकोडि-पडागाओ न पेमाणुबंध-वित्तीओ । किंच अंतो कमलाइण्णाई ईसरजणमंदिराई बाहिं च सरोवराई वरजवकलिया, अंतो तुरंगमा बाहिं च केयारा बहुतुंगसरलसालाउलाई, अंतो भवणाणि बाहिं च वणाणि सदावणरेहिरा, अंतो नयरमग्गा बाहिं पोक्खरणितडा नाणारामाओ, अंतो भवणपंतिओ बाहि च कीलाभूमीओ, सकज्जलग्गा दीवयसिहा न मुणिजणचित्तवित्तीय । तीए नयरीए साहु व्व असिणेह - परायणमाणसो, मरुभूमि व्व बहुसंगरप्पहाणो जयपालो नाम राया । सयलनेगमपहाणो धणओ व्व बहुधणो सागरदत्ताभिहाणो सेट्ठी परिवसइ । तस्स य पायय भासा व पेसलालावा बहुहत्था य महाकविकव्वपद्धइ व्व सलक्खणाणेगालंकारा य, साहु-दिक्ख व्व निम्मल चरणालंकियासत्ताहिया य, ससंकवयणा वि निस्संदिद्ध-भाणिरी, पओहरक्कंता वि विपओहरा, सुपाया वि विगयापाया, असोगसिरी नाम भारिया । बहुपुण्ण-पावणिज्जं विसयसुहमणुहवंताण वोलीणो कालो, न पुण पेच्छंति पुत्तमुहालोयजणिय - सुहसंपयं ।
अण्णया इच्छियं असोगसिरीए समुहस्स ओवाइयं - जइ मह तुहाणुभावेण पुत्तो भविस्सह, तओ अट्ठ-दिणाणि तुमं पूइऊण तुह पुरओ चेव समुद्ददत्तो त्ति नामं करिस्सामि । एवं कयसंकप्पा सुत्ता । रयणीए पेच्छइ सुमिणम्मि महल्ल - कल्लोलमालियं नियवयणम्मि सारंगं पविसमाणं । बुद्धो तक्खणा चेव गंतूण साहिओ दइयस्स । तेण भणियं“पिए ! भविस्सइ ते सायरो व्व गंभीरो कुल-नंदणो ।
इओ य सो सोहम्मकप्पवासी- देवो नरसीह - राइ-जीवो चइऊण तओ देवलोगाओ आउयक्खए तीए चेव रयणीए समुप्पण्णो असोगसिरी कुच्छिसि पुत्तत्ताए ।
तओ सा परितोसमावण्णा सुहंसुहेण गन्भमुष्वह । सागरदत्त सेट्ठिणा वि दरिसिया दूसल - दुम्मुहाभिहाणा नियदासी सुया राउले । दाऊण पउर- पाहुडं विण्णत्तो राया - " इमे मह पुत्तट्ठाणे ।" पडिवण्णं राइणा । समागओ सघरं । सेट्ठीणा भणिया- दूसल-दुम्मुहा " जइ कह वि असोगसिरीए पुत्तो हवेज्जा तो महं विक्खवणे वि घरसार-ति- भागो तुम्भेहि दायव्वो । पडिवण्णमिमेहि, चलिओ सेट्ठी पवहणेण । भणिओ असोगसिरीए - "अज्जउत्त ! दुवालसमा एसा जत्ता समुहलंघणस्स सविग्घा [हवई] एवं सुणिज्जइ । अओ न किंपि कज्जं समुद्दतरणेण ।” सेट्टिणा भणियं "पिये ! अलमणिट्ठचिताए । सव्यं सोहणं भविस्सइ । किंच जस्स बारसमा जत्ता सिज्झइ सो जत्तासिद्धो हवइ । तस्स नामं पि गिहिऊण जो सायरं लंघइ सो सुहेणं कयलाभो समागच्छइ । जइ इमं पओयणं अम्ह सिज्झइ ता किण्ण पज्जंतं होइ" त्ति भणिऊण गओ सेट्ठी ।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |