Page Text
________________
१३८
मणोरमा-कहा
चेलामहा नाम वावी। जो तीए पविसइ सो मओ चेव नीहरइ।" एयं सोऊण समागओ तुम सभवणं। भणिया बभणी-"पिए ! पओयणवसेण देसंतरं गमिस्सामि । तुम पि सोलरक्खण-परा अच्छेज्जसु ।” गओ तुम । पत्तो कयंगलाए। पुच्छिऊण गओ मगहसेणामंदिरं । वुत्थो य रयणीए। समागया मगहसेणाए निद्दा। चितियं तए-"एत्थ वुत्थो पुरिसो [मरइ तो] अप्पमत्तेण होयव्वं ।" खग्गं गहाय दीवच्छायाए ठिओ जाव नीहरिओ मगहसेणामुहाओ धूमो तयणु महा
। सो य समागच्छंतो थंभिओ तए मंतसत्तीए । पडिहयसामत्थो त्ति गओ वाणमंतरो। सुत्तो तत्थेव तुमं । पभाया रयणी। भणिया दासी वाइयाए-"हला! गंतूण पुरिसमडयं नाणेहि।" समागया दासी। द→ण तुमं धरमाणं पडिगया। कहियं अक्काए जहा जीवइ सो पुरिसो। तुद्रा कुद्रणी। समागया तुह समीवे। उद्रविऊण मज्जाविओ पवरमज्जणविहीए। भोयाविओ विसिट्ठभोयणेण वत्थ-जुयलं दिण्णं । पणयपुव्वं मगहसेणाए भणियं च-“तुह पसाएण मज्झ दुहिया निहोसा जाया ता गिण्हसु एयं ।" ठिओ तत्थेव कइवयदिणाणि।
अण्णम्मि दिणे घोसावियं राइणा-"जो एयाए वावीए पउमाणि आणिय समप्पेइ तस्स राया महापसायं करेइ।" नायं तए जहा वेयालदोसो। पविठ्ठो वावीए। एत्थंतरे विडिचिअ-वयण-कंदरो अट्टहासं मुयंतो समुद्धाइओ वेयालो। थभिओ तए मतेण । तेण भणियं-"महाभाग! दिळं ते सामत्थं ? ता मंचसू।" तुट्ठो भणइ, "किं ते पियं करेमि।" तए भणियं-"न किंचि तारिसं पओयणं ।" तेण भणियं-तहा वि देवदंसणं अमोहं हवइ त्ति तए सुत्तुट्टिएण उसीसदेसाओ पइदिणं पंच दीणार-सया घेतव्वा । उत्थंभिऊण पणाम-पुव्वं विसज्जिओ वेयालो । जाया सयलजण-सुह-पवेसनिग्गमा वावी। तुट्ठो राया। दिण्णो सासण-लिहिओ एगो गामो। आणाविया तत्थेव बंभणी । कया घर-सामिणी । गहिया सावगधमं । अण्णाणदोसण जल-सोय-बाहिरा एस त्ति साहुणो दुगुंछिऊण मया हिंडिया संसारं । सावसेस-दुगूछादोसा मरिऊण समुप्पण्णा । सावित्ती दुग्गह-माहण-दुहिया । तुमंपि कयाइ दळूण सिद्धजस-मुणिवरं, सोऊण तयंतिए समणधम्म, विणिउइऊण जिणभवणाइसु सत्तसु ठाणेसु नियदविणजायं, संजाय-संवेगो काऊण पव्वज्ज, मरिऊण समाराहणाए, सोहम्मे कप्पे सुरवरो समुप्पण्णो। तओ आउयक्खएण चुओ समाणो एत्थ सुदंसणो रायउत्तो। ता एयं तुह इमीए सह विसेस-सिणेह-कारणं । एवं सोऊण समुप्पण्णं मे जाई-सरणं । अवगया संसारवासणा। पणट्ठा विसयतण्हा । संजाओ चरणपरिणामो । दाऊण [घर]सारं कुमारस्स निक्खंतो सुयसायरसूरि-समीवे । अहिज्जिआ आगमा । निवेसिओ तेहिं नियपए । एयं मे [वेरग्ग] विसेसकारणं ।”
नरसीह-राइणा भणियं-"भयवं ! सोहणं निव्वेय-कारणं । धण्णो तुम।" रंभावलीए भणियं-"अज्जउत्त! अम्हे वि धण्णाणि जेहिं एस सद्धम्मरहसारही वंदिओ। अहो ! सोहणो धम्मो अवियारं देव-गुरुतत्तं।" एवंविहपसंसाए बद्धं रंभावलीए वि जिणधम्मबोहिबीयं । वंदिया सूरिणो । गयाणि सट्ठाणं णेहसारं विसयसुहमणुहवंतस्स वोलीणो बहुकालो।
अण्णया रंभावलीतणयस्स नरवीरकुमारस्स दाऊण रज्जं अहाउयक्खएण मरिऊण नरसीह-राया ति-पलिओवमाऊ सोहम्मकप्पे चंदावयंसए विमाणे जलणप्पहो नाम सुरवरो जाओ। रंभावली वि, “जम्मतरे वि मह एसो चेव भत्तारो भवउ” ति काऊण नियाणं तेणेव सह जलणे पविट्ठा। समुप्पण्णा पवणवेगा नाम तस्सेव अग्गमहिसी ।
इयवद्धमाणसूरिहिं विरइयाए मणोरमकहाए नरसीहीय-लंभो पढमावसरो परिसमत्तो।।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |