Page Text
________________
सम्मत्त-बीय-लंभो णाम पढमो अवसरो तत्थ य सुदंसणचरिए रुद्ददेवभवो
१३७
पालेण जहा-“देव ! देव-मणुय-माणणिज्जा तुम्ह उज्जाणे समवसरिया सूरिणो ।” तं सुणिय-समुप्पण्ण-बहुमाणो रहमारुहिऊण चउरंग-बल-परियरिओ गओं सूरिसयासं। वंदिओ भावसारं। निसण्णो समुचियासणे। पारद्धा भगवया धम्मदेसणा। जहा
.इह. हि जीवो सुहासुहनिमित्तमणुवत्तिएण सकम्मुणा निच्चमणुगओ, परियडमाणो महइसंसारचक्कमत्थयत्थो कुसल-कुलाल-करगहिओ व्व मिउपिंडो थासय-कोस-कलसाइणि अवत्थंतराणि पाउणइ । दिव्व-देवलोय-सुह-संगओ वि सुरो पुणो वि परियडतो नारओ हवइ, तिरिओ हवइ, तिरिओ वि माणुसत्तगं लहिऊण, गविओ भमइ। राया वि रंको रंको वि पहइपालतणं पाउणइ, दासो सामी, सामी वि दासत्तणं लहइ । सुहिओ दुही दुहिओ विखणेण सुत्थिओ संचरइ। सयलवेय-वियक्खणो छकम्मो वि मायंगो जायइ । मायंगो वि तं किंचि समायरइ जेण बंभणों भवई । एवमणवट्रिए संसारे सुविसुद्ध-धम्मोवज्जणं चेव संगयं । तं पुण कुप्पदयण-सवणसंजायसम्मोहस्स सधम्मामया रुइ-समद्धासिय-सरीरस्स अनिरुद्धिदियवग्गस्स हेयाहेय-वियार-वियल-मइणो, अइसंकिलिट्रकम्म-कवलिय-विवेय-रयणस्स पमाय-निहा-पम्हसियात त्तपरिणाणचक्खुणो जीवस्स दुक्करं । तम्हा अहम्माण सए परिहरिऊण इमे दोसे सम्मत्थिणा सधम्मे चेव पयट्टियव्वं । देव-गुरु-पाय-पूयणमणण्णचित्तेण होइ कायव्वं । आवस्सयाइयं पि हु सदणुढाणं विहेयव्वं । सोयवं जिण-वयणं, मिच्छत्त-नाण-तिमिर-सूरसमं दुहगिरि-दलणं सिवसुह-पसाहणं, हरिसिय-मणेहिं। पवणाहय-कुस-लग्गसलिल-बिंदूवम, निएऊण धण-धण्ण-रूव-जोव्वण-सिणिद्ध-सयणाइयं सव्वं सव्वाण वि संजोगाण मुह-महराण दंसियसुहाण पच्छा कडुय-विवागाण निगुणतं निएऊण कायव्वं तुम्हेहिं संसार-विरत्तमाणसेहिं सया एवं सदणुट्ठाणं सिवसुहसंपत्ति-संजणगं। सम्मत्तगुणविसुद्धा गहियगुणेसु निच्चला बुद्धी । अंगीकय-धम्मगुणाणुसारि गिहिकज्जकारित्तं ॥८२९॥ धम्म च्चिय धणबुद्धी समधम्मट्ठिएसु बंधु-पडिबंधो ।असदग्गह-वज्जणया थि [र]या संतोस-चारित्त।।८३०।। एमाइ धम्मकम्मज्जणम्मि पडिहयपमायपसरहिं । उज्जमियव्वं निच्चं नरेहि सविवेचित्तेहि ।।८३१।।
एवं सहायमहुराहि जहुत्तरवित्थारियसुस्सरे सावेसाहि पयासिय-पउण-नेव्वाण-संसार-सरणीहि जिणमयाणुसारिणीहिं गिराहिं पयडि[ऊण जीवाइतत्तं, दंसिऊण बंधोदय-ठिइ-विभागं कम्माणं, वण्णिऊण सुर-मणुय-तिरिय-नारयभवेसु जहुत्तरमणुत्तरमकय-धम्माणं दुक्ख-संपत्ति, कहिऊण सयल-सुह-निबंधणाए. तित्थयर-धम्मबोहीए दुल्लहत्तणं, आरोविऊण निरइयारमदि-पारे वि संसार-सायरे अलद्धपूव्वं अविणस्सरं बीयमपवग्गसारस्स सम्मइंसण-नाणपरिणाम, परिसाए विरमिए विविहाइसय-रयण-रोहणे तम्मि मुणासरे, लद्धावसरेण जंपियं मए-"भयवं! दुग्गयमाहणधूया साविती, मलयसारराय-दुहिया मलयवई सुरूवा य परं किंचि समहिओ सावित्तीं पइ सिणेहो किमेत्थ कारणं?" सूरिणा भणियं-"सुण महाराय !
अस्थि इहेव वच्छा-जणवएसु वच्छा नाम नयरी । तीए आजम्म दरिदो रुद्ददेवो नाम माणो तुममहेसि, रुद्दसा नाम भारिया। विहल-ववसाओ उदरं पि किलेसेण भरेसि तुमं ।
अण्णया इओ तओ परियडतेण दिटठो चंदजसो नाम सिद्धउत्तो। भणिओ यसो तए-"महाणभाव! करुणासायर ! आजम्म दारिददड्ढदेहस्स बोलीणो मे एत्तिओ जम्मो। काऊण पसायं तहा करेह जहा पेच्छामि अदिद्वपुव्वं कमलच्छोए लच्छीए महं । नाऊण गणसंभवं दिण्णं तेण नाग-थंभणं वेयाल-थंभणं च मंत-दुर्ग । गहिऊण तं समागओ तुम सभवनं।
___ अण्णम्मि दिणे दक्खिणानिमित्तं गओ कुंभारघरे । दिट्ठा कुंभकारकुडीए संपिडिया बहवे कप्पडियतडिया । तत्थेगेण भणियं-"दिटठं केण वि किपि अच्छेश्यं?" एगेण भणियं-"दिठं मए कयंगलाए नयराए मगहसेणा नाम विलासिणी परमरूव-सोहग्गाइगणगणसमन्निया। परं जो तीए मह संवसइ सो लद्ध-निहो मरइ । बीयं पूण तत्थेव नयरीए
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |