Page Text
________________
मणोरमा - कहा
सिरि- सोमवं सभूसण ससिसेहररायतणय । जय-पयड कुसलं चिय दिट्ठोसि तं अज्ज ।। ८२४ ।। एवं सुणिय भणियं राइणा
१३६
सुकुलुग्गओ चिय जणो एरिस- कज्जाई कुणइ न हु अण्णो । न हि लिंबो अवफलं जणेइ दुद्वेण सित्तो वि ।। ८२५।। कस्सेह भवणं भूषण-भूसणेण भवया भूसिअं ?" भणियं मए - " श्यणाय वसामि ।" समाहओ इ रयणायरसेट्ठी । कयसम्माणो पुच्छिओ - "केत्तियाणि दिणाणि तुह घरे वसंत कुमारस्स ?" संबुद्धचित्तेण जंपियं सेट्टिणा - " महाशय ! किमणेण विणासिय रायकुले किंचि ?” राइणा भणियं - 'न किचि विणासि ।" कहिओ सव्वो वि बुत्तो। सेट्टिणा वितस्तागमण वइयरो । राइणा भणियं - " संपयं अम्ह चेव घरे अच्छउ कुमारो ।" सेट्टिणा भणियं"जं देवो आणवेइ ।” विसज्जिओ पूइऊण सेट्ठी रण्णा । अहं पि पत्यणा पुव्वं नियघरे धरिओ ।
अण्णम्मि दिने राणा भणिया मलयवई - " वच्छे ! विसुद्ध - रायवंस संभवो अणेगगुणावासो तुह भए -जीविय दायगी परम-रूव-रंजियासेस-नयरनारीजणो सुदंसणो नाम रायउतो कंचणपुराओ समागओ । जइ तुह चित्ते अभिरमइ तो की तुह बरो।" तीए भणियं "जं ताओ जाणइ ।" अण्णया वियणं काऊण समाहओ अहं । भणिओ - "वच्छ ! गुरुजणायत्ता भवंति कुर्लीण-पुरिसा । ताजमहं भणेमि तं तए कायव्वं ।" मए भणियं - " को एत्थ संसओ ।" राहणा भणियं - " जइ एवं तो अत्थि मह मलयवई नाम कण्णगा, जीवियाओवि अब्भहिया । तं तुमं परिणेहि ।" मए भणियंजं ताओ आणवेइ । तओ काशवियं सोहणलग्गे पाणिग्ग्रहणं नियधवलहरसमीवे समप्पिओ परमपासाओ राहणा । सिणेहसारं विसयसुहमणुहवंतस्स समं मलयवईए वोलीणो कोइ कालो ।
अण्णा ताय- पेसिया समागया चरिया । समप्पिओ चंदसेहरनामंकिओ मुद्दिओ लेहो । चलणेसु निवडऊण गहिओ मए, वाइओ य । अवहारिओ तयत्थो, साहिओ नरिंदस्स जहा - "सुगहिनामधेयस्स तायस्स सरीरकारणं । अओ पेसिया ममायणाय पच्चइयपुरिसा जं जुत्तं तं समाइसह ।" काऊण तक्खणे सामरिंग समं मलयवईए विसज्जिओ हं नरवणा । अणवरय-पयाणेहि व्हंतो पत्तो परिमिय-वासरेहिं कंचनपुरं । पणमिओ ताओ । सिणेहसारं करे घेत्तण निवेसिओ अद्धास । पुच्छिओ य-"वच्छ ! कुओ ते एसा सामग्गी । एगागी चेव निग्गओ तुमं ?" साहिओ समासण्णवत्तिणा चारुदत्ताभिहाणमंत्तिणा सम्वो वि वइयरो । हरिस-भरनिव्भर - हियए [ण] जंपियं राहणा- " कहं कुमारसंतियं कुलं जाई वा जाणिया तेण राइणा जेण निय-दुहिया दिण्णा ? " चारुदत्तेण भणियं-
भाणुव्व विदेसया विनियपयावेण जे न नज्र्ज्जति । कुलकित्तणेण पयडीभवंति को ते पसंसेइ || ८२६ || भमिरेहिं महुरेहिं य इज्जइ अप्पणो य गंधेण । नव पाउसे कयंबो जइ वि निगूढो वण-निगु जे || ८२७।। कत्थ व न जलइ अग्गी कत्थ व चंदो न पायड़ो होइ । कत्थ वरलक्खणधरा न पायडा हुति सप्पुरिसा ।। ८२८ || घणो सलाह णिज्जो पत्त-पसंसो जयम्मि नणु कुमरो । निय-गुण- गहण क्खणिओ जेण कओ तत्थ सयलजणो ।
पाडिया चलणे मलयवई चारुदतेण - "पुत्ति ! नियपइसमाणगुणं तणयं लभसु"त्ति, दिण्णासीसा राइणा । उafaट्ठा समुचियासणे । समाहूया तक्खणा चेव सव्वे अमच्च सामंत इणो राइणा भणिया य- "पयापुण्णाणुभावेणं चेव समागओ सुदंसणकुमारो । गाढं मंच मे सरीरकारणं । जइ भणह तो रज्जे अभिसिचामि एयं । सव्वाणुमण कओ 'रज्जाभिओ । पणओ सह मंति-सामंतेहि ताओ। समागया दंसण-निमित्तं नायरया । वियरिया कंचनउरे वंगा जणवए य ममाणा । कइवयदिणेहि सुमरणसेसो संजाओ ताओ। अहं पि काऊण मय - किच्चाणि कालेण विगयसोगो रज्ज कज्जाणि चितिउमाढतो । गोविया सा पढम-परिणीया साविती माहण-दुहिया । संजाओ तोए सह विसेसेण सिणेह-संबंधो । समुपण्णा सावित्ति मलयवईणं दो दो पुत्ता।
अण्णा मागयात् सयल सुय - सायर-पारया, संसार सागर समुत्तरण - जाणवत्त-तुल्ला, ओहिनाण- कलिया, सुसागराभिहाणा सूरिणो । समोसरिया मलयमंदरुज्जाणे । निग्गया वंदणवडियाए नायरया । अहं पिण्णत्तो उज्जाण
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |