Page Text
________________
सम्मत्त-बीय-लंभो णाम पढमो अवसरो तत्थ य सदसणायरिस्स कहाए मलवईकहा
१३५
हत्थे कंकणे किमादरिसेणं ?" पणय-पुव्वं पुच्छिओ मलयवईए-"सुहग ! साहेसु परमत्थं कहं तुम दीसंतो वि न दीससि ?" मए भणियं-"दिट्ठीमोहण-पड-रयण-सत्ती एसा ।" एवं विविहालावेण अच्छिऊण किंपि कालं चलिया पियदंसणा स-भवणे ।
तओ करे घेतूण भणिया मलयवईए-"पियसहि ! तहा कायव्वं जहा पइदिणं तए सह एस ते भाया समागच्छइ ।" 'जमाइसइ सामिणी' त्ति भणिऊण गया मए समं पियदसणा । एवं पइदिणं गच्छंतेण मए कयाइ वीणाविणोएण, कयाइ पत्तच्छेज्जाणवाणेण, कयाइ चित्तकम्मविणोएण, कयाइ सुकविकयपहेलियापयासणेण कयाइ अक्खरचुयबिंदुचुय-पण्होत्तर-विणोपण रंजिया मलयबई । जंपियमिमीए-“महाभाग ! रूवं सुकुलुप्पत्ती, कलासु कुसलत्तणं विणीयत्तं । पढमालवणगव्वो तुमम्मि सव्वे गुणा एए ।।८१५।। पुहईए निक्कलंक रयणं नत्थि त्ति सुव्वइ पवाओ । दट्टण तुम एसो निरत्थओ संपयं जाओ ।।८१६।।
तओ आगयभावं नाऊण मलयवई जंपियं मए-सुदरि ! देवाण त्रि दुल्लहमिणं लहिऊण सुयण एरिसं रूवं । तत्थ वि य जोवण-संपया य लायण्ण-सोहग्गा ॥८१७।। उत्तट्ठमयसिलिंबच्छि ! कीस मूढत्तणे विहेलेसि ? अप्पाणं पियसंगमसुहाण जण-पत्थणिज्जाण ।।८१८।। जोयं निरत्थयं होइ सुयण पियसंगमेण रहियाण । कतारुग्गइ[य]मालइकुसुमाण व भोगरहियाण ।।८१९।। एएण पुरिसवेसत्तणेण हा ! तह कयत्थियासि तुमं । सयणु ! कयत्था वि जहा अकयत्था तत्तओ जाया ।।८२०।। इय एवमाइ.महुरक्खरेहि[ तह] वि सा मए भणिया । जह उज्झिऊण कज्ज सब्भावं कहि उमाढत्ता ।।८२१।।
सुहय सुदंसण ! साहेमि ते पुरिसवेसत्तणकारणं । एत्थेव नयरे कुंजलया नामाहं विलासिणी पुव्वभवे अहेसि । वुत्थो मह घरे कामपालो नाम कुलपुत्तओ। सो पुण जयच्छोहिओ सुहपसुत्तं [मं] गलमोडणेण मारिऊण गहिऊण आभरणं पलाणो । अहं पि कह कह वि सुह-सीयल-पवण-समासासिया जीविया संजायनिव्वेया । काऊण मासमेगं तावसीवयं मया एत्थ रायदुहिया जाया । अण्णया कुट्टिमतलगयाए रायमग्गेण वोलितो दिट्ठो कामपालो । कहिं मए एस दिटठो त्ति, चितयं तीए पवजाई सरिया-"अहो। परिसा परिसा जं विस्ससियजणम्मि वि पावर परिससंगमेणं ति. चितियपरिसवेसत्तणवयं मए गहियं ।" मए भणियं-"जइ [ए]क्कसि जलणो दहइ है सव्वहा परिच्चयइयव्वो । एवं जइ असुहकम्मोदएण किंपि कुकम्म [कोइ] करेइ किं तेण दोसेण सव्वे वि परिहरिज्जति । यतः वाजि-वारण-लोहानां काष्ठ-पाषाण-वाससां । नारी-पुरुष-तोयानां अंतरं महदन्तरम् ।।८२२।। तओ भणियं मलयवईए-- सच्छंदवियरणं वज्जिऊण जइ कहवि परवसो अप्पा । कीरइ ता तम्मि जणे जो तुह सरिसो हवइ सुयणो ।२३।
एवं जाव परोप्परं संकहाए चिट्ठामि एत्यंतरे अत्थाणमंडव-मझाओ पेक्खंताण चेव मंति-सामंत-सुहडाणं जम्मंतरवेरिणा जलणमह-विज्जाहरेण अवहरिओ सुमंगलो नाम रायनंदणो।" अरे! लेह, लेह, हण, मारह, एवमाइवयणपरंपरागब्भो समुद्धाइओ रायसहाए कोलाहलो । संखुद्दा मलयवई । पुच्छिया मए-'किमेय'ति लद्धपरमत्थाए कहियं जहा वित्तं । 'धारा भवसु' त्ति उप्पइओहं गयणंगणे। मिलिओ विज्जाहरस्स । सो वि मोत्तूण सुमंगलं कुमारं मए सह जज्झिउमारखो। खणंतरेण जिणिऊण तं आणिओ सूमंगल-कूमारो। समप्पिओ नरिंदस्स । दरिसिओ सपरियणोंराया। निवेसिओहं अद्धासणे। साणंदमवलोइऊण पुच्छिओ राइणा “वच्छ ! आयार-चरिय-मुणिज्जत-महावंसेण वि ससहरेण वनयलं के कुलमलंकरियं वच्छेण ?" एत्थंतरे कंचणपुरागएण पढियं मागहेण
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |