Page Text
________________
१३२
मणोरमा-कहा
जय विमल महामणि मलिय-माण, तित्थेसर पाविय-परम-ठाण । जय जय अणंत तउ नाम-मंत, झायंत पत्तसिवसुह अणंत ।।८।।।७९२॥ जय धम्मधुरंधर धम्मनाह, वररूयवंतअव्वयअवाह । जय संति संतिकर माणवाहं, तुहुं सामिउ देवहं दाणवाहं ।।८।।।।७९३।। जय कुंथु जिणिदमणिद-नमिय, पई पउर-जीव-सिवमग्गि टविय । जय अर अरविंद-समाण-नयण, सुर-निम्मिय-कमल-विमुक्क-चलण ।।१०।। ।।७९४।। जय मल्लिमयण-विदवण-दच्छ, सिरिवच्छ-विभूसिय-पवर-वच्छ । जय सुब्बय सुन्वय-सुप्पइट्ट, जय-पायड-मणिवइ-गण-वरिट्ठ ।।११।। ।।७९५। जय नमि नमिरामर[नर] वरिंद, तुह पणय सूर-ससि-खेयरिंद । जय नेमिनाह करुणिम-पहाण, परमेसर जायव-कुल-पहाण ।।१२।। ।।७९६ । जय पास छिण्ण-दढ-नेह-पास, धरणिंद-नमंसिय-सुप्पयास । जय वीरधराहिव सरिससार, ससार-महोयहि-लद्ध-पार ।।१३।। ।।७९७।। इय चउवीस जिणेसर, नाण-दिणेसर, वद्धमाणपहु-पणयपय ।
भवि-भवि जिणसासणि, पाव-पणासणि, दितु बोहि मह कर वि दय ।।१४।। ।।७९८।। एवं थुणिऊण निग्गयाणि जिणमंदिराओ । निसण्णाणि एगम्मि पायवतले । भणियं विज्जवेगण-“अचितियामयबुट्ठि व्व कत्तो मित ! तुहागमणं ।" चंदलेहाए भणियं-“न एस मित्तो, किंतु गुरुभाया, जणओ, सामी वा, जओ मज्झ तप य जोविय-दायगो ।” कहिओ सखो विनियमोयावण-वइयरो । विज्जुवेगेण भणियं-"पिए ! एरिसा चेव सुयणा
भवंति ।
रक्खिज्जंता वि दढं सिच्चंता पइदिणं वि सलिलेण । पढम फुल्लति तरु पच्छा फलदायगा होति ।।७९९।। अण कूल वइ-विहिय-रक्खणा परमसुकयजलसित्ता। अफुल्लं दति फलं सुयणतरू तक्खणं चेव ।।८००।।
चंदलेहाए भणियं-"अज्जउत्त ! कीरउ कोवि इमस्स महाणभावस्स उपयारो।" तेण भणियं-"पिए ! नत्थि तं तिहुयणे वि वत्थु जेण इमस्स उवयरियं होइ ।" जओसो को वि मिलइ सुंदरि सुयणो महिमंडले भमंताण । नियसिरसमप्पणेण विन तीरए जस्स उवयरिउं ।८०१॥
____ तो नेहसारं आलवणमेव इमस्स उक्यारो । ठिया खणमेगं परोप्परं सिणेहसार-संकहाए । तओं पणयपुव्वं दाऊण दिट्ठिमोहणं पडररणं बाहजलभरिय-लोयणेण जंपियं विज्जुवेगेण-"सुयण ! समलंकरेहि सट्ठाणं । कालाइक्कम भवइ त्ति पुणो दंसणं ।" तो उप्पइओहं तमालदल-सामलं नहयलं । समागओं सभवणं ।
___ अण्णम्मि दिणे पयट्टे तत्थ पुरे कोमुइ-महुसवे नयणमोहण-पडमाहप्प-अद्दिस्समाण-सरीरो पुरे परिभमिउमाढत्तो । पत्तो य हिंडंतो एगं दरिद्दबंभणयघरं । दिट्ठो य तत्थ तिणकुडीरकोण-निविट्ठो एगागीचेव कलुणं विलवंतो दीहुण्हाई नीससंता बंभणो । समुप्पण्ण-करुणाभरेण काऊण दिस्सरूवं संभासिओ सो मए भणिओ य-"भद्द ! किमेवं सोगावण्णो दीससि ?" तेण संलतं-"किं निरत्थयं पलावेण ?" भणियं च
_Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |