Page Text
________________
सम्मत्त-बीय-लभो णाम पढमो अवसरो तत्थ य नरकेसरीनिवस्स सुदंसणायरियाओ विजुवेगकहा
तेण भणिअं-सुणेउ कुमारो
अत्थि वेयड्ढनगुत्तरसेढीए सुग्गीवं नाम नयरं। तण्णिवासी विज्जुवेगो नाम अहं विज्जाहरो। चंदलेहा नाम मे पिया । रइ व्व परमरूव-सालिणी। अण्णया सा दिट्ठा विज्जुदाढविज्जाहरेण । समुप्पण्णाणुराएण सुइरं निरूविया। अवहरण-समुप्पण्णबुद्धी छिद्दाणि गवेसिउमारद्धो । अहं पि मुणियतयासओ सया पासट्ठियं धरेमि । अज्ज पुण पिययमासहिओ चेव कीलानिमित्तं उज्जाणम्मि समागओ। छिदं लहिऊण तेण विज्जाहरेण एयावत्थं पाविओ । गहिऊण मह महेलं सहेल सो सनगरं पत्थिओ । अहं पि नित्थारिओ भवया सणसमुद्दाओ । ता जीवियप्पयाणपरमोवयारी तुम गिण्ड इमं पढिय-सिद्धं नहयलगामिणीपण्णत्ति नाम महाविज्जं जेण मणागं मह निव्वुई होइ। नाऊण तस्स निब्बंधं गहिया मए। संभासिऊण ममं उप्पइओ गयणे विज्जुवेगो। अहं पि लग्गो तयणुमग्गेण । अट्ठावयसेलसमीवे मिलिओ विज्जुदाढवेरियस्स । मत्तमयगला इव पारद्धा जुज्झिउं दो वि जणा।
एत्थंतरे समागओ विज्जुदाढ-कणिटुभाया विजुमाली नाम। सो चंदलेहं गहिऊण पलाणो वियड्ढाभिमुहं ।' 'हा अज्जउत्त!' त्ति, कलुणं विलवंती दिट्ठा मए चंदलेहा। भीरु न भाइयव्वं' ति भणंतो धाइओ हं तयणुमग्गेण । मिलिओ विज्जुमालिस। तज्जिओ सो मए-“अरे! पुरिसाहम ! परकलतावहारं काऊण कहिं वच्चसि ? पुरिसो भवसु संपयं ।' तं सुणिय वलिओ विज्जुमाली । पारद्धो मए सह जुज्झिउं । खणंतरेण मलिऊण माणं, दलिऊण दप्पं, दढप्पहार काऊण तमाणीया मए चंदलेहा। जावज्जवि ते तहेव संगामितो चिट्ठति तओ पहओ मए विज्जुदाढो पिट्ठिपएसे मुट्ठिप्पहारेण । मुच्छावस-घुम्मत-लोयणो पण?-चेयणो पडिओ धरणीतले । खणमेत्तेण गओ निहणं । दिट्ठो अहं विज्जुवेग विज्जाहरेण। संभासिओ सायरं सविम्हयं । जंपियं मए-“वयंस ! को एस तडिच्छडाडोयभासुरो पच्चक्ख-पुण्णपुंजसरिसामरमंदिर-नियर-विराइओ, वाउद्धय-धवल-धयवडकरेहिं हक्कारयंतो व विसिट्ठजणं गिरिवरो?" चंदलेहाए भणियं'एस णं भरहाहिव-भरहपइट्ठाविय-नियवण्ण-पमाण-परिणयओ [रि]सभाइचउवीस-जिणेस-बिब-पंतीकय-उवरिम-विभागो अट्ठावओ नाम पव्वओ। ता एत्थ गंतूण चेइयवंदणं करेमो। तहेव कयं । चीवंदणावसाणे चंदलेहा एवं थुणिउमाढत्ता
नमिऊण नाहिकुलयर-कुलनहयल-ससहरं समियपावं । वसहं जयमालाए चउवीस-जिणत्थवं काहं ।।७८५।। जय पढमपयावइ रिसहनाह, सिवनगर-गमण-वरसत्थवाह । जय अजिय विजिय-दुज्जय-कसाय, वर-लक्खणलंछियसव्वकाय ।।७८६।। पूजय संभाव] भक्-कतार-तार, निम्महिय-मोह-वम्मह-वियार । जय जिणअभिनंदण मुणियभाव, वणगहण [घणघाइकम्म-] दाव ॥३॥ ॥७८७।। जइ सुमइ सुराहिव-नमिय-पाय, उत्तत्तकणय-सम-देह छाय । जय जय पउमप्पह सामिसाल, महु सराण] तुम्ह पय सव्वकाल ।।४।। ७८८।। जयसुर-समूह-संथुय-सुपास, चंदुज्जल-जस-धवलिय-पयास । जय पहु चंदप्पह-चंदकंति सिय-कुंद-कलिय-सम दंत-पंति ।।५।। ।।७८९।। जय सुविहि विहिय-वर-धम्म-मग्ग, गय-राग-रोस सुह-झाण-लग्ग । जय सीयल सीयल-लेससामि, लोयग्ग-पइट्ठिय- हंसगामि ॥६॥ ॥७९०॥ जय सेय-निलय सेयंसदेव, सुर-असुर-नरेसर-चिहिय-सेव । जय वासव-वंदिय वासुपुज्ज, नर-किन्नर-खेयर-विहिय (पूय] ॥७॥ ॥७९१॥
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |