Page Text
________________
१३०
मणोरमा-कहा
बहु-रयण-सिंगियाकय-कुंकुम-रससिच्चमाण-वरिस(धारं पवण्ण-पाण-पमइय-परियण-मंगलायारं ॥७८४।। .. ..... महया महसवेणं आणंदिय-पुरिजणं मणभिरामं वित्तं वदावणायं। (आवासं मओ राया नरसीहराया । विसज्जिया राइणा चंबसेण-बुद्धिसागरमंतिणो । को जुवराय-पए कुमारो जम्मतरावज्जियसुहसहायाण अदिट्ठानिट्ठ विसयसुहमणहवंताण वच्चंतिताण वासरा। व अण्णया जाओं रंभावलीए प्रत्तो। नरवीरो त्ति, पइट्रियं नामं । तओ कयत्थमत्ताणयं मण्णमाणो, काऊण नरसीहजुवरायस्स रज्जाभिसेयं वणवासं गओ राया । नरसीहराया विपणमंताणेग-सामंतमंतिमंडलो नियपोरुस-गुणविणिज्जियाखंडलो, पसंत-डिभ-डमरं रज्जं परिपालेइ।
अण्णया अस्थाणमंडवे सीहासणवरगओ अमच्च-सामंत-पउरजण-परिवारिओ नरसीह-नरेसरो विण्णत्तो उज्जाणपालय-पुरिसेण-"देव ! अमरसुंदरुज्जाणे अगसाहुपरिवुडो विविहाइसय-रयणायरो, उक्समो व्व कयविग्गह-संगहो, देवयाकय-पाडिहेरो, भव्ववग्गाणुग्गहविग्गहो सुदंसणो नाम आयरिओ समवसरिओ। एयं सोऊण देवो पमाणं।" तओ
अमच्च-वयणं । तेण भणियं-"देव! गम्मड भगवओ वंदणवडियाए । जओ दव्वा सिवपुर-पहपत्थियाणेगगरुयसंसार-कंतार-नित्थारण-समत्थ-सत्थवाह-कप्पा तारिसा पूरिसा ।" 'एवं हवउ' ति भणंतो उदिओ नरसीहराया। सद्दाविया रंभावली। चउरंग-बल-समेओ गओ। वंदिऊण भगवओ पय-पंकयं निसण्णो उचियासणे । पारद्धो भगवया संसार-सिंधुसमुत्तारण-समत्थ,-दढजाणवत्तोवम-जिणुट्ठि-धम्मदाणपुरस्सरं सजल-जलवाह-गहिर-गज्जिय-खाणुगारिणा, संसय-सयसिहरिदलण-दंभोलिणा, भवियजणमणसिहिसंतोसकारिणा सुस्सर-सरेण धम्मदेसणा । परूविया, संसारासारया, दंसिया किपागफल-भक्खणं व विरसावसाणा विसया, भवविविमूलभूया कहिया कसाया, सयलाणत्थपरंपराकारणं दंसियाइ आसवदाराई, पयासियं महामोह-निबंधणं मिच्छत्तं । तहा साहियं सम्मत्तं निरूवमसुहमूल-कारणं, वज्जरिओ संसारावडावडिय-पाणिगणसमुद्धरणाण रज्जुभूओ सण्णाणोवओगो। पयडियं परम-पय-पउणपयवी-कप्पं परम-चारित्तं ।
एत्यंतरे लहिऊण अवसरं जंपियं राइणा-"भयवं! नियरूव-विणिज्जिय-मयरद्धयस्स वि परमसोहग्ग-गुणमंदिरस्स वि पयडदीसंत-पवररायलक्खणस्स वि पढमजोव्वणे वट्टमाणस्स वि किं ते निव्वेयकारणं?" सूरिणा भणियं-"महाराय ! सामण्णेणं जम्मजरामरण-इट्ठ-विओगाणिटु-संपओग-पउरो संसारो चेव निव्वेय-कारणं बहाण । विसेम-कारणं पुण इमंसुवंसणायरिस्स निव्वेयकारणं. अत्थि जयपयडगुणो भारहवासस्स मज्झखंडम्मि बहुदिवस-वण्णणिज्जो वंगा नामेण देसो त्ति । तत्थ वि य कंचणपुरं पुराण सव्वाण सेहरसमाणं, पोक्खरणि-वावि-दीहिय-काणण-उज्जाण-सयकलियं, तम्मि य विक्कमक्कंत-दुदंतसामंत-पणमियपयकमलो चंदसेहरो नाम राया । तस्स य अहरिय-हिमवंत-सुया-सोहग्गा पियंकरा नाम महादेवी । ताण पुत्तो . अहं सुदंसणो नाम । बाहत्तरिकला. कलिओ विसेसओ विण्णाय-गुडिया-पओगो समं वयंसएहिं कीलंतो चिट्ठामि) ..
- अण्णया विअरीए बाल-वसंते, ववगयसिसिर-मारुयसरं, पसरिए ईसिकयदाहे चिराये, सभुब्भिण्णासु चारुचूयमंजरीसु, माणिणी-माण-महणपच्चले समुच्छलिए परहुयारावे, वियरंतामंद-मयरंदामोय[विय]सियदियंतरे, वियलिए वउलामोए विरहिणिहिययदारणे, कुसुमिए कणियारवणे, मदं दोलियलया-पवाइए मलयमारुए, पाडलाकुसुम-गंध-जुद्ध-मिलतालिवलयं-रुणुरुणाराव-रमणीए काले, आरुहिऊण रहवरं समं वयंसएहिं गओ हं रइवल्लहमुज्जाणं । उत्तरिऊण रहवराओ कोलतो विविह-कोलाहिं, पेक्खंतो समंतओ उज्जाणसिरिं, पत्तो एग लयाहरयं । हरिसियमाणसो पविट्ठो तयभंतरं । दिद्यो य सत्थ पूई-फलपायवे लोह-कीलिओ व्व विमुक्कदीहुण्हं नीसासो सदुक्खं कणंतो पढमजोवणे वट्टमाणो एगो पुरिसो। समुप्पण्णकरुणेण सणियं उक्की लिओ। सो मए सित्तो नलिनीदल-पुडाणियपाणिएण । बीजिओ वत्थंचलेण । तओ तेण लद्धचेयणेण कड्ढि ऊण कोसंतराओ दिण्णा वणे संरोहणोसही। जाओपऊणसरीरो। सुहनिमण्णो । पुच्छिओ-"महाभाग ! को एस वइयरो?"
_Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |