Page Text
________________
सम्मत्त-बीय-लंभो णाम पढमो अवसरो तत्थ य सीहरहकुमारकहा
१२९
"दिळें नज्जइ। अणवसरो एस गमणस्स। तओ काऊण पणाम निम्गओ कंचुई । मत्तो नीलकंठ-रायंतियं । साहिओ सव्वो विवइयरो। उद्रिओ अप्पणा नीलकंठो । गओ कुमारसमीवं । पत्थणापूव्वं आणिओ कूमारो। दंसिया नीलसुंदरी । सुमरियं कुमारेण गारुडं । सुह-पसुत्त व निद्दाविराम उठ्ठिया समुम्मीलंत-लोयणा रायंदुहिया। हरिसिओ सपरियणो राया। कारावियं महाविच्छड्डेण वद्धावणं । भणिओ सिणेहसारं कुमरो नीलकंठेण "दिण्णं तए नीलसुंदरीए जीवियं । जणिओ अम्हाण परमाणंदो। अण्णस्स वि एसा दायव्वा ता वरं तुह दिण्णा ।" कुमारण भणियं-"गुरुजणायत्तो एस वइयरो।" राइणा भणियं-“सा वितहिं गच्छउ।". कुमारेण भणियं-"जं भे रोयइ।" बहु-परिवारिया काऊण सयलसामग्गि पेसिया नीलकंठेण नीलसुंदरी समं कुमारेण । सुहंसुहेण वहतो पत्तो रयणपुरं । ठिओ बाहिरुज्जाणे। चलिया पच्चोणीए अमच्चसामंताइणो । निग्गया नयशओ कूमरदसणत्थं पहाणनायरा नरवाइसमाएसेण । समागयाणि कमारपायतियं सयलपायमलाणि मिलिओ अण्णो वि पायय-पउरजणो । संभासिया । सव्वे वि जहारिहं कूमारेण सम्माणिया पुष्फ-तंबोलाइणा । इओ य पुच्छिया राइणा जोइसिया कुमारपवेसवासरं । तेहिं वि गणिऊण परोप्परं संवाइयसाहियं 'जहा अज्जेव पुण्णा तिही । सोहणो वारो, नंदो मुहुत्तो, भदं करणं, सुहो चंदो, अणुकुलो गहगणो । पच्छिमपहरे पविसउ कुमारो।" कयपूजोवयारा विसज्जिया राइणा संवच्छरिया। सद्दाविओ नयरारक्खिओ। समाणत्तो य-"लहमेव रयणपुरं नयरं सबाहिरभंतरं आसित्त-संमज्जिओवलित्त-पइ-भवणं, बद्ध-वंदणमालं, घर-दुवारोभयपास-पइट्टिय-पवर-पुण्ण-कलसं, ऊसियसिय-धय-पडायं, मंचाइ-मंच-कलियं, पंचवण्ण-पवरवत्थ-विहिय-हट्टसोह, पवणपहोलिरलंबीत]तारहारविराइयं । तिय-चउक्क-चच्चर-चउम्मह-महापहेसु बिहिय-पंचवण्ण-पुप्फोक्यारं कारवेहि ।" 'जमाइसइ सामी' भणिऊण निग्गओ तलवरो। तहेव काऊण पणाम-पुरस्सरं साहियं नरवईणो। पवेसिओ महाविभूईए संवच्छरिय-समाइट्ट-समए नयरे कुमारो। तहा विविह-मंगलोवयारं रायमंदिरं गंतूण अत्थाणमंडवं निवडिओ कुमारो जणय-चलणेसु । आणंद-जल-भरिय-लोयणेण गहिऊण दोहिं वि करेहि निवेसिओ उच्छंगे । आलिगिओ सिणेहसारं । चुंबिओ पुणो-पुणो। पुच्छिओ कुसलोदंतं । तेण भणियं-"तायाणभावेण सव्वत्थ कुसलं ।" कुमारेणाणुण्णाओ पणओ चंडसेणो नरवइ चलणेसु। संभासिओ राइणा। सम्माणिओं वत्थाहरणाईहिं । पुच्छिओ कुमारसरूवं । तेण भणियं-“देव ! असाहारणो गुणगणो कुमारस्स कहमम्हारिसेहिं कहेउं पि तीरइ। जओ---
. “अपुव्वं समरसोंडीरत्तणं, विबुहजणाणंदयरोवयणविण्णासो, अहत्यिगंगेयचरिओ सीलसमायारो, सुमशविय सिबिचरियं सरणागयवच्छलत्तणं, विस्तारियकण्णचाओ पसाओ, परमपयाणुओ; विजियमयरद्धओ रूवाइसओ । किं बहुणा फलेणेव सहयारस्स कुसुमुग्गमगुणा देवस्स वि अंतरिया गुणगणा कुमारेण ।" चितियं राइणा--"धण्णो कुमरो जो सत्तूहिं एवं सलहिज्जइ । अहवाहं धण्णो जस्सेरिसो पुत्ती।" तओ ईसि हसिऊण जंपियं राइंणा-"जइ एवं तो अज्जेव क्यं कुमारं चेव तुम्हाण सामियं करेमो ।” भणियं मंतिणा-"देव ! अकयदारसंगहे अदिठे 'पुसमुहे कुमारे न एस मंतो संगओ।” एत्थंतरे काऊण पणामं विण्णत्तो राया चंडसेणेण-“देव ! रंभावली नाम मह संतिया कण्णया । मए सह एत्थेव समागया । जइ देवस्स रोयइ समुचिया वा ता दिज्जउ कुमरस्स।" बुद्धिसागर-मंतिणा वि अवसरं लहिऊण भणिओ राया-“देव ! नीलकंठ-राइणा नीलसंदरी नाम नियहिया कूमारेणेव आसीविसविसाओ जममुहाओ व्व रक्खिया कुमारस्सेव सयंवरा पेसिया रसा ।" राइणा भणियं-"कीरउ कल्लाणदुर्ग पि ।" समाहया गणया। निरूविओ परिणयण-वासरो । परिणीयाओ महामहूसवेण कुमारेण दो वि कण्णयाओ। दिण्णं जणएहि निय-धूयाण दाणं । सम्माणिया नरकेसरिराइणा करि-तुरय-वस्थाहरणाईहिं अमच्च-सामंताणो । पारद्धा देवाययणेसु महामहूसवा । पूइज्जति परम-विणएण गुरवो । दक्खिणिअंति. दक्षिणारिहा । तओ पारद्धं नरवइ-बयणेण पडपडह-मइंग-झल्लरि-काहल-भरि-भाणय-हडक्या-कंसाल-ताल-सह-महलियदियंत कलकंठ-गायणं नाच्चंत-बर-बिलासिणीगणं वद्धावणयं । अवि य-- .. .... . ........ ..... .. . .... पीणुण्णयथण वटुच्छलतातार]वरहारं । नच्चंतलडहकामिणिकडक्ख-अक्खित्त-कामियणं ।।७८२।। मय-धुम्मिर-वामण-खुज्ज-मडह-कंचुइ-किराय-कयरोल । जुज्झंत-विसंतुल-वयणदांसि-वटुंत-गुरुबोलं ॥७८३।।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |