Page Text
________________
१२६
मणोरमा-कहा
सावत्थीए नयरीए लोहण-मोहणा दो धुत्ता परिवसतिधुत्तिओ तेंहि नगरजणवएसु बहूलोगो। दिट्ठाण विन कोइ वीसासं गच्छइ। अण्णम्मि दिणे भणिओ लोहणेण मोहणो--"गच्छ तुम उज्जेणीए मोहेसु केणवि पयारेण नयरलोयं । तओ सुगुत्तमंती तत्थ सो महाधणो सुणिज्जइ तं केण वि पयारेण मुसेमो।" गओ मोहणो उज्जेणिं । कओ माहणवेसो। पविट्ठो कंठप्पमाणे सिप्पासलिले। उड्ढमुहो करजावं कुणतो चिट्टइ। ताव पढमपहरो रयणए पच्छा पविरलपयारे नयजणे पविसिऊण नयरं, गंतूण कंडयावणं, घेत्तूण मंडगाइयं अहिच्छाए भोत्तूण सुयइ पहरदुगं जाव तओ उट्ठिऊण पुरओ नयरलोयाण जलमगाहित्ता तेणेव कमेण चिट्ठइ। एवं पइदिणं कुणंतेण आउट्टादिओ सव्वो वि नयरलोओ पंचंग-पणओ निमंतेइ पइघरं भोयणेण। सो पुण एगग्ग-चित्तो दिणयर-बिबाभिमुहदिण्ण-लोयण-जुयलो ईस सिचलंतउदृउडे पुणो-पुणो अंगुलि-दसगं गणेमाणो न तेसि आर्ससं पडिक्यणं वा पयच्छइ। जाओ तग्गुणगहणवावाडो सव्वो वि नगरजणो। निसुओ एस वुत्तंतो बीयधुत्तेण। चितिथं तेण-संपयं ममावसरो।" कओ तेण बहु-कुड-नाणय-संगहो। भरिया एगा गोणी। कपाणि कित्तिम-रयणाणि । बाया पुण ताण भरिया। गहिया पहाण-दासेरया। तेसु चडावियाओ गोणीओ। अणवरय-पयाणएहिं पत्तो उज्जेणि। दंसिओ अप्पा माणस्स । गहियं अमच्च-घर-सन्निहाणे घरमेगं। ठिओ तत्थ तं दिणं। बीयदिणे गहिऊण परवत्थ-जुयलं गओ मंतिभवणं लोहणो । काऊण पणाम समप्पियं वत्थजुयलं । एवं बीय-तइय-दिणे वि तह वि लोभदोसेण न पुच्छइ अमच्चो, 'को तुम? कत्तो का समागओ?' एवं तस्स पइदिणं दंसणं कुणंतस्स समइक्कता कइ वि वासरा । तओ पुच्छिओ अमच्चेण-“को तुम? कत्तो वा समागओ? कि निमित्तं वा. ममोक्यारं करेसि?" तेण भणियं-"अत्थि उत्तरदिसाए सत्सजोयणसयंतरिया मुत्तिमई नाम नय। तत्थ नरवम्मो नाम राया। तस्स सुओ अहयं अरियदमणो नाम। उकरए ताए पारद्धो दाईएहि भेइया तेहि अमच्च-सामताइणो। तओ गहिऊण सारभंडारं पलाणोहं. रयणीए। अणवरय-पयाणेहिं वहतो इहं संपत्तो। कारवेहि मह राइणा सह दसणं जेण. इत्थेव ओलग्गामि ।" मंतिणा भणियं-"अज्जेवागच्छसु। गहिऊण वत्थ-जुयलाई-पाहुडं गओ नरपइ समीवं । काऊण पणामं निसण्णो उचियासणे। पुच्छिओ राइणा-"मंती! को एस पुरिसो?" मंतिणा भणियं-"देव! तुम्ह चलणसेवासमुज्जओ दूरदेसाओ समागओ पहाणरायतणओ।" . राइणा भणियं--"सोहणं कयं। पुणो वि दंसेज्जसु जेण अवलोयं करेमो।" दाऊण तंबोलं विसज्जिओ सट्टाणं । ब्रोयदिवसे अमच्च-समीवे विन गओ । समागओ घरे ठियस्स चेव अमच्चो। भणिओ अरिदमणो-एहि रायउलं वच्चम्ह।" तेण भणियं-"तिव्वा मे सिरवेयणा । नचएमि गंतुं ।" दिण्णं पहाणवत्थ-जुयलं अमच्चस्स । निवडिऊण चलणेसु भणिओ अमच्चो-"तुम चेव मह सरणं एवं साहेज्जह राइणो। गओ अमच्चो। बीयदिणे वि पुणो वि पडियरणा-निमित्तं समागओ मंतः । पुच्छिया पउती। तेण भणियं-“अज्ज पुण दारुणदाहो वियंभिओ।" वत्थजुयलेण पूजिऊण विसज्जिओ। तइय दिणे पुणो वि समागओ। पुच्छिया सरीरवत्ता। तेण भणियं-"अज्ज भोयणरुई वि पणट्ठा ।". गहिऊण वत्थजुयलं गओ मंती। चउत्थदिणे पुणो वि समागएण संभासिओ मंतिणा-“कह-कह वि खलंतक्खरं जंपियं तेण-"अमच्च ! ताय-तुल्लो तुमं । न संजाया ताव महाराय-सेवा, न वा तुह चलण-सुस्सूसा। विहिलीकया विहिणा मह मणोरहा हयासेण । समासण्णो संपयं मच्चू मणिज्जइ । ता कारावेसु परलोय-संबलं, संपाडेहि किपि सुफ्तं जेण निसिरिऊण तत्थ सव्वस्स दक्खिण्णं पूय-पावं करेमि अत्ताणयं।" अमच्चेण भणियं-"किं पमाणो?" तेण भणियं-“वियणं करेहि जेण दंसेमि भूविक्खेवेण।" दूरी कओ परियणो मंतिणा। दंसियाओ दीणार-रयणभरियाओ अवल्लाओ रंजिओ अमच्चो।" "अहो! पभूयं दविणजायं तिकोडीए वि न थक्कइ।” आणाविओ सुयसहिओ निय उवरोहिओ । दसिओ रायतणयस्से । वणिया पत्तगुणा। न भाविओ तस्स अण्णे आणाविया। ते विन पडिया परिक्खाए। एवं पत्त-परंपरं दसयंतस्स वोलीणो पढम-पहरो। चिरं समरिऊण भणियममच्चेण-"अत्थेगं परमपत्तं। अहोनिसं सिप्पाजले आकंठपविट्ठ सयानिरसणं रवि-बिंब-दिण्ण-दसणं करजावेण आयावेमाणं चिट्टइ। भणहि तो तं आणेमि । तेण भणियं-"आणेहि । सोहणं तारिसं पतं । जओ
ये क्षान्तदान्ताः श्रुतिपूर्णकर्णा जितेन्द्रिया : प्राणिवधान्निवृत्ताः । परिग्रहात् संकुचिताग्रहस्तास्ते ब्राह्मणास्तारयितुं समर्थाः ।।७८१।।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |