Page Text
________________
१२४
मणोरमा-कहा
- दाऊण तंबोलं विसज्जिओ बंभणो । सदाविओ चंडसेणो भणिओ कुमारेण-“गम्मउ तायपायंते ।" तेण भणियं"रंभावली-विसए कि कापध्वं ?" कूमारेण भणियं-"नन पूवमेव साहियं गुरुयण-पराहीणत्तणं ।" जंपियं चंडसेणेण थेवमिणं कारणं । जओपइणो मणं जइ वसेइ वल्लहा कह वि पुण्णजोएण । मूलमिणं सेसं पुण डाल-समं जणणि-जणयाई ।।७७५।। जइ रमइ तुज्झ चित्तं इमीए बालाए कुमर ! ता भणसु । जेणागच्छइ एसा मया समं रायपासम्मि ।।७७६।। · कुमारेण भणियं-"समागच्छउ काऊण सामग्गी समं रंभावलीए ।" समागओं चंडसेणो कुमारसमीवं । दिण्णं पच्छाहुत्तं पयाणयं । कमेण वहता समागया करियारकोसं नाम नवरं । आवासिया नयर-बाहिरियाए । इओ य रासहारोविओ, सिरि-धरिय-छित्तरायवत्ती, मसि-विलित्त-गतो, कंधरा-रोविय-सरावमालो, नयरा रक्खिय-पुरिस-परिवेढिओ, मग्गाणुलग्ग-बहुबाल-काय-कोलाहलो, दसदिसि-विदिण्ण-चलंत-तार-कराल-लोयणो, दज्जत-विरस-डिडिमो, वज्झ-ट्ठाण निजमाणो, दिंठो जोगसारो नामपरिवायगो । कूमारेण समप्पण्ण-रुणारसेण ' मोयाविओ। आणादिओ य नियसिबिरें । सम्माणिओ पहाण-भोयणाईहिं । सहनिसणों पुच्छिओं कूमारेण-"महाभाग! को एस वइयरो? जेण परिचत्तसयलसंगस्स तुज्झ वि आक्या समागया ?" दीहुण्हं नोससिऊण जंपियं तेण-“कुमार! अकहणिज्ज पि कहिज्जइ जीविय-दायगस्स भवओं नियदुच्चरियं । सुणेउ सावहाणी कुमारों ।”
. . अत्थि मलय-विसए सुतोस नाम नयरं । तत्थ .खंदिलो नाम बंभणो परिक्सइ । तस्स पुत्तो सोमिलो अहयं । अहण्णया दारिद्द-निव्वेएण गहियं. जोगगब्भपरिव्वायग-समीवे वयमेयं । सिक्खिया बहवे मंततंता । सिद्धं अद्देस्सीकरणमंजणं । उवरओ में गुरु । अहं पि चौरियापरण-परायणो मज्ज-पसंगी विस-कंटओ ब जणाक्यारहेऊ. कम्मभरपणोल्लिओ गयवरो व्व निरंकुसो जहिन्छ पियरिउमारद्धो । अंजणबलेण रायंतेरेसु संचरामि । सेट्ठि-सत्थवाह-माहण-कलत्ताणि वि 'न मुयामि ।
____ अण्णया विण्णाओ राइणा अंतेउरे संचरंतो । पारद्धो मारेउं । संन्निहियंजण-अंजिया-लोयणो अदंसणो जाओ . मरणभय-भीओ मलयं मोत्तूण इहागओ । ठिओं कइवय. दिणाणि सक्य समायारेण । पच्छा, धी-दुब्बलत्तणओ पुषपवाहेणेव ववहरिउमारद्धो । अज्ज पुण पविट्ठो. मंति-मंदिरं । मुणिओ मंतिणा जह एस कोइ अंजणसिद्धो मह कलत्तेसु अभिरमइ ।
तओं वासंभवण-दुवारं पिहिय-काराविओ बहलधूमो । गलियं तेण लोयणेहितो अंजणं । 'जाओ सरूवत्थो गहिनी अमच्च-पुरिसेहिं । बद्धो निविड-बंधणेहिं । विडंबिऊण विविह-विडंबणाहिं बझं-ठाणं निज्जतों दिट्ठो कुमारेण मोयाविओ य । ता एसो दुज्जम्म-जायस्स मह वइयरों । असुओं चेव सोहंणो । बहु-कूड-कवड-भरिओ-पावो परमपह-दूसंगो अहयं वेस-विरुद्धायारो इंदिय-वसगो परियडामि । उवयरियं नहु गणियं वूढासुहिणो खलीकया मित्ता। तं नत्थि एत्थ पावं जं न कयं मज्झ पिंडेण ।।७७७।।
कुमरेण भणियं-अज्ज ! धण्णो तुम जस्स नियदोस-दसणे सज्ज लोयण-जुयलं । अओपरदोस-दसणे वित्थरंति लोयाण लोयणसहस्सा । नियदोस-दसणे दो वि लोयणा ते वि जच्चंधा ।।७७८।। नियदोसा दोसमईए जाण दोसेहि ते वि रच्चंति । गहिया गुणाभिमाणेण जेहि दोसा नमो ताण ।।७७९।।
परिहरसु संपई कुकम्ममेयं जेण उभय-भवेसु वि कल्लाण-परंपरा भायणं भवसि । भणियं परिव्वायगेण"ज कुमारो भणइ तं करेमि । अण्णं च पत्थणापुव्वं भण्णसि-न तए अहं अवमाणियन्वो । जओ
___Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |