Page Text
________________
सम्मत्त-बीय-लंभो णाम पढमो अवसरो तत्थ य नरसीहकुमारवइअरे तस्स पुठ्वभबो
वइयरो । कुविओ राया । दिण्णा कोव-कराला करवाले दिट्ठी । भयं-वेविर-सरीरा । पणट्ठा वाणमंतरी । संजायसिणेहेण मज्झाणयणाय निउत्ता पुरिसा राइणा। पत्ता रायपुरिसा सिरिउरे । आणिया सबहमाणं । दिट्ठो राया । सिणेहसारं करे गहिऊण निवेसिया सीहासणे । भणिया-“देवि ! खमसु जं मए अयाणमाणेण कुवियप्पक्सओ खरफरुसं भणिया निद्धाडिया य ।" साहिओं सव्वा वि वंतरी-वुत्तंतो । तओं अदिट्ठ-वियोगं सिणेहसारं मए सह विसयसुहमणुहवंतस्स' वच्चइ कालो ।
__ अण्णया समुप्पनो मे पुत्तो तारहारो नाम । तस्स य जम्म-दिणे राइणा दत्तो मह एस हारो । कमेण पत्तो जोवणं । परिणाविओ विसुद्ध-रायवंस-संभवं कन्नयं। दाऊण तस्स रज्जं वणवासं गओ राया । धरिज्जमाणी वि मंतिसामंतहिं अहं पि रायाणमेाण गया । परिपालिऊण तास-वयं उवरओ राया । 'जइ' पत्थियं पिपाविज्जइ, इमस्स वा तावस-वयस्स फलं अत्थि तो जम्मतरे वि एसो. चेव मह पई हवेज्ज' ति भणिऊण तेणेव सह पक्ट्रिा हुयासणे । समुप्पण्णा मरिऊण तुह दुहिया । दळूण एयं हाररयणं 'पुद-परिचियं' त्ति, काऊण समुप्पण्ण-मुच्छाए पुबजाई-सरिया । ता कहं सो मए जाणियचो ?" जणएण भणियं-"पुत्ति ! नएस खेओ कायवो । जओ-"एस चेव कुमारो तह जम्मंतर-भत्ता । ता तस्स चेव तुमं वियरिस्सामि ।" साहिओ कुमारजाई-सरण-वइयो । एवं समासासिय गओ कुमारसमीवे चंडसेणो । पणमिऊण निसण्णो उचिमासणे । पुच्छिओ कुमारेण-"कुसलं ते दुहियाए?" तेण भणियं-"कुमार! तुहायत्तं तोए कुसलं ।” साहिओ सव्वो वि.दइयरो। पणम्पुव्वं भणिओ. कुमारो-"कत्तो. तए .एयं हार-रयणं समासाइयं ?" कुमारेण भणियं-"तारहार-राइणा तायरस उवायणी कयं ताएण पुण मह समप्पियं ।" चंडसेणेण भणियं-"जइ एवं तो अंगीकरेसु पुव-भव-पगइणीं।" समुप्पण्ण-गुरु-सिणेहेण लज्जासमथर भणिओ चंडसेणी"सज्जो हं तुह वयण-करणे । परं जणणि-जणयायत्तो एस वइयरी ।" हरिसिओं चंडसेणो । कहिओ कुमाराभिप्पाओ रंभावलीए । समागया रयणी। पेसिया रंभावलोए सहत्थगुत्थं पंवर-पुष्फ-मालं पंच-सोगंधियं तंबोल पहाण-दिलेवणं गहाय सूहविया नाम नियदासी । पत्ता कुमारसगासं । काऊण पणामं निसण्णा दसियासणे ।' मोत्तूण कुमारचलणपुरओ पाहुडं जंपियं सूहवियाए-"कुमार ! एसो रंभावलाए उवयारो । कुमारेण वि विलित्तो अप्पा विलेवणेण बद्धा केसेसु पुष्फमाला । सम्माणियं तंबोल । भणियं सोवयारं-"कुसलं ते सामिणीए ?" तीए भणियं-"तुम्हाण पाय-पसाएण कुसलं भविस्सइ । तओ सम्माणिऊण विसज्जिया दासी । गया सहाणं । दिट्ठा दुवारदेसाभिमुहा-निहित्त-लोल-लोयणा रंभावली । पणमिऊण साहिओ सूहवियाए सव्वो वि वइयरो । समूससिया चित्तेण रंभावली । जंपियं सूहवियाए"सामिणी ! जइ न विही विबंधगो तो संपण्णं चिय लक्खोयइ कुमारगोरव-दसणाओ सामिणी-समोहियं । दाऊण सहत्थ-तंबोलं विसज्जिया सूहविया । कूमारमेवाणचितियंतीए कह कह वि वोलीणा जामिणी रंभावलोए । पभाएं समागओ कुमारो । पेसिओ नारायणो नाम बंभणो । पडिहार-निवेइओ, पविठ्ठो कण्णतेउरे । साहिओ मूहवियाए संबंधो । हरिसिया रायतणया । उट्रिया पल्लंकाओ। दिण्ण सहत्थेण महल्लमासणं । निसण्णो नारायणो । काऊण पणामं 'हियइच्छियवरं लभसु' त्ति लद्धासीसा निसण्णा समुचियासणे । पूईओ वत्थाहरण-पुप्फ-संबोलाईहिं . नारायणो। निरूविया समंतओ तेण रंभावली । तक्खणा चेव उढिओ माणो । गओ सट्ठाणं । . वाहाविल-लोयणा विमुक्क-दोहुण्डनीसासा, नुवण्णा पल्लंके रंभावली । पुच्छिया सूहवियाए-“सामिणि ! किं-निमित्तं तुम उव्विग्गा विय लक्खियसि ?" तीए भणियं-"हला ! न चित्ते चढियाहं बंभणस्स जं सो मं निरूविय अकय-संलावो लहं चेव निग्गओ।" सूहवियाए भणियं-“सामिणि ! समुद्द-गंभीराणि पुरिस-हिययाणि भवंति, न नज्जति अम्हारिसजणेहिं । थिरा भवसु . । पेच्छामो पज्जंतं ।"
इओ गओ सो माहणो कुमार-समीवं । निसण्णो समुचियासणे । पुच्छिओ कुमारेण "दिट्ठा तए कण्णया ?" तेण भणियं-"आमं ।" कुमारेण भणियं-"संखेवेण भणसु केरिसा रूवेण?" माहणेण भणियंसा गुरुनियंबवरसोणिमंडला तिवलिकलियकिस-मज्झा । रंभार्थभसमोरू करिकुंभ-पओहरा गोरा ।।७७३।। दीहरविलोलनयणा सियदसण-विरायमाण मुह-इंदौ । विणयगुणसंपउत्ता रइ व्व रहिया अणंगेण ॥७७४।।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |