Page Text
________________
१२२
मणोरमा-कहा
जइ वि गुरुलहरिकल्लोलपेल्लियं कहवि गिरिनई पत्तं । अणुसरइ मग्गलग्गं पुणोवि रयणायरे रयणं ।।७७२।।
सच्चविओ णेण एस लोयपवाओ। ता सोहणं संजायं जं तुह करे जायमेयं । एवं भणिय जावज्जवि चंडसेणो न विरमइ एत्थंतरे तुरिय-तुस्थिं ससंभमो समागओ कण्णतेउर-महल्लओ। पणामपुरस्सरं विण्णत्तो तेण चंडसेणो-- "सामि ! रंभावली-कंधरामंडणे कए तम्मि हार-रयणे सहसा चेद वेवंत-सरीरा मुच्छावसा पडिया भद्दासणाओ रायतणया। पेसिओ हं सामिणीए सुरंभाए सरूव-साहणत्थं तुम्ह सयासे।" एयं सोऊण निरूवियं कुमारवयणं चंडसेणेण । तेण वि णाऊण तयभिप्पायं विसज्जिओ गओ सभवणं । दिट्टा तयवत्था रंभावली । सित्ता सिसिरजलेण, विलिता पवरचंदणेण, वीजिया तालियंटेण । उम लियं कह कह विताए लोयण-जुयलं । लद्धा चेयणा । कओ आसण-बंधो। पुच्छिया जणणि-जणएहिं रंभावली-"पुत्ति ! किं-निबंधणो ते मुच्छागमो?" बाहजल-भत्यि-लोयणाए जंपियमणाए"सुणेउ ताओ
इओ पुत्वभवे ताराउर-नयरे तारापीडराइणो तारप्पहा नाम भारिया अहमहेसि । बोया तारावली। दुण्णि वि सम्मयाओ नरिंदस्स। एगम्मि दिणे संवासं पुष्फ-तंबोलाइयं मह वियरइ। बीयम्मि तारावलीए। एवं परोप्परं सिणेहसारं विसय-सुहमणुहवंताण वच्चइ कालो। अण्णया वसंत-समए उज्जाणे गओ दिट्ठो राया वाणमंतराए। वियंभिओ तीए मयणानलो। रयणीए मह रूवं काऊण वसिया समं राइणा। बीय दिणे तासवलीए एवं रइऊण रमिओ राया। एवं
॥ वाणमंतरी • कज्जमबुज्झमाण। समुप्पण्ण-मच्छराए सा पइदिण रायाणं रमेइ त्ति कुवियाहं तारावलीए । एसा वि एवं चेव मह कुविया परोप्परं अणालवमाणाण ईसानल-डज्झमाणमाणसाण अण्णोण्णछिद्ददसण-परायणाण बच्चइ कालो। • अण्णम्मि दिणे भणियाहं राइणा-"पिएं ! तारप्पहे ! पुवि तुम्हाण परोप्परमच्चंतपीई आसि । संपयं पुण
'सइ। किमेत्थ कारण?" मए भणिंयं-"तुमं चेव सयलाणत्थनिबंधणं जो एगरसो होऊण तारावलीमयं सव्वं जयं मण्णेसि ।"
तओ आयारसंवरं काऊण राया बीय-दिणे तारावली वि तहेव भणिया। तीए वि तहेव पडिभणियं । राइणा चितियं -जहा पुट्वि संपयं पि तहेव दोण्हं पि सममहं पयट्टामि । एयाओ पुण विसरिसमुल्लवंति। ता को एत्थ परमत्थो । एवं चिताउलस्स वच्चंति कइवयदिणाणि राइणो। . .... अण्णम्मि दिणे पओयणबसेण गया कहिं पि वाणमंतरीए । वुत्थो राया तारावलीए सह । परिगलिया रयणी। समागया वाणमंतरी दिठो राया सह. तारावलीए । समप्पण्ण-कोवानलाए चितियं वाणमंतरीए-“वावाएमि ताव एयं, पन्छा तारप्पहं ।" .एवं चिंतयंतीए तीए उग्गओ . अंसुमाली। उठ्ठिओ राया । गओ सट्ठाणं । भुयंगरूवं काऊण डकका तारावली वाणमंतरीए । मुक्का पाणेहिं । घेत्तूण जल-तंबोलाइयं समागया दास-चेडी । दिदा पंचत्तमुवागया । कओ कोलाहलो । मिलिओ परियणो । समागओ राया। जाणियं जहा विसवियारेण मया । संकिओ राया । पूच्छियाहमेगंते-"किं तए पावक्रम्म मेयं समायरियं?" मए भणियं-“न मया ।" तहा विन पत्तियइ राया । छिण्णो मए सह सिणेहाणुबंधो । संजाया वेसिणी । परिणीया चंदजसराइणो धूया चंदप्पहा नाम । संजाओ तीए सह पेमप्पस रो।
....... अण्णम्मि दिणे तीए सह पसुत्तो दिलो राया वाणमंतरीए । एसा वि तहेव मारिया सो वि कलंको मह चेव निवडिओ । कुविओ राया। समाणत्ताहं निविसया । गया सिरिउरं नाम नयरं । सा वि. वाणमंतरी काऊण महा सरूवं. समागया रयणीए रायसमीवं । निभच्छिया राइणा-"पावे! निद्धाडिया वि-तुम कीस समागया ? अक्सर दिट्टि-पहाओ। न पुणो वितए मह अप्पा दंसियव्व।" संहरिऊण तं रूवं रूवंतरं कयं वाणमंतरीए । विम्हिओ राया। पुच्छिया-"का तुम?" तीए भणियं-उज्जाण-देवया । तुह रूवाइ-गुणावज्जिय-माणसा समागया । राइणा ससंकेण भणियं-"किं पढम-दंसणं उवाह पूबि पि आसि?" इसि हसिऊण जंपियं तीए “अलं बह क्यिारेण ।". जंपियं तीए"पूरेसु मे मणोरहे।" रण्णा भणियं-“जइ तुह मए कज्जं ता अहटियं साहेसु ।” साहिओ तीए सव्वोवि पुष--
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |