Page Text
________________
सम्मत्त-बीय-लंभो णाम पढमो अवसरो तत्थ य नरसीहकुमारवइअरो
१२१
ता रे दूय ! गंतूण भण मह वयणेण कुमारं – 'अलं ते समर-संकहाए । सरसु सपच्छिमभूभागं ।” साहियं गंतूण । कृविओ कूमारो। सन्नद्धो सबल-वाहणो निग्गओ चंडसेणो। संलग्गमाओहणं । भग्गं कुमारबलेण इयरं। एत्थंतरे तज्जिओ कुमारेण चंडसेणो-"अरे! जइ अस्थि पोरुसं जाओसि वा नियजणएण ता वलसु ममाभिमुहं । नाहं पलायंतेसु पहरामि।" एयं सुणिऊण कोवारुणनयणो चलिओ कुमार भिमहं चंडसेगो। नवपाउसो व्य वरिसिउमाढत्तो सियसर-धोरणीहि हया कुमार-रह-तुरंगमा । सरविसरविभिण्ण-हियओ निवाडिओ धरणीयले सारही। अद्धयंदेण छिदिऊण पाडियं सियायवत्तं । तओ जंपियं दप्पुद्धरकंधरेण चंडसेगेण "कुमार ! .. अण्णह परिखेलिज्जइ नियघरे डिभमज्झयारम्मि । अण्णह नच्चंत-कबंध-दारुणे .समर-संघट्टे ।।७६८।। ता जइ वि कण्ण-कडुयं पयंपियं समर-मज्झयारम्मि । तह वि मए तुह खमियं बालस्स अयाणमाणस्स" ७६९।
__ कुमारेण भणियं“जइ कहवि हयानिया छत्तं छत्तूण सारही निहओ । कि तेण भीइ पत्तो जओ तह एरिसिओ जेण ॥७७०॥ साहिति गुरुय-कज्जाइं सूवरिसा न उण हरिसिया हुँति । तुच्छा तुच्छ वि कए हिट्ठा हियए न मायति ।।७७१।।
‘अवलंबसु संपयं पोरुसं' ति भणंतो गहियासि-खेडओ केसरि-किसोरओ ब्व करिकुंभत्थले दाऊण विज्जुखित्तकारिणं समारुढो चंडसेणरहवरे नरमोह-कुमारो । करवालं उक्खिवंतो चेव पहओं दाहिणभूयामूले कुलिस-कढिणेण मुट्ठिप्पहारेण चंडसेणो। निवडियं कराओ करवालं । पुणो वि पहओ पिट्ठिए । मुच्छा-विहलंघलो केसेसु कड्ढिऊण पक्खित्तो धरणीतले । जीवगाहं गहिय संजमिऊण दढबंधणेहिं निययरहमारोविओ निययावासं गंतूण मोइऊण बंधणाओ सम्माणिऊण वरवत्थाहरणेहिं भणिओ कुमारेण-“गम्मउ तायपासं ति । तेण भणियं-"जमाइसइ कुमारो । परं किंपि विण्णवेमो कुमारं । कीरउ मह पसाओ। पविसज्जउ नयरं । नियचलणालंकियं किज्जउ मह भवणं । पडिच्छिज्जउमह विणओ जेण मह मण-निव्वुई होइ।” उवरोह-सीलयाए पडिवणं कुमारेण। पविट्ठो महया विच्छड्डेण कयहट्टसोहं नयरं । गओ विहिय-मंगलोक्यारं चंडसेणरायभवणं । कयमज्जणोवयारो भोयाविओ परमभोयणविहीए। चरमजामे अत्थाण-मंडवे वरसीहासणनिसण्णस्स निव्वत्तियासेसमंगल-कज्जस्स उवायणीकयं पहाणकरि-तुरय-रयणाइ । पडिवण्णो भिच्चभावं। कूमारेण वि पसाइकयं नियंग-लग्गं सव्वंपि आहरण-वत्थाइयं चंडसेणस्स । तेण वि कुमारसंतिओ अट्ठारससरो भुवणभूसणो नाम हारो पहाणो त्ति कलिऊण समप्पिओ। कण्णतेउरमहंतयस्स भणिओ य सो'तहा तए कायव्वं जहा स रंभावली-कंधर-मंडणो होइ।" 'जं सामी समाइसई' ति भणिऊण गओ महल्लओ। कयं रायसमाइलैं । एत्थंतरे अंतोमुहत्तसेस-वासरे पहाणो पत्थाण-मुहुत्तो ति कलिय सह] चंडसेणेण निग्गंतूण नयराओ
हिरुज्जाणे ठिओ। पत्थाणे कुमारे जावखणमेगं परोप्परं संकहालावेण चिट्ठति तावाणमग्ग-लग्गो समागओ चंडसेणभंडारिओ। पणाम-पुरस्सरं भणिओ तेण चंडसेणो--"सामि ! जं तुब्र्भहिं कुमारनिमित्तं मुद्दारयणमाणावियं तं कह-काह विरयणमज्झे निरूक्यंतेण मए पावियं। ता साहेउ सामी! कि कीरउ?"
तओ किरण-नियरकरंबियं कारतलं गहिऊण भंडारियकराओ नियकरेण पणयपुव्वं कुमारदाहिणकरमझिमंगुलीए आविद्ध मुद्दारयणं चंडसेणेण। सुइरं निरूवि कुमारेण--"अहो ! सुंदर मुद्दारयणं । दिट्ट् कहिं पि एयं" ति सविसेसं निरूवयंतेण दिह्र महाराय-तारापाड-नामंकियं । ईहापोह-मग्गणं कुणंतस्स समुप्पण्णं जाई-सरणं कुमारस्स । मुच्छावस-विहलंघलो निवडिओ सीहासणाओ। जाओ सिबिरखोहो। सन्नहिउमारद्धा दोसु वि बलेसु सामंत-भड-भोइया । निवारिया पहाण-परियण-पुरिसेहि। कयविविहोवयारो सत्थावत्थो जाओ खणतरेण कुमारो। पुच्छिओ चंडसेणेण"कुमार ! किमेयं मणागमजस-पके अम्हं तुमं वोलिया ?"भणियं कुमारेण--"कत्थ तुमए एयं पावियं मुद्दारयणं?" तेण भणियं-"ताराउर-निवासिणा तारापीड-नरिंद-नंदणेण तारहारेण पंसारण मह पेसियं।" जंपियं कुमारण-"पुव्वभवे तारापीड-पज्जाएण रज्ज कुणंतस्स मह करंगुलीएं इमं आसि । दंसियाणि संजायपच्चयेण जंपियं चंडसेणेण-"जइ एवं तो सट्टाणमुवगयं एवं
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |