Page Text
________________
सम्मत्त-बीय-लंभोणाम पढमो अवसरो तत्थ य धनदेवस्स पवज्जा तस्स घरणीए य कहासंबंधो
११९
तओ आउयक्खए उठवट्रिऊण जाया मायंग-घरे दारिया। कमेण पक्ड़ढमाणा पत्ता जोवणं । परिणीया एगेण मायंग-दाराण। अणिटा तस्स। धरिया लवरि अण्णा तेणं मायंगीए विसं दाऊण मारिया तीए। एसा मरिऊण मुप्पणा छट्ठीए चेव । एवं सव्वासु विनरय-पुढवीसु उक्कोस-ठिईएसु दो-दो धारा समुप्पण्णा। तओ जलयर-थलयर खेयर-संमच्छिम-पुढदि-आऊ-तेउ वाउ-वणस्सई सुइरं भमिऊण सावसेसमुणिवह-जणिय-पावकम्मणा तुह घरे दुहियत्ताए समुप्पण्णा। तक्कम्मोदएण अणिट्ठा एसा सयलपुरिसाण। विलासिणीए भणियं-“केवइयं कालं इमाए दोहग्गदोसो भविस्सइ?" भगवया भणियं-"जावजीव" । अण्णया इमिणा वेग्गेण वड-निवडणण मरिऊण अरुणदेव-माहण-दहिया भविस्सइ । वल्लहा जणणि-जणयाण।
तओ सा सोमसिरि-पवत्तिणि सीवे सोऊण धम्म काऊण निक्कलंक पन्दज्ज मोक्खं गमिस्सइ। एयं सोऊण विम्हिया परिसा। एत्थंतरे धणदेव मुद्दिसिय-पुच्छिओ कुमारेण अमियतेयसरि-"भयवं! इमस्स घरिणी दासहरे पत्ता चेव अवहरिया। ता कहेहि केण कि निमित्तं कत्थ का चिट्ठाइ?" सुरिणा भणियं-सुण', .
दिट्ठो एस कयाइ नयराओ निग्गच्छंतो धणदत्तसेट्रि-दुहियाए दिणयवईए । समप्पण्णो तीए इमं पइ सिणेहाणुबंधो। अब्भत्थणापुव्वं दिण्णा धणदत्त-रुट्टिणा। पुद कलत्त-सिणेहलंघिएण नपडिच्छिया इमिणा। तओ अत्ताणयं उब्बंधिऊण मया विणयवई। जाय। वाणमतरी। पुदवेरं वहमार्णए वासभवणाओ हरिऊण इमस्स घरिणः पक्खित्ता समुद्दमज्झे । कहकहदि समासाइऊण पुद-विवण्णजाणवत्तफलयं । सत्तमदिणे समुत्तिण्णा नइ-नाहं । दिट्ठा सदुक्खं रुयमाणी कुस-सा मिधेय-निमित्तमा गयाए वुड्ढ-तावसीए । समासासिया कोमलक्यणेहिं । पाइया कमंडलु-सलिलं । भुंजाविया कंद-मूल-फलाणि।
तओ सणियं-सणियं अंगाणि संवाहयंतीए पुच्छिया ताबसीए-“पृत्ति! का तुम? कहं वा एरिसं महावयं पाविया?" बाहल्ल-लोयणाए साहिओ तीए सव्वो वि नियवइयरो। तावसीए भणियं-"वच्छे ! चंद-दिवायराणं पि आवयाओ हवंति किमंगपूण सेसपाणिणं । तान तए विसाओ कायव्वो । "इओ समासण्णतवोवणे गोरीगंधारो नाम कुलवई परिवसाइ। सो पूण दक्खियजण-जणी वसण-सम-निवडिय-पाणिणं नित्थारण-समत्थ-बोहित्थ-प्पो । ता वंदिऊण करेहि जं सो समाइसाइ जेण कल्लाणपरंपरा पावेहि ।" तीए भणियं-"ज भयवई समाइसइ।” गयाओ दुण्णि वि आसमपए। दिट्ठो कुलवई। वंदिओ य तेण वि सुहिया होहि' त्ति दिण्णा आसोसा। पुच्छिया तासी-"का एसा हिमदड्ढकमलिणि व्व विच्छाय-क्यणा सदुक्खा वि लक्खीयइ ? " कहिओ सव्वो वि वइयरो तावसीए। तओ भणियं कुलवईणा"वच्छे ! न तए सोगो कायव्वो। केत्तियमेत्तं एयं संसारसमागयाण जीवाण । सुलहाओ आवयाओ दुलहा पुण धम्म-पडिवत्ती ।।७५४।। ता मोत्तण विसायं सोयं चइऊण दुक्खसयहेउं । कुणसु तुमं धम्ममिणं जेण पुणो लहसि नो दुक्खं ।।७५५।।
‘एक्मेयं' ति भणिऊण ठिया तत्थेव कइक्य दिणाणि। अण्णया सत्थेण समं गया तोसलपुरी मिलिया विमलमइ महत्तशए। सोऊण धम्म पडिवण्णा पव्वज्ज । उम्पाडिय-केवलं नेव्वाणमुवगया।
तो वेग्गमग्गमुवागरहिं वंदिऊण भगवं भणियं धणदेव-कविजल-अरिहदेवेहि-"भयवं ! जरा-मरण-रोगसोग-वाहि-विहरियं विहणिऊण संसारवासं इच्छामो देवाणुपियाणमंतिए सयल-दुक्ख-सिहरि-सिहर-वज्जासणि-सन्निहं जिण-दिक्खं पडिज्जित्तए।" भयवया भणियं--"उचियमेयं, संसारवास-भीरुयाण निम्मल-विवेय-संगयाण जिण-यणसवण-संजाय-निम्मल-बोहागयजहट्ठिय-वत्थुतत्ताणं तुम्हारिसाण साहेह नियसमाहियं, मा विलंबेह।"
तओ वंदिऊण भगवंत समागया सव्वे विनियभव गेसु, साहिओ धणदेवाईहिं जणयाण निययाभिप्पाओ नाऊण निब्बंध अणुमणिया तेहिं । तओ पारद्धा जिणाययणेस सुमहया विच्छड्डेण अद्राहिया माहिमा । घोसादिया अमारी। मोयाविया कारामारगयपाणिणो। पयट्टावियं तिय-चउक्क-चच्चरेसुर्द नाणाह-कप्पडियाईण दाणं । पूइया साहम्मिया वत्थभोयण-तंबोलाइणा।
_Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |