Page Text
________________
मणोरमा कहा
नियसील- रक्खणट्टा ससहाया भ्रमह वासरे तुब्भे । एागिणीओ रयणीए वसह जूयार- पासम्मि ।। ७४९।।
जाणियमेयाहिं जहा भिण्णं रहस्सं गयाओ सूर-सुंदराणं पसं । भणिया ते ताहि - ' पलाइज्जउ, संपयं भिण्णं रस्सं' । पडिवणं तेहिं । गहिऊण घरसारं रयणीए गयाओ तेहिं सद्धि महासई-सइओ । ता भाया !
११८
अंतो हसति बाहि रुयंति दंतिति गरुय अणुरायं । नियकज्ज कए बहुहा चाडूणि कुणति रमणीओ ।।७६०।। विस्सासिंति परजणं विस्सासं अप्पणा न गच्छति । खणरत्त-खणविरत्ता मूलं विलयाउ दोसाण ।। ७५१ ।। अण्णं भांति अण्णं कुणंति अण्णं मणम्मि चितिति । अलिएण वि मुद्धजणं महिलाओ पत्तियाविति । । ७५२ ।। मावच्च सुवी संभं मुद्धकुलीणाण वच्छ महिलाण । विमला वि दीवयं-सिहा कज्जलमइलं घरं कुणइ ।। ७५३ ।। अओ न वोसंभो कायव्वो समं निरूवियाहं ते इमाए सील साहिस्सा मि
!
अणम्मि दिने तमंधयाराए राईए समागयाओ दुग्गलाए जणणः । दिण्णासणा निसण्णा पुच्छिया जणणीए" पुत्ति ! रंजियं तर माणसं पइस्स ?" तीए भणिय - "आम ! " वियणं णाऊण पुणो भणिय - “पुत्ति ! जगणी अहं ते । सच्च साज्जसु किस ते पुत्तो खंदिलदाससरिच्छो ?" तार भणियं - "अंब ! अवियारियं रमणीयं । " तीए भणियं" पुत्ति ! एवमेवं परं नत्थेत्थ कोइ जस्स भएण दियारो न कोरइ । ता कहेसु जहद्वियं ।" तीए भणियं - " अत्थि दिल संभवो ?" जणणाए भणियं- “हवउ जाया तुमं घरता मिणी ।" गया सा निय-मंदिरं । सुअ अ एस सव्वो वि वृत्तंतो पच्छण्णसमासण्ण- दार-संठियाए वेयसार भइणीए । साहिओ एगंते वेयसारस्स । समुपण्ण-विरागेण चितिथं ते - 'सुविणिच्छ्यं काऊण परिहरामि घरवासं तप्पभिई अप्पणा समं ' निरूवितस्स जाओ पच्चओ ।
ar freeमाणसो, निव्विण्ण काम - भोगाभिलासो, गहिऊण भूरिसुवण्णयं अकहितो व निग्गओ घराओ । गओ गाममेगं । दिट्ठो तत्थ गुणधम्मो नाममुणिवरो धम्मदेसणं कुणंतो । गओ तयंतियं । सोऊण धम्मं संजाय-चरणपरिणामो, काऊण जिणाययणेसु अट्ठाहिया-महिमं संपूजिऊण सिरिसमणसंघ, दाऊण दोणाणाह-किवण-वर्णी मग पंगु अंधपहाण दाणं, निक्खतो गुणधम्ममुणिवरसमवे वेयसारो । अहिज्जिओ आगमों, जाओ गांयत्थो, पडिवण्णो एगल्लविहारपडिमं । मासकप्पेण विहरंतो समागओ [ धवलगंगं नाम नियनगरं ] तत्थ भिक्खायरियाए परियडतो पविट्ठो तं चैव निय-मंदिरं । दिट्ठों दुग्गलाए, पञ्चभिण्णाओ य । दूमिया माणसे चितिउमारद्धा -- " कहष्णु नाम एसो वावाएroat, Tafa पुरओ मह सीलं पर्याडिस्सइ" त्ति कुवि [कप्प] समाउलमाणसाए विसेण संजोइऊण दवाविया दासीए हत्थे भिक्खा । गहिऊण निग्गओ मुणिवरो । गओ सट्टाणं । अत्यहुओ भुंजतो चेव घारिओ विसेण । तओ काऊण कालोचियमणसणं, पंचणमुक्कार-परायणो समाहिपतो मरिऊण समुप्पण्णो महासुक्के सक्क-सामाणिओ सुरवरो । दिट्ठ farयप्पाणं मुणि कडेवरं गामलोएहि लक्खियं जहा - विसप्पओगेण केण वि एस मारिओ । हा ! हा । अहो अकज्ज कथं केण वि पावकम्णा | वित्थरिओ पवाओ एस सव्वम्मि गाये । कुकम्म - कारण समुप्पण - पच्छायावाए कहियं दासीए वेयसार भइणीए - "अम्मो ! दुग्गला वयणेण मए इमं कुकम्ममायरियं, हा हयं ! हा हयम्हि मंद - भाइणी ! कहिं गया सुज्झिस्सं" - तीए भणियं - ' पशयत्ता तुमं । अप्पो ते दोसो ।' गंतूण दुग्गला - समीवं सकोवं भणिया सा तीए -- "पावकम्मकारिणि ! कवड - ववहारिणी ! जहिच्छाचारिणि ! सुट्ठजण-विप्पयारिणि ! दुस्सीले ! दुक्कुलोणा ! कि सासयं तुह जीवियं जेण तए अप्पा रिसि घाइणो निजोइओ ?" तीए भणियं - "नत्थि को इमीए जो अलियवाइणीए जी हाच्छेयं करेज्जा ।" एवं ताण विसं वयंतीण समागओ तं पएसं दंडवासिओ। नीयाओ तेण दोवि रायउलं 'सदोस' त्ति काऊण कण्णनासं छिदाविऊण निद्वाडिया गामाओ
तओ परियडंती पत्ता गाममेगं । निवसिया सुण्ण- देउले । डक्का श्यणीए कसिण भुयंगमेण । अट्टज्झाणोवगया मरिकण समुप्पण्णा छट्ट - पुढवीए ने इयत्ताए ।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |