Page Text
________________
सम्मत्त-बीय-लंभो णाम पढमो अवसरी तत्थ य धनदेवकहाणगे महासइसई कहा
११७
सुणिय समागओ सो निय-मंदिरं । कहिओ रहसि परिणि-सुण्हाणं पोत्थय-वाइयाए परमत्थो । भणियाओ ताओ पत्थणापुच्वं-"तह कहवि वटियव्वं भवईहिं जहा सुद्ध-संताणो संपज्जइ।" ताहिं भणियं-“एगं ताव अप्पणो चेव अम्हे एयम्मि अत्थे कय-निच्छ्याओ । बीयं पुण अज्जउत्त सिक्खावणा। सिक्खाणुरूवं चेव करिस्सामो।"भणिऊण गयाओ ताओ गहियतंब-भायणाओ गामरत्यंतराणि सलिलेणाभोक्खंतीओ भमंति। दळूण पर-पूरिसं वत्थंचलेण लोयणाणि पिहंति। जाया सव्वम्मि गामे पसिद्धी। अहो ! सीलपरिपालणज्जमो । अहो ! कुलोणत्तणं। दंसेति पियपत्ता विसेसेण ताण गोरवं। असंकणिज्जाओ ववहरंति सव्वेसु वि घरपओयणेसु ।
इओ य तम्मि चेव गामे सूर-सुंदराभिहाणा दोण्णि जूययरा निवसति । अण्णया गंगासागरोवकंठ-संठिय-नीलकंठदेवपाय-वंदणागयाहिं ताहि दिवा ते दोवि । निरूविओ साणंदं सूरो गंगाए, सुंदरो गोदावरीए । तेहिं वि ताओ। मिलियाओ परोप्रं दिट्ठि-दूइयाओ जायाओ एग-चित्ताओ सासुय-वहुयाओ । एवं च तेहि समं पच्छण्णमच्छताण ताण समुप्पण्णा पुत्ता । वुड्ढि गया जूययर-संताणा। दट्ठण को वि कत्थवि विसरिस-चरियाई सासुय-वहणं । बंधू वा मित्तो वा कहेइ सेट्ठिस्स हिययट्ठा ।।७४७।। तं सुणिय भणइ सेट्ठी-“कारह मोणं अयाणया तुब्भे। चंदे अस्थि कलंक न उणो मह घरिणि-सुण्हाण ।।७४८।।
___ अण्णम्मि दिणे भणिओ सेट्ठी गंगाए-"सायर-तित्थं संचरंति तत्थंतरा विडजणा। अम्हेहिं पुण तत्थ नीलकंठदेव-वंदणत्थं नियमेण गंतव्वं । अओ परिणय-पुरिसं सहायं निरूवेहि"। दिण्णो सेट्टिणा। वच्चंति दिणाणि ।
अण्णया एगम्मि दिणे भणिओ सेट्ठी गंगाए-"अज्जउत्त! रिउ-हायाए दिळें मए पर-पूरिस-महं। अओ समं साडियाहि पहाएयव्वं, दायव्वा तिल-लोण-कप्पास-लोहाइ दक्खिणा बंभणाण" सेट्टिणा भणियं--"एवं करेहि।" तहेव व्हाया, मोक्कल-चयंत-केसम्ग-वत्थंचला, दाऊण तिलाइ-दाणं, बंभणाण चलणेसु निवडिया । बंभणेहि भणियं-"सेट्रि! धण्णो तुम जस्स घरे एयारिसा महासई परिवसइ।" तओ चेव दिणाओ महासइ-नाम जायं । तुट्ठो सेट्ठी दिण्णो परिओसदाणे हारो। महासईए भणियं च गाए 'सीलं चेव मह भूसणं किं हारेण?" सेट्टिणा भणियं-"वहुए समप्पेमि।" समाया गोयावरी । समप्पिओ सहत्थेण हारो सेट्ठिणा । तीए भणियं-"मोत्तूण ताय-तणयं न मे अण्णो पुरिसो कंधराए लग्गइ, पुरिसो य हारो।" बंभणेहि भणियं--"अहो ! सतित्तणे ठिया एसा । अहिट्ठियं निय-सासुयाए पयं। जायं 'सइ' त्ति, नाम । आणंदिया दोहि वि पइणो। पइदिणं वियरंति अणिवारियप्पसरं।
अण्णम्मि दिणे राईए भणिया सूरेण-"महासई ! पभाए मम दाहिणहत्थच्छेओ भविस्सइ।” तीए भणियं-"कि कारणं?" तेण भणियं-"हारिया मए दस दिणारा जूयम्मि। न उण गंठिए रूवओ वि अत्थि ।" तीए भणियं-“न भाइयव्वं नियपइ-हत्थाओ ते दलइस्सामि।" 'तेण भणियं-" 'कहं ?' "कि तुह वियारेण? मह पिट्रओ समागंतव्वं।" लग्गो तीए पिट्टाओ। समागया निय-घरं। भणिओ सेट्ठी--"अज्जउत्त ! अज्ज पीसण-गयाए भग्गो मए घरट्रो। कुविओ तस्सामिओ। 'दस दीणारे वा पयच्छसु करं वा ते छिदामि' भणंतो पिटुओ चेव समागओ।" दिण्णा सेट्रिणा दसदोणारा । गओ जूययरो। अण्णम्मि दिणे सुंदरेण वि भणिया-“सई ! हारिया मए जूयम्मि दुवालस दोणारा। तं निमित्तं मह पायच्छेओ भविस्सइ।" तीए भणियं-"मह पिट्टओ समागच्छ, जेण दाहामि निय-पइणो हत्थाओ।" लग्गो तयणमग्गेण । पत्ता सभवणं सई । दिट्ठो तिय भत्तारो, भणिओ य-"अज्ज उत्त ! अज्ज दलणगयाए आसण-निमित्तं सुण्ण-घरमुग्घाडियं । दार-देसमासण्णो भग्गो घडओ। एत्थंतरे समागओ घरसामिओ। “दुवालस दोणारा वा देसु चलणं वा ते छिदामि' भणंतो मम मग्गाणुलग्गो चेव समागओ। दिण्णा तेण बारस वि दीणारा। गओ जुवारो सट्ठाणं ।
___ अण्णम्मि दिणे गंगासायर-गमण-सहाय-पुरिसस्स दूसलाभिहाणस्स समुप्पण्णा संका-कहं णु महासई-सई गंगासागर-समीवे न सहाय-मिच्छति, रयणीए पूण पीसणाइ-मिसेण एगागिणीओ परियडंति ?" नायव्वो मए एस वइयरो ।' अण्णया अलक्खिओ चेव लग्गों ताण पिट्ठओ। मुणिओ सव्वोवि वुत्तंतो। समागयाओ पभाए। तओ ताण जाणावणत्थं पढियं दूसलेण--
_Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |