Page Text
________________
मणोरमा-कहा
अत्येण होइ दाणं तवो वि सत्तीए तीरए काउं । सीलं पि सत्त-सज्झं साहोणाभावणा लोए।। ७४३।। ता भावण-पोएणं धम्म-सिढसण्णिएण विउलेणं । तरह लहुं भवियजणा संसार-महण्णवं सिग्धं ।।७४४।।
एवं परूविए अमिय-सूरिणा दाणाइभेय-भिण्णं चउविहं वि धम्मे परिओसमावण्णाए नरसीहकुमार-धणदेवपमह-परिसाए लद्धावसराए पुरओ काऊण अणंगसेणानामियं निय-दहियर जंपियं लीलावइनामियाए विलासिणीए"भयवं! एसा मह दहिया गरुय-दोहग्ग-दोस-दृसिया कालं गमेइ, किमेत्थ कारणं?" हरिणा भणियं-"भद्दे ! सुणसु।' बुग्गिलाकहा तत्थ य महासईसईकहा
एसा इओ असंखेज्जइमे भवे महाबलगामे सोमदत्ताभिहाणदुग्गय-माहणस्स दुग्गिलानाम दुहिया अहेसि । तम्मि चेव गामे वेयसारो माणो परिवसइ । सो पुण अईव ईसालुओ। जइ निय-कलत्त केण वि सद्धि हसंतं वा संलवमाणं वा पेक्खइ तओ निद्धाडेइ। एवं तेण परिणयंतेण निसारयंतेण य मित्तमट्ठाणे परिणीया भूरि-दविण-पयाणेण सोमदत्तमाहण-दुहिया दुग्गिला। भणिया-य सा जणणोए-"पुत्ति ! एस अईव ईसालुओ। ता इमस्स दिढेि वंचिज्जसु वयणेहिं य रंजेज्जसु।" तीए भणियं-"जमाणवेइ माया।" नीया सा वेयसारेण नियमंदिरं। दंसियं पासादोवरि वासभवणं तत्थ ठिया कालं गमेइ।
अण्णम्मि दिणे विहिय-पड-पाउरणा दीउण्ह-नोसासे मुंचती सयणिज्जे नुवण्णा दिट्ठा वेयसारेण । पुच्छिया य-"पिये ! किं ते वाहइ ?" तीए भणियं-“अज्जउत्त! अज्ज परपुरिस-दसण-समुप्पण्ण-तिव्य-सिरवेयणाए न सक्कृणोमि अच्छिउं।"
__ तओ रंजिओ माहणो माणसे "अहो ! महासई एसा, जीए दंसणेण विपर-पुरिसस्स सिरो वाहेइ सा कहमकज्ज काही । कायरक्खणोवाया संपलग्गा सा वेयसारघर-दासे खंदिले।
अण्णम्मि दिणे वास-भवण-संठिय-वेयसार-समीवे पओयण-वसेण समागओ खंदिलो। गयस्स तस्स अब्भोक्खिओ मग्गो दुग्गिल्लाए । वेयसारेण भणियं-"पिए ! कि कयं?" तीए भणियं-"पर-पुरिस-फंस-दुसिओ मग्गो पवित्तीकओ। माहणेण भणियं-"पिए ! पुत्त-तुल्लो घर-दामो एस ते, न पर-पुरिसो।" तोए भणियं--"अज्जउत्त! जइ वि एवं तहवि न मह समीवे तुमं वज्जिय पुरिसेण समागंतव्वं ।” हरिसिय-माणसेण तहेव पडिवण्णं माहणेण । सम्माणिया पवरवत्थाहरणेहिं। वच्चंतेसु वासरेसु जाओ खंदिलेण पुत्तो दुग्गिलाए। परितुट्ठो वेयसारो । कारावियं महया विछड्डेण वद्धावणयं । कयं मासावसाणे नामं 'वेयगम्भो' त्ति । विसज्जिया संपूइऊण सुहि-सयणाइया। भणिओ य एगंते दुग्गिल्लाए बंभणो-“अज्जउत्त! सुयस्स अण्णं धावि निरूवेहि । जइ वि एस पुत्तो, तह वि तुमं मोत्तूण मह सव्वो पर पुरिसो। अओ न एस मह थणे लग्गिस्सइ।" एयं सुणिय हरिस-विसाय-समाउलेण सद्दाविया वेयमुही नाम नियभइणी। वेयसारेण साहिओ सब्वो वि वुत्तंतो। तीए भणियं--"वह, दिट्ठा मए, एगम्मि दिणे खंदिलेण सह भू-सण्णाए क्वहरंती। निसिद्धं चेयं कुलबालियाण जेण भणियं; -
मंति बहेरउ चोरु खासणउ । निठुरु वाणियउ, ठक्कुरो वि अइबद्धमुट्ठिउ । बंभणु हुंतउ जु न पढइ अवियारी सोत्तिउ । सिव्वि मं चिंदणीएण कज्जु न सिज्जइ तेण।। कुलवहु भमुहा वंकिणी अट्ठ वि हणि लउडेण ।।७४६।।
अइसुद्धी एसा न सोहणा । किण्ण सुयं तए महासइ-सईण चरियं ?" वेयसारेण भणिअं-"न सुयं। कहेसु।” तीए भणियं-- महासईसईकहा
अत्थि गंगासागर-समीवे धवलगंगो नाम गामो। गंगाधरो सेट्ठी। गंगा से भारिया! गोविंदो पुत्तो। गोदावरी से परिणी। अण्णया पोत्थय-वाइयागएण सुयं गंगाधर-सेट्टिणा-'असुद्ध-संताणदिण्णो पिंडो न पियरा पडिच्छंति ।" एयं
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |