Page Text
________________
सम्मत्त-बीय-लंभो णाम पढमो अवसरो तत्थ य चंदणसेठ्ठिकहाँ
एत्थावडे ?" तेण भणियं-"कूलसंभवो चंदणो नाम । निहाणं खणंतो जक्खणेह पक्खित्तो । तुम पि साहेसु निय वइयरं ।" तेण भणियं-“मज्झ दिएस वइयरो । परं भवियन्वयानिओएण पडियमेत्तो चेव गहिओ पाएस अयगरेण । ताव गिलिओ जाव कडियाडनिबद्धाए असित्तियाए मंदीकओ गसणपसरो अयगरस्स । ता माभाग ! अत्थमिओ मह जीवलोगो । खणमेत्तं जीवियं । तए पुण नियपाणा पयत्तेण रक्खियया । तं सुणिय समुप्पण्ण-कारुण्णेण परामुसिऊण पहओ मुहिप्पहारेणमुहपएसे अयगरी चंदणेण । न कि पि गणेइ । तओं गहिऊण पुच्छप्पएसे विहुणिओ तह विन मुयइ । भणिय चंदणण-“भो कयंत-दूउ व्व एस आवेसमावण्णो न मुयइ भवंतं । सुमरेसु इट्ठ-देवयं । करेसु परलोगसंबल । भावेसु सब-सत्तेसु मेतीभावं, विसेसओ इमम्मि अयगरम्मि।" तेण भणियं-“एसो दुरप्पा वावायंतो वावाएयव्यो । सेसं जं भणह तं करेमि ।" चंदणेण भणियं-“एवं को गुणो ?” तेण भणियं-“वेरनिज्जामणं । जओन कुणइ पणईण पियं जो पुरिसो विप्पियं च सत्तूणं । कि तस्स जणणि-जोव्वण-विउडणमेत्तेण जम्मेणं ।।
एवं भणिऊण सारिया तेण अयगर-क्यणे छुरिया । सविसेस-कुद्धेण गिलिओ अयगरेण समं छुरियाए । अट्टियाणि मोडयंतस्स तस्स छिण्णाणि अंताणि छुरियाए । परोप्परं वइरबद्धा दो वि मरिऊण समुप्पण्णा पढम-पुढवीए सागरोक्माउणो नारया । ततहाविहं वइससं ठूण सविसेसं संवेगमावण्णो चंदणो । हद्धि, अविवेअ-विसेण पाणिणो मरणकाल-समए वि । न मुयंति वेरभाव निबंधणं नारयाईए ।।७२२।। सक्खं चिय पेक्खंता जीवा वेराणुबंध-जणियाणि । कम्माणि कडु-विवागाणि तह वि वेरं न मुचंति ।।७२३।। भई जिण-सासण-सायरस्स सुविवेय-रयण-भरियस्स । समसार-वयण-पऊस-सालिणो विउल-गहिरस्स।७२४। भमिओ अणाइनिहणं, संसारं जीव कम्म-परततो । जिणसासण-परिभट्ठो इम्हि लहिऊण पुण एयं ।।७२५।। काऊण समाहाणं पसमरसं भाविऊण सविसेस । तं कुणसु जेण पुणरवि पावह नो जीवदुक्खाई ।।७२६।। जक्खो एस निमित्तं अवडावडणम्मि जीव तुह जाओ। जं सो कम्मायत्तो ता मा कोवं तहिं कुणसु ॥७२७।। जं जेण पावियव्वं सुहं व दुक्खं व एत्थ लोयम्मि । सो तं लहइ अवस्सं निमित्तमत्तं हवइ अण्णो ।।७२८।। सयणेहि समं संगे विसयसुहं दविणजायमारोग्ग । देहो व जोव्वणं जीवियं च सरयब्भ-सरिसाइं ।।७२९।। एवं विचितिऊणं तमंधयारम्मि तम्मि अडम्मि । पुव्वाभिमुहो होउं वत्थेण य मज्जिया भूमी ॥७३० ।। खामेवि सव्वसत्ते सिद्धाणालोयणं च दाऊण । पडिवज्जिऊणमणसण-चउन्विहाहार-निप्फण्णं ॥७३१।। सरिऊण देसविरई छिण्ण-ममत्तो विसुद्ध-परिणामो । एगत्त-भावणाए भाविय-चित्तो महासत्तो ।।७३२।। पउमासणं विहेउं विहीए करसंपुडं सिरे काउं । पंच-परमेट्ठिचलणे एवं थोउं समाढत्तो ॥७३३॥ तिहुयणसिरि-निलयाणं सचराचर-जीव-बंधुरूवाणं । नमिमो तित्थयराणं पयडिय-सद्धम्म-तित्थाणं ।। लोगग्गमुवगयाणं जाइ-जरा-मरण-विप्पमुक्काणं । सासय-सुह-कलियाणं नमो नमो सव्व-सिद्धाणं ।।७३५।।। संसाराडवि-पिहु-पह-पत्थिय-बहु-भविय-पहिय-निवहाणं । वरसत्थाह-सरिच्छाण पणमिमो सूरि-चलणाणं ।। सुत्तत्थी-सीसा सेविय-पायाण आयरिय-थाण-जोगाणं । गय-गारवाण चलणे, उवज्झायाणं नमसामि ।।७३७।। दसविह-धम्म-महा-भरवहणुद्धर-कंधराण धीराण । पाए सु-संपाए नमिमो हं सव्वसाहूणं ।।७३८।। धण्णो भरह-नरिंदो तिणं व चइऊण मेइणी सव्वं । निक्खंतो खायजसो परमपय-पसाहगो जाओ ।।७३९।। देविंद-कय-पसंसो सणंकुमारो वि जाय-संवेगो । चइऊण छ-खंड-महि समणो जाओ समिय-पावो ।।७४०।। धण्णो दसण्णभद्दो रिद्धि-निमित्तेण चेव पडिबुद्धो । तिहुयण-सलाहणिज्जो परममुणी-थूलभद्दो वि ।।७४१।। एवंविहसुह-भावण-भाविय-चित्तो महल्ल-संवेगो । मरिऊण चंदणो सो उववण्णो अच्चुए देवो ।।७४२।।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |