Page Text
________________
११४
मणोरमा-कहा सीहासणोववि पलंब-बाहं विसालवर-वत्थं । छत्तत्तय-चामर-जयं तिहयण-सिरि-सेवियं-परमं ॥७१४॥ मज्झम्मि तस्स जगबंधवस्स वीरस्स कारियं बिंबं । नियमाण-वण्ण-कलियं कंतं संत विसालन्छि ।।७१५।।
. तओ काराविओ अट्ठदिणाणि महामहूसओ। समाहूओ मणिरहकुमारो । भणिओं पणय-पुरस्सरं चंदणं परिवायगेहि-“कुमार! रायरक्खियाणि भवंति सत्राणि धम्मट्ठाणाणि । कारवणाओ पालणं पहाणयरं वयंति वियक्खणा। तुम पि एत्थ गोटिओ । तहा कायव्वं, जहा बड्ढमाण-पूयं हवइ इमं जिणमंदिरं ।" पडिवण्णमिम कुमारेण । दिण्णं पूयानिमित्तं जिणमंदिरे गाम-दुर्ग । भणिओ य पणय-पुरस्सरं परिव्वायगो कुमारेण-"तुम गुरु य ता एत्थेव ठियव्वं ।" पडिवण्णं परिवायगेण । ठिओ तत्थेव । वालीणो कोवि कालो ।
अण्णम्मि दिणे भणिओं परिवायगो चंदणेण-"भयवं वच्चामि अहं स-नगरं।" परिव्वायगेण भणियं–“सेटि-सुय ! एत्तो कइवय-जोयणाणि इओ-तओ-विधरंत-तक्कर-वियर-दुग्गमं कंतारं । सुसत्थेण गंतव्वं ।" ईसि हसिऊण जंपियं चंदणेण-"अवहरियं मे भयं दावानलेण ।" परिवायगेण भणियं-"कह चिय?" साहिओ तेण सव्वो वि दाह-वुत्ततो जं पुण किंपि सारधणमासि तमेत्थ धम्मदाणे निओइयं। संपयं वर-मणि व्व निग्गंथो अहयं । किं करिस्संति तक्करा।" तं सुणिय समुप्पण्ण-खएण जंपियं परिवायगेणं-"चंदण ! अत्थि इओ कोस-दुभावसाण ईसाण-कोणे कायंबरं नामकाणणं । तस्स मज्झ-भाए कयंब-मुह-जक्खाययणं । तस्स वि पच्छिम-भाए दाहिणसाहाओ धरणियल-पक्ट्रि-महल्ल-पीय-रस-पारोहो पलास-पायवो । जइ सत्थं पमाणं तो महल्लेण सुवण्ण-निहाणेण होयव्वं । जओ भणियं सत्थेखीर-रहियस्स तरुणो पारोहो न धण-वज्जिओ होइ । छायंवभरि तत्थ य विल्ल-पलासेसु पुण नियमा ७१६। थूलम्मि होइ पउरं तणुए तणयं धणं परोहम्मि। पउरम्मि जलइ धरणी रयणीए उहिया थोवा ॥७१७।। विद्धम्मि परोहम्मी रत्तरसो खरइ तो भणिइ रयणा। अह खीरातो रुप्पं पीयम्मि पुणो भवे कणग ॥७१८।। जावइओ पारोहो उवरि उद्धृत्तणेण तावइओ। हेट्ठो वि खणियमेत्ते होइ निहाणं न संदेहो ॥७१९।। उवरितणुओ हेट्ठा पिहलो जो पायवो हवइ । कह वि सो निहिपत्तो भण्णइ अप्पत्ता होइ विवरीओ ।।७२०।।
___ ता जइ अत्थि ते साहसं तो गहिऊण पूओवगरणं, गंतूण रयणीए दो वि जणा, काऊण बलि-विहाणं, गिव्हामो निहाणयं ।” चंदणेण भणियं-“जमाइसइ भयवं, तत्थ सज्जो इमो जणो ।" ।
तओ समागया काल-चउद्दसी । वोलीणो पढमपहरो रयणीए । गया चंदण-परिब्वायगा कयंबतरुज्जाणं । पूइओ पलासपायवो । पक्खित्तो समंतओ बली । पूइयं पुप्फाइहि निहाणष्ट्राणं । आलिहियं मंडलं, काऊण रक्खाविहाणं । भणिओ चंदणो-"खणस् निस्संको ।” धरिया धारणा परिवायगेण । जाव थोवं खणेइ, ताव निग्गओ फारफुकार-भासुरो क्यण-कुहर-पविसंत-नीहरंत-तरलतर-जीहा-जुयलो, काल-विगराल-गरुय-फडा-कडप्प-दुप्पेच्छो, कायरजण-गणिय-महाभओ भयंगमो। समारूढो सरसरस्स चंदण-सिरे दिलो परिवायगेण । काऊण मुह-बंध उक्सामिओ। पूणो विखणिउमाढत्तो चंदणो । घट्रियं निहाणं कुसाए ।
एत्थंतरे भवियवाणिओगेण पम्हटठं मंत-पयं । परिवायगस्स लहिऊण छिदं समागओ कयंबमहो । गयणगएण तज्जिओ तेण परिवागो। भणिओ-"रे पाद-पाव परिव्याग ! मह पूयं अकाऊण निहाणं खणाक्तिस्स समागया अज्ज काल-रयणी । रे चंदण ! मोत्तण वणिय-यवहारं सुहोकाएण अत्थामममभिलसंतस्स तुज्झ वि समागओ मच्च।" गवं भणिऊण उम्मलितो काणणमहीरुहे, संवदित तणवल्लि-सकाराइयं, रेण-निरुद्धंबरो निरूविओ पयंड-पवणो । उक्खित्तो तेण परिवायगो । पक्खित्तो पच्छिम-समुद्दे । अट्टज्झाणेण मरिऊण समुप्पण्णो वाणमंतरो। चंदणो वि उक्खिविऊण नीओ दुवालस-जोयणाणि । पंक्खित्तो दुरुत्तरे तमंधयारे जलरहिय-जिण्णावडे । ठिओ खणमेत्तं मुच्छाविहलंघलो । लद्धद्ध-चेयणो पुठवपडिएण हरिसेणाभिहाणेण वणिय-तणएण भणिओ “को तुम ? केण वा पक्खित्तो
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |