Page Text
________________
सम्मत्त-बीय-लंभो णाम पढमो अवसरो तत्थ य चंदणसेट्ठिदिद्रुते चुण्णुल्लयकहा
११३
एसयेण पाणच्चायं कुणंतेण भूसियं भुवणमणेण महाणुभावेण। मज्झ वि एसा चेव गई। छिदिऊण दिण्णं तेणवि नियसिरं चामुंडा-चलण-जुयले। खणंतरेण पइणो समागमणमपेच्छंती समुप्पण्ण-संका नीलजसा वि तत्थेव समागया। दट्ठण तहाविहं वेससं-'देवि ! चामुंड ! इमे वा जीवावेहि, थी-वहं वा पडिवजाहि' ति भणिऊण निय-कंधरं छिदिउँ पारद्धा । थंभिओ तिय कंधरे करो देवयाए । भणिया य नीलजसा-"पुत्ति ! मा एवं करेहि । भण, जमेगं जीवावेमि ।"तीए भणियं-"देवरं जीवावेहि, पिययमेण सह संगमो अणुमरंतोए जम्मतरे वि भविस्सइ।" भेरवीए भणियं--"जइ एस ते निच्छओ तो दोवि जीवावेमि । विरमसु मरणयवसायाओ।" तीए भणियं-"जमाणवेइ अंबा !" नियनियकबंधेस् काऊण उत्तिमंगाणि कया कच्चाइणीए अमय वट्ठीं। जीविया दो वि। जाया नीलजसाए तूठी! आणियाणि चुण्णल्लएण कोमल-किसलयाणि। विरइओ भेरवी-भवणभंतरे तेहिं सत्थरो। नुवण्णाणि दो वि तत्थ भज्जावंइयाणि । चुण्णुल्लओ वि दूरे विरइऊण पल्लवसेज्जं सुत्तो। वोलीणं जाम-तियं जामिणीए।
__एत्यंतरे वीरविमग्गणं करितो नानाविह-गाम-नगर-जणवएसु परिभमंतो पत्तो तमुद्देसं सुद्दगो नाम महीमंडलेक्कवीरो। निसुयं जणाओ जहा दुग्गाथयणे एगेण पुरिसेण रायसेण्णं भग्गं । तओ तस्स परिक्खा-निमितं काऊण माहणवेसं हक्किओ तेण दुगुल्लओ भणिओ य-"अरे कुकम्मनिरय! अणज्ज! निल्लक्खण! निमज्जाय ! कुविय-कयंतकडक्ख-विक्खेव-निरक्खियपुरिसाहम ! पणमंतामरासुरनर-निय-मोलि-माला--पगलंत-मयरंद--बिंदु-संदोह-विच्छुरिय-पायवीढाए भयवईए पुरओ सकलत्तो सुयंतो अप्पणो वि न लज्जसि ? लहुं उठेहि । सरसु सत्थं । सुदिळं कुणसु जीवलोगं । कि तेहिं भिच्चेहि जाण पच्चक्खं पावकम्मकारिहिं पहणो परिभविज्जति।" दुगल्लएण भणियं-"महाभाग! सूभिच्च-सरिच्छं ते चेट्रियं। मरिसियव्वं अज्जेण अयाण-जण-विलसियं। न पुणो वि एवं समायरिस्सामि।" बंभणेण भणियं-"अलं बह जंपिएण। तुम वा अज्ज न भवसि अहं वा न भवामि ।" नाऊण निच्छयं उट्टिओ दुगुल्लओ। पारद्धो जज्झिऊ जट्ठि-पण्हिप्पहारेहि। निज्जिओ सव्वत्थ बंभणेण। रंजिओ तप्पोरुसेण सुद्दगो। तओ कड्ढियं असिरयणं दुगुल्लएण। मुक्को पहारो। वंचिओ अणेण । ‘एवं पहरिज्जई' त्ति भणमाणेण गहियं दाहिण-कण्णाओ ताडीवत्तं सुद्दगेण । जायं खग्ग-रयणं । तं दद्रूण सुमरियं रक्खसी-क्यणं । पडिओ चलणेसु दुगुल्लओ। भणियं च-“सामि सुद्दग! किं भिच्चयणे वि एस संरंभो? पसिय । संहर खग्गं । एसो हं तुह आणा-पडिच्छगो। भणसु जं कायव्वं ?" सुद्दगेण भणियं"मज्झ वि तुह संगह-निमित्तो एसो आरंभो। बोहिओ दुगुल्लएण चुण्णुल्लओ। साहिओ सव्वोवि वइयरो। तेण भणियं"जो तुज्झ सामी मज्झ वि सो चेव।"
तओ गहिऊण वीर-दुर्ग पि गओ सट्टाणं सुद्दगो ति, ता महाभाग ! चुण्णयदाणोवयारं मण्णमाणेण दुगुल्लुयकज्जे नियजीवियं परिचत्तं चुण्णुल्लएण । तए पुण जीवियं दिण्णं । अओ मह पाणा वि तुहांयत्ता किं पुण दीणार-लक्खो। जइ न गिण्हसि तो आजम्मं पि नत्थि मे मण-निव्वुई।" एवं भणिऊण ठिओ परिव्वायगो। चंदणेण भणियं-"जइ एस ते निच्छओ तो इमिणा दविगेण एत्येव किंपि धम्म-कज्ज करेमो।" तेण भणिय-"जंभे रोयइ।" पारद्धं तत्थेव रायाणमईए सिरिसिद्धत्थ-नरिंद-नंदण-मंदिरं। निओइयं निय-दविणं पि तत्थेव चंदणेण । निउत्ता सूत्तहाग। पारद्धं कम्मतरं । तओ-- सिहरग्ग-भग्ग-रवि-रह-पसरं पसरंतविमलच्छायं । सयलजणाणंदयरं सज्जण-हिययं व सु-विसालं ॥७०७।। सुविसाल-[साल]-कलियं समंतओ चेइयाए परिक्खित्तं । थंभ-विणिग्गय-वर-सालिहंजियाहि विरायंतं ।। चित्तलिहिय-मणोरह-हय-गय-कवि-सरह-सीह-वग्धेहिं । सुय-सारिय-बरहिण-हंस-चक्क-मिहुणेहि सोहंतं ।। परिमिय-कालेण तओ निम्मवियं मंदिरं परमरम्मं । पवण-पहल्लिर-धयवड-निम्मलमाला विरायंतं ।।७१०।। सुरनमिय-पाय-पंकयमसेस-जंतुयण-हियकरं सोमं । पच्चक्ख पिव पुण्णं तिहुयण-वित्थरिय-जस-निवहं । सासय-सिव-सुह-फलयं दंसणं-बरणाण-गुरुमूलं । आयंव-पाणि-पल्लव-मउ व्व-कप्प-दुम-सारिच्छं ॥७१२।। संसार-सरोवर-पाव-पंकबुड्डु जणं समुद्धरिलं । मोत्तूण सग्ग-सोक्खं अवइण्णं परहियट्टाए ॥७१३।।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |