Page Text
________________
११२
मणोरमा-कहा
तेण भणियं--"अम्मो! सामिणि! विसालच्छिणि ! संपयं को अम्हाण सामी भविस्सइ? कम्मि वा ठाणे कहं वासो अम्हेहिं नायव्यो?" तीए भणियं-“महीमंडलेक्क-वीरो सुद्दगो नाम तुह सामी भविस्सइ ! दुग्ग-कंतारे दुग्गाययणे जुद्धेण जो तुम पराजिणिस्सइ। जस्स य सवण-पास-संठियं ताडीवत्तं करेण परामुढें खग्ग-रयणं भविस्सइ ।" तओ पणमिऊण निसायरि नयरिं पविसंतो धवलहरोवरिसंठियाए दिट्ठो नील जसाभिहाणाए राय-दुहियाए समप्पण्णाणुरागाए चितियमिमीए-- किं तीए जोवणेणं सोहग्ग-गुणेण अहव रूवेण । जा एयस्स न महिला उण्णय-वच्छत्थले रमइ ।।७०४।। जह जह तं अवलोयइ पविसंत पुरवरम्मि नीलजसा। तह तह तीए गाढं सल्लई अंगं अणंगो वि ।।७०५।। दहइ जलद्दा देहं अंगारसमो ससी वि पडिहाइ। चंदणपंको वि सिही न रइ सयणासणे लहइ ।।७०६।।
· मयण-सर-सल्लियं तं दठूण चउरिया भणइ दासी-“सामिणि ! चयसु विसायं। अनुकूलो तुह विही मण्णे ।" नीलजसाए भणियं-“कहं विय ?" तीए भणियं-"जओ पडिवण्णं सामिणा 'जो एयं मारि उवसामिस्सइ तस्स मए नियदुहिया दायव्वा।” तं सोऊं समासासिया मणागं नीलजसा। वियाणियं राइणा, जहा उवसामिया केण वि देसंतरागएण मारी। समाइट्ठो नयशरक्खिओ-"तं पूरिसं लहं आणेह, जेण मारी उसामिया, जओ मए तस्स नियहिया दायव्य" त्ति । परिणाय समाणिओ तलवरेण । दिट्ठो राइणा, पुच्छिओ य-"कस्स तणओ? कुओ का? किमत्थं वा इहागओ?" पणमिऊण भणियं तेण-"महाराय! सामण्णपूरिसस्स तणओ। देसंतराओ देस-दसणत्थं महियलं परियडामि।" विसण्णो राया, कहमविण्णायवंसस्स, अबद्धमूलं परियडंतस्स पायय-पुरिसस्स निय-दुहियरं पयच्छामि। एवं परिभाविय न दिण्णा राइणा। वत्थाइहिं पूइऊण विसज्जिओ। निग्गओ राय-भवणाओ दुग्गुल्लओ। दिट्ठो निग्गच्छंतो राय-दुहियाए। मुणिओ य वुत्तंतो, जहा न दिण्णा हं एयस्स।
तओ दुम्मणाए भणिया दासी नीलजसाए-“हला! चलिओ एस कत्थ वि।सा गंतूण भणाहि एयं जहा-"रायसुयाए मणं तए चेव सह पत्थियं, सरीरं चेव केवलं चिट्ठइ। जइ तं पि नेह तो पडिपुण्णं भवइ।" तहेव गंतूण भणिओ चउशियाए। पडिवण्णं तेण। वाओ बाहिरुजाणे संकेओ। ठिओ तत्थ गंतुण दुगुल्लओ। समागया रयणी। निग्गया पच्छिमदुधारेण समं चउरियाए रायसुया। गया उज्जाणं। मिलियाओ दुगुल्लयस्स। परीणीया संखेवेण । विसज्जिया चउरिया। पलाणो घेत्तूण राय-दुहियं । पक्ट्ठिो दुग्ग-कतारे । तत्थ य दुन्नि दुग्गाययणाणि। थेवंतराणि पुरओ गंतूण निसण्णो दुगुल्लओ। गहियं एला-लवंग-कंकोल-सनाहं तंबोलं। समपि नालजसाए। तओ अप्प समाणिउमारद्धाणि। एत्थंतरे अति-खेडय-हत्थो समागओ तं पएसं एगो पुरिसो। तेण वि गहियं चुण्णय-रहियं तंबोलं मग्गिओ दुगल्लओ चण्णयं । तेण वि भणिया नीलजसा-"पिए! पयच्छ, देवरस चण्णयं। दिण्णं तीए। समाणियं तेण वि तंबोलपं। खगमेगं जाय चिठ्ठति गोठंए तार चउरंग-बलसमेओ दिट्ठो मग्गओ समागच्छंतो नीलजसाए नीलवंतो राया। जंपिथमिमाए-"अज्जउत्त! विहलं तए सह समागम तक्केमि, जओ एगागी तुम, चउरंगबलपरिअरिओ।
आवेसेण समागओताओ।" तेण भणियं-"भोरु अलं संभमेण।" गहिऊण असि-खेडयं उढिओ दुगुल्लओ। चुण्णुल्लएण भणिओ-"सामि ! चिटुसू तुमं करेमि अहं चण्णयनिक्कयं । गहियासि-खेडओ केसरी व गयघडाभिमहं बलाभिमहं गंतूण थेवंतरं पविठ्ठो दुग्गाययगे। पणमिया चंडिया। भणिया य देवि-जइ अज्ज तुझं सन्निज्झेण परबलमभिभवामि तो ते पथ-पंवयं नियसिरेण पुएमि ।" एवं भणिय निग्गओ चंडियाययणाओ। उढक्को परबलस्स। महया संमद्देण । खणं रेण पंचाणणेण ५ गयकुलं भग्गं पउरं पि परबलं । संपत्त-विजओ पडिनियत्तो चुण्णुल्लओ। पविट्ठो चंडियाययणं । पणमिया चंडिया वाढियं कोसाओ करवालं। सिरोहरं छिदिऊण उत्तिमंगेण पूइया कच्चायणी-पाया। भणिया दुगल एण नीलजसा-"पिए ! ते देवरो जिणिऊण परबलं पविसंतो चेव चंडिया-भवणे दिट्ठो, न उण नीहरंतो। तोहं तस्स पउत्ति लहामि । तए पूण एत्थेव अच्छियवं" ति, भणिऊण गओ। दिलो उत्तिमंगपूइय-चंडिया-पय-कमलो धरणियल-लुलंत-बंधो-चुण्णुल्लओ। चितिथं दुगुल्लएण-परबलजयत्थं उवाइयमिमिणा इयं लक्केमि। चुण्णुल्लय]मित्त
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |