Page Text
________________
मणौरमा कहा
कहेसु ।" तेण भणियं - " पढमब्भासं ताव इमस्स सिस्सस्स समवे करेसु ।" दंसिओ हंसो नाम निय-सीसो । गओ तस्स समीवं चोरो । हंसेण पयंपियं-- " रयणीए झाणकोसलं हवइ ।" तेण भणियं -- " जइ एवं तो एत्येव निवसामि ।" तेण भणियं -- "संगयमिणं ।" संपत्ता रयणः । ठिओ एगंते परमहंसो । सो वि हंससमोवे सिक्खिऊण झाण-लेसं पसुत्तो । सुत्तेसु सव्वेसु मुसिऊण आसमं गओ । उग्गए सूरे दिट्ठो तेहि निस्सारिया समो । साहियं परमहंसस्स । तेण वि गंतूण रायमंदिरं राइणो -- "जहा मुट्ठमासमपयं केणावि गूढ - चरिएण चोरेण । ता करेसु परित्ताणं" ति । भणिओ मंतिणा -- "भयवं ! निय निकेयणमलंकहि । अलं बहुजंपिणं ।" गओ भगवओ ।
I
१०६
ओ सद्दाविओ सुरपिओ नाम पासंडिओ । समागओ रायंतियं-
पुण्णु न पाउन जीवु न अस्थि न वि सिवलोउ न सग्गु । जसुसुर-संथय - सुरगुरुहु तसु हउं दंसणि लग्गु ।। ६७८ ।।
।
पण मऊण विप्फई निसण्णो सुरप्पिओ । भणिओ मंतिणा - “नियविण्णाणेण गूढचर तक्करं लहेसु ।" तेण भणियं -- “ पभाए निच्छ्यं करेमि ।" विसज्जिओ गओ सट्टाणं । निसुओ एस वइयरो साहसमल्लेण । गओ गणियावायं । दिट्ठा पढमजोव्वणे वट्टमाणा परमरूव-धारिणी उब्भड - वेस - विभूसिया अगंग - रायहाणी अगंगसुंदरी नाम विलासिणी । दाऊण कप्पूर-सणाहं तंबोलं भणिया तेण - "पहाणवत्थाणि दोणारदसगं च वियरामि जइ मह पओयणं साहेसि !" तीए भणियं -- " साहेमि । " जइ एवं ता न तए अज्ज किंपि वत्तव्वं । जमहं भणामि तं मोणमासियाए कायव्वं ।" पडिवण्णं तीए । गओ तं गहाय सुरप्पियसमीवं । पणमिऊण भणिओ सुरप्पिओ -- "भयवं ! एसा मह भइणी सुरगुरु- मइ भाविया तुम्ह हत्थेण दिक्खं गहेउमिच्छइ ।" तेण भणियं -- "जुत्तमिणं, परं अम्ह दिखाए एस कप्पो - " पढ़ममेव दिक्खियव्वेण सहत्थेण पसू घाइयव्वो, मज्जपाणं कायव्वं, मए सह एग-भायणे भोत्तव्वं । भाया वि पइव्व ददुव्वो ।” तेण भणियं -- "सव्वं पि करिस्सइ ।" तहेव संपाडियं । समागया रयणी । भणिओ सुरप्पिएण धुत्तो । " मया एते पयणवसेण सोयव्वं । एसा पुण मह सीसेण सह मज्जपाणं करेउ ।” धुत्तेण भणियं -- "जमाणवेइ गुरु । ओ एते सुरपिओ । तेहि वि बद्धमावाणयं । निवेसिया मज्झ भागे अणंगसुंदरी । पाइया बहुवियारं पारद्धं काउमज्जपाणयं । अइ-पाणयमयमत्तेसु, पणट्ट- चेयणेसु विसंठुल- पडंत केस - वसणेसु धरणी यल- निवडिएस तेसु, लद्धावसरो मुसिऊण मढ, आवाजणं पि काऊण जहाजायं, पलाणो गूढचोरो । गओ सघरं । पभाया रयणी विगयमयाणि परोप्परं लज्जमाणाणि मढमझे विद्वाणि । पुच्छिया तेहि वेसा - " किमेस ते भाया ? " तीए भणियं -- " न होइ ।" कहियं तेहि सुरपियस्स । तेण वि गंतूण नरवइपुरओ पुक्कारियं - "देव ! न केवलं मे मढो मुसिओ परिवारजणं जहाजायं काऊण पाणो को विधुत्तक्करो।" राइणा ईसि हसिऊण भणिओ मंती - " गुणो तेणम्ह कओ जं ण हरियाणि वत्थाणि । विसज्जेसु एयं कलुणपलाविणं । अलं दुक्खियजणवयणसवणेण ।" विसज्जिओ सुरप्पिओ । ओ सट्टाणं । एवं छह वि दंसणाण मोडिओ तेण नाणमरट्टो ।
तं नत्थिं घरं तं नत्थि राउलं देवलं पि तं नत्थि । जं तेण नेव मुट्ठ नियडि- पहाणेण धुत्ते ।। ६७९ ।। सविसाओ नरनाहो बुद्धिविहीणा य मंतिणो सव्वे । पासंडिणो विलक्खा तेण कया गूढ - चरिएण ।। ६८० ।। मारेइ पर जीवे जहिच्छियं रमइ परकलत्ताणि । अलियं जलपोट्टसमं तस्स निसंसस्स पावस्स ।। ६८१ ।। एवं बच्चs कालो न को वि तं मुणइ गूढमाइल्लं । नरय - निबंधण - कम्मं बद्धं तिव्वं धुवं तेण ।। ६८२।।
अण्णा गामाणुगामं विहरंतो समागओ तत्थ सुविसुद्धो नाम केवली । निग्गओ वंदण - वडियाए राया पंउरजणवओ य। सो वि चोरो जणसमवायं दट्ठूण मुसण-परिणामेण गुलिया पओगेण कयरूवंतरो तत्थेव समागओ । कया केवलणा पाण- वहाइकड- विवाय-फलधम्म - देसणा । काऊ जहाहिं धम्म- पडिवत्ति गया सट्टाणं परिसा । ठिओ तत्थेव वंदिऊण भणिओ तेण केवली -- " भयवं ! नत्थि तं कुकम्मं जं न मए समायरियं । संपयं तुम्ह वयण-सवणेण विरतं संसारबाओ मे माणसं । जइ उचिओ हं ता करेस जिणदिखाए अणग्गहं ।” केवलिणा भणियं -- "अविग्धं देवाणुप्पिया !
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |