Page Text
________________
सम्मत्त-बीय-लंभो णाम पढमो अवसरो तत्थ य तवोधम्मे साहसमल्लकहा
तओ तेण सायरं भोयाविओ । भणिओ य तेण-"न अण्णत्थ गंतव्वं । अहं तुम वेय-पारयं करिस्सामि ।" काऊण करंजलीं 'परमाणुग्गहो' त्ति भणमाणो निवडिओ चलणेसु सो धुत्तो । समागया रयणी । भणिओ सो माहणेणभवणब्भंतरे तए सोयव्वं, अहं पुण पओयणवसेण वावडो अण्णत्थ सइस्सामि ।" तहेव कयं, जामिणी-तइय-जामे निब्भरनिदाए पसूत्ते बंभण-परियणे, गहिऊण सारधणं पलाणो चोरो । पभाया रयणी । 'मद्रा मुटु'त्ति उच्छलिओ बंभणघरे कोलाहलो । समागओ बंभणो । नायं तेण जहा तेणेण-मुसियं घरं । गओ तुरियं-तुरियं रायमंदिरं नरवइ-पुरओहोऊण पोक्कारियं महया सद्देण--"देव ! मुट्ठ मह घरं केणावि धुत्त-तक्करेण ।" कहिओ सव्वो वि वुत्तंतो । भणिओ रण्णा"मंती! लहं विसज्जे हि । अलं दुक्किय-जण-केवलियाए ।" विसज्जिओ गओ सदाणं । तओ सहाविओ सिवधम्मो नाम सिवायरिओ । समागओ नरवइसहं । केलास-कय-निवासं एगगवं चंदसेहरं सुहयं । गंगागोरि-समागम-पमुइय-माणसं सिवं नमिमो ॥६७५।।
नमिऊण हरं नरवइनमिओ निविट्ठो सद्राणे । भणिओ मंतिणा--"भयवं! अलक्खिओ कोवि नयरं मसइ । ता तं नियकेवलियाए लहेसु ।" सिवधम्मेण भणियं--"पभाए लहामि ।" कय-सम्माणो विसज्जिओ गओ सट्टाणं । एयं वियाणिऊण समागओ सिवधम्म-समीवे साहसमल्लो 'ओम् नमः शिवाय' भणिऊण भणिओ सिवधम्मो " समचिओ अहं इमस्स वयबिसेसस्स ता अकालहीणं दिखेहि ।” पूच्छिया तेण अघोरसिव-पमहा नियचेल्लया, तेहि भणियं-भयवं ! लहुं दिक्खेह--"धर्मस्य त्वरिता गतिरिति” वचनात् ।
तओ तक्खणं चेव दिक्खिओ । रयणिसमए केवलियाए निमित्तं ठिओ एगते सिवधम्मो । सो वि सुत्तो समं चेल्लएहि मढमज्झे । रयणीए मुसिऊण पलाणो । पभाए साहियं सिवधम्मोवि सिग्घमागओ रायसमीवं भणिओ राया"निवडिया मह मत्थए केवलिया । मंतिणा भणियं-"कहं ?" तेण भणियं--"केवलियाए कए मढं मोत्तूण एगंते सुत्तो अहं । को वि तक्कर-धुत्तो मढं मुसिऊण पलाणो ।” समाणत्तो रण्णा मंती-“अलं केवलियाए ! लहुं विसज्जेहि ।" विसज्जिओ, गओ सट्टाणं सिवधम्मो । समाहुओ मंजुसिरि-नाम भिक्खु । आगओ नरवइसमीवंकरुणारस-भर-भंगुर-नयणेहि निरिक्खिऊणं दुहियजणं । जो नियमसेण कुणइ सुहत्थियं नमह तं बुद्धं ॥६७६।।
सुद्धोदणसुयं नमिय नमिओ नरवाइणा, निसण्णो । भणिओ मंतिणा--"गूढ-तेणं केवलियाए लहिऊण कहेसु ।" तेण भणियं-"पभाए निच्छयं कहिस्सामि ।” कयसम्माणो सट्टाणं गओ । निसुओ साहसमल्लेण एस वइयरो । काऊण बुद्धोवासग-वेसं समागओ मंजुसिरी-विहारं । बंदिउं पुच्छिओ मंजुसिरिणा-"उवासगा! कओ समागओ?" तेण भणियं-"दक्षिणावहाओ । भयवं करेह ममाणुग्गहं ? अज्ज मए सव्वेसि भिक्खुर्ण भोयणं दायव्वं ।" तेण भणियं-- "अतिही तुमं घर-विरहिओ य ।" तेण भणियं--"एत्थेव ठियाण संपाडेमि ।" पडिवण्णं तदूवरो ण मंजसिरिणा। आणियं तेण आवणाओ मोयग-मंडगाइयं । भुंजाविया जहिच्छाए भिक्खू । संजाया तं पइ पसण्णमाणसा । गयाविस्सासं । संपत्ता रयणी । केवलिया निमित्तं ठिओ एगते मंजसिरी । सो वि भणिओ भिक्खहि--"तए कत्थ सोयव्वं?" तेण भणियं-"तुम्ह चलणे उवासिस्सामि ।" पडिवण्णं तेहिं । रयणीए मसिऊण विहारं गओ तक्करो। पभाए परिमुसियं विहारं दठूण विसण्णा भिक्खुणो । कहियं मंजुसिरिणा । गओ पुहइपाल-सगासे । सखेयं जंपियं"महाराय ! मुट्ठो विहारो तेण धुत्त-तक्करेण ।” भणिओ मंती राइणा-“इमं पि विसज्जेहि ।" तहेव कयं । समाहूओ कविलय-भत्तो परमहंसो नाम भगवओ । समागओ सिग्घमेव रायसमीवे । जलमणसुद्धिविसुद्धो परमप्पा पंचवीसतत्तण्णू । संखायणप्पणेया कविलो इह जयइ भुवणम्मि ।।६७७।।
कविलं नमिउं नरवइपणओ उवविट्ठो । भणिओ मंतिणा----"पच्छण्णचौरं नियसत्तीए पयडेसु ।" तेण भणियं"पभाए निच्छएण दंसेमि''त्ति सम्माणिओ गओ सट्टाणं । मुणिय-वुत्तंतो समागओ परमहंस-समवे कुलउत्तओ । पूइया दोहि सुवण्णगमुद्दिएहि परमहंसपाया। निवडिओ चलणेसु । पारद्धा गोट्ठी । भणियं तक्करेण-"भयवं! झाण-सरूवं
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |