Page Text
________________
मणोरमा - कहा
एवं थुणिऊण जिणवरे, नरवईविहियपणामो निसण्णो दिगंबरो । भणिओ मंतिणा -- " भयवं आवास नियंसणा ! पच्छण्णतक्करं नियकेवलियाए नरवइ-पयडं करेसु ।” रिसिणा भणयं - " रयणीए सुनिरूवियं काऊण कहिस्सामि । सम्माणो विसज्जिओ । गओ सद्वाणं । तक्करेण विण्णाओ एस वइयरो । तओ समागओ विमलकित्तिरितिसमीवं । वंदिओ रिसी, 'धम्मवुड्ढी होउ 'त्ति भणिऊणं पुच्छिओ रिसिणा -- "कओ भवं ?" तेण भणियं -“सिरिउरपट्टणाओ संसारभरिगो तुम्ह समीवे दिक्खं गिण्हामि ।" रिसिणा भणियं - "वच्छ ! कइवयदिणे छत्तत्तणं परिपाहि । पणिमणेण । भणिओ रासलो नाम पुराणछत्तो । "वच्छ ! एस ते कणिट्ठ-भाऊओ परम-पीइए रक्खियव्वो ।" तेण भणियं - "जमाणवेड़ भयवं ।” समागया रयणी । ठिओ एगंते विमलकित्ती । पारद्धा निरूविउं केवलिया । नुवण्णा दो वि मढ-मज्झे छत्ता । निद्दावसवत्तिणं मुणि नाऊण पलाणो तेणो । पभाया रथणी उट्ठओ रासल - छत्तो । न पेच्छइ बिइज्जयं । साहियं गंतून रिसिणो, “न दीसड़ भयवं सो छत्तो ।" संजायसंको मढमागओ रिसी । भणिओ छत्तो—“बच्छ ! मढं निरूवेहि !" तेण निरूविऊण भणियं -- "भयवं ! न दीसइ ओसह वट्टिया । सुमरण-सेसा जाया तल-गठिया । अवहरिओ जोगवट्टओ । कवलिया केणा वि कवलिया । पोत्थयाणि वि जायाणि कस्सइ सोवत्थियाणि । " रिसिणा भणिय - " मुद्दा रे वच्छ ! मुट्ठा ! समपेहि कुंडियं पिंछियं च जेण दंडवासियस्स साहेमि ।" सुइरं निरूविऊण जंपियं छत्तेण -- " भयवं ! कुंडिया पिंछियाओ वि न दीसंति ।" रिसिणा भणियं - "विगुत्ता रे विगुत्ता । लिंगं पि हरियं तेण हयासेण ।” छत्तेण भणियं - "भयवं ! सुप्पसण्णा भवतु भदंतस्स संतिनाहस्स पादा | अण्णमुवगरणं भविस्सदि ।" एगग्ग-चित्तेण सुमरिऊण पुणरवि जंपियं दियंबरेण - "अहह कष्टं नष्टं रे नष्टं" एवं भणिऊण संजाय - हिययसंघट्टो मोमासिओ रिसी । छत्तो विषय-विहियंजली पुरओ होऊण भणिउमाढत्तो - " नमोऽस्तु भरडे ! नमोऽस्तु ।” पसायं काऊण साहेउ भदंतो अण्णपि हरियं, जेण विसायमावण्णा पुज्जपादा । लद्ध चेयणेण जंपियं रिसिणा - " अरे ! रासल ! ओसह-निमित्तं कुंडिया मज्झे वीस दीणारा आसि ते वि गया तस्स पासि । आवयधणं पि हरंतेण तेण पावेण किमम्हाणविन मुक्कं ? खेयावहारहेडं जंपियं छत्तेण -- "भयवं ! केरिसा सा गाहा जा अण्णदिणे समुद्दमज्झे विवण्णजाणवतविणदृ-भूरि-दविण-संचयस्स, विसायमंतस्स चंदकित्ति-सेट्टिणी पुरओ धम्मदेसणं कुणतेहि पढिया तुमेहिं ।" रिसिणा भणियं-
१०४
फलसंपत्तीए समोणयाई तुंगाई फल- विवत्तीए । हिययाई सुपुरिसाणं महातरूणं व सिहराई || ६७३।। रिसिंगा भणियं -- "वच्छ ! सम्मं मुक्कों मए विसाओ । संपयं रायउलं गच्छामि ।" छत्तेण भणियं - "रायापूया - भायणं भवंतु भदंतपादा | ससनेज्झा भवउ भयवइचक्केसरी | सिद्धी हवउ ।" गओ दियंबरो । दिट्ठो राया । कयवंदनाइ- सम्माणो निसण्णो दंसियासणे । मंतिणा भणियं - " भयवं ! किं एस केवलिया कप्पो जं तुमं विणा कुंडियापिच्छयाहि समागओ ?" रिसिणा भणियं -- "खयं जायउ सो पावि दुटु-तक्करो । मज्झ वि मढो तेण मुट्ठो । rafari कुंडिया-पिंछियाइयं ।" मंतिणा भणियं -- " कहेहि केवलिय ! दुह-दंदोलि-करालियस्स पम्हुट्टा केवलिया ? " राइणा भणियं--"विसज्जेहि लहं ।” विसज्जिओ मंतिणा । गओ सट्टाणं सद्दाविओ चोट्स-विज्जा पारओ नारायणो नामबंभणो । समागओ नरवइ-समीवं ।
कमलासणो वेयमुहो चउवयणो पउमगन्भ समवण्णो । सचराचर - विस्सपिया पयावइ जयइ जय-पडो || ६७४।
इय पणमिऊण बंभाणं नरवइ-पणमिओ उवविट्ठो बंभणो । भणिओ मंतिणा -- " नारायण ! दुल्लक्खतक्करं नाणेण लहिऊण राइणो साहेसु ।" माहणेण भणियं पभाए साहिस्सामि ।" कय सम्माणो विसज्जिओ गओ सद्वाणं । जणणि-मुहाओ सोऊण इमं वइयर, काऊण बडुय-वेसं, उद्भूलिऊण चलणे, समागओ नारायणगेहं तक्करो । पुच्छिओ नारायणेण -- " कओ भवं ?" तेण भणियं - ""सावत्थी - वत्थव्वओ खंदिलो नाम बंभणो । तुह समीवे वेय-पढणत्थं समागओ ।" बंभणेण भणियं -- "किमहं तत्थ जाणिज्जामि ?" खंदलेण भणियं - "पड़घरं जाणिज्जसि ? तुह पसिद्धि सोऊण ममावि इहागमण-सद्धा जाया । "
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |