Page Text
________________
सम्मत्त-बीय-लंभो णाम पढमो अवसरो तत्थ य तवोधम्मेसाहसमल्लदिट्ठ तो
कुसलो देवदंसणूसुओ बंभणो दुवारे चिट्ठइ ।" तेण वि गंतूण कहिओ । रण्णा भणियं - "सुनिरूवियं काऊण लहु पवेसेहि ।" तेण वि तहेव पवेसिओ। संभासिओ राइणा । पारद्धं अंगमद्दणं । ओयारिऊण मुक्काणि आहरणाई रण्णा सयणिज्जदेसे । समागया निद्दा नाऊण सुहपसुत्तं नरवई आहरणं गहाय निग्गओ । 'अंगमओ'त्ति काऊण न केणावि वारिओ । गओ सभवणं । पभाए पबुद्धो राया । न पासइ अंगमद्दणं, नेव निययाभरणाणि । तंओ विलक्ख-वयणो विमणदुम्मणो काऊण गोस- कच्चं निसणी अत्थाण - मंडवं । समागया अमच्च पामंताइणो । पुच्छिय मंतिणा - " किं कारण अज्ज देवो विषण्णवयणो दीइ ?” साहियं जहट्टियं राइणा । मंतिणा भणियं -- "देव ! गुढ-समायारो एस को वि तक्करो, न कहि पि नज्जइ, ता कीरउ अण्णं उवायंतरं ।” रण्णा भणियं - "केरिस ? " मंतिणा भणियं - "देव ! सहाविज्जंतु कमेण सव्वे वि पासंडिणो । पच्छा ते मंतेण वा होराए वा केवलियाए वा लहिऊण देवस्स साहिस्संति ।" रण्णा भणियं -- "एवं करेह" । सद्दाविओ मंतिणा जिणचंदो नाम सेयंबर- मुणिवरो। गओ समं सिद्धपुत्त - जिणरक्खिय- सावएण । पत्तो नरवइ- समीवं । जीवदयादइयाए निच्चं चिय समवगूढ - देहाण । अरहंताण पणमिमो तिहुयण - सुपइट्ठिय- जसाण ।।६७१।।
एवं पणमिण तित्थयरे कयप्पणामो राइणा निसण्णो दसियासणे । जिणचंदमुणिवरो भणिओ मंतिणा - 'गूढचारी तक्करो नगरं परिमुसइ, ता तं निय- केवलियाए लहेऊण नरवइ-पयडं करेह ।" तेण भणियं -- "न एस कप्पो मुणिजणस्स ।" मंतिणा भणियं -- "अकप्पो वि कायव्वो रायवयणेण ।” एत्यंतरे भणियं जिणरक्खिय- सावएण--"अतिथ मह केवलियाए परिस्समो जइ भणह ता निरूवेमि ।" मंतिणा भणियं - " नाणेण पओयणं । एवं करेह ।” दिण्णो तंबोलों । गहिओ जिरक्खिण । विसज्जिया गया सद्वाणं । मुणिओ एस वृत्ततो तक्करेण । किर मं जिणरक्खिओ केवलियाए लक्खिस्सइ । काऊण कवडसावगत्तणं, नियंसिऊण सियवत्थ-धोयत्ति, काऊण उत्तरासंगं, भरिऊण भव्व-कुसुमाण छज्जियं, कमेण चो-वंदणं कुर्णेतो पत्तो महावीर - जिणमंदिरं, जत्थ सो जिणरक्खिओ fars । दिट्ठो तेण विहिपुरस्सरं च-वंदणं कुतो ।
१०३
ओ
पणगढसाहम्मियाणुरागेण जंपियं जिणरक्खिएण -- "महाभाग ! को तुमं ? कत्तो समागओ कहि वा गमिस्ससि ।" तेण भणियं -- "चंपावत्थव्वो जिणदासो नाम सावओ । वयगहण क्यनिच्छओ तित्थाण वंदेमि तुमं पि पुंडरिय-गिरिवरे, रेवयम्मि नगे, सम्मेयसेलसिहरे, महुराए, अओज्झाए, तक्खसिलाए, कलिकुंडे, ठाणेसु चेइयाई वंदाविज्जसि । वंदियाणि जिणरक्खिएण भावसारं । पसंसिओ सो तेण - “धण्णो तुमं, सुलद्धं ते मणुयत्तणं जस्सेरिसो परिणामो । अज्ज तए मह घरे चेइयाणि वंदियव्वाणि ।” तहेव वंदियाणि । पच्छा नीहरंतो मंतिओ भोयणेण जिणरक्खिण । तेण भणियं - " न जुत्तमेयं ।" जिणरक्खिएण भणियं -- "न अण्णहा मह मण - निव्वुई । " तओ पsaणं तेण । भुंजाविओ परमविणएण । भणिओ - - " महाभाग ! जाव तुमं इह चिट्ठसि ताव तए पइदिणं मह 'घरे भोत्तव्वं । तेण भणियं -- "कि सिग्घयरं विसज्जेसि ?" जिणरक्खिएण भणियं -- " कहं ?" तेण भणियं - "जं भणसि दिणं तर मह घरे भोत्तव्वं ।" जिणरक्खिएण भणियं -- “ महाणुभाव ! तुह संतियं चेव घरमेयं वयं तु रक्खणगा चेव । तओ पडिवण्णमणेण । समागया रयणी । जिणरक्खिएण भणियं -- "तए मह घरे चेव सोयव्वं ।" पडिसुयमणेण । दंसिओ भवणब्भंतरे पल्लंको । कहियं रहस्सं जहा - "मए अज्ज मंत- जावो कायव्वो, तक्कर- लहणत्थं नरवइआणाए ।" तेण भणियं - "सिज्झउ समीहियं ।" ठिओ एगंते जिणरक्खिओ । पारद्धो मंतजावो । पत्ते परियणे लद्धंतरो मुसिऊण घरसारं पलाणो कवडसावओ । पभायारयणी दिट्ठं परिमुसिय-सार-धणं गेहं । जिणरखिएण साहियं राइणो-जहा"देव ! मुट्ठ मह् घरं केण वि धुत्तेण ।" साहिओ सव्वो वि वृत्तंतो। भणिओ रण्णा मंती - "लहुं विसज्जेहि । अलं दुक्खिय- जण केवलियाए ।" तहेव कथं । मंतिणा भणियं - " दियंबरो सद्दाविज्जउ ।” रण्णा भणियं -- "एवं करेहि । " साविओ विमलकित्तीनाम खमणओ। समागओ नरवइपुरओ ।
संसार-जलहि-पारंगदाण नीसेसजंतुहितदाण । पादे पारगदाणं सुरगणनमिदे नम॑सामि ।। ६७२ ।।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |