Page Text
________________
१०२
मणोरमा-कहा सच्चं गरुया गिरिणो को भणेइ जलासयाण गंभीरा । उवमेउं पुण धीरेहि तह वि मह नत्यि उच्छाहो ।६६९।
ता न जुत्तो एयस्स पत्थणा-भंगो। एवं चितिऊण भणिओ सो हेडाऊएण--"भणसु जमम्हेहि कायव्वं ।" तेणं भणियं-"गम्मउ मह मंदिरे।" पडिवण्णमियरेण । पुरओ होऊण गओ साहसमल्लो कामपडागा-मंदिरे । दिदा एगा दासी भणिया य तेण-"पुच्छेसु गंतूण नियसामिणी-विसालं ति काऊण हेडाऊओ तुह घरे आवासमिच्छइ ? ।" पुच्छ्यिा तीए लोह-गहिय-माणसाए जंपियं कामपडागाए---"सिग्धं समागच्छउ।" कयं तक्खणा चेव संमज्जिओवलितं घराजिरं ।
आणिओ तेण तत्थ हेडाऊओ। निहया तुरंगम-वंदुरा-कीलया। ताडिओ गुडुरो। गओ साहसमल्लो कामपडागा समीवं । दिण्णं तीए महल्लमासणं। पारद्धं चलण-सोयणं । तेण भणियं-"अलं चलणसोयणेण?" अज्जावि मए राया न दिट्ठो अपओयणाणि मज्झाभरणाणि, ता समप्पेहि खणमत्तं निययाभरणाणि जावरायाणं दट्ठमागच्छामि।" गओ हेडाऊय-समावं । भणिओ सो तेण-“संपइ सोहणो महत्तो। तुह तुरय-सरूव-कहणत्थं सिग्घं मए राया दट्टव्वो। ता समप्पेहि तुरियं तुरंगमं जेण लहुं गच्छामि । समप्पिओ पहाण-तुरंगमो। तमारुहिऊण गओ संभवणं । समइक्कता का वि वेला। संजाय-संकाए पुच्छिओ थाणवालो कामपडागाए-"किमज्ज वि नागओ तुरंगमाहिवई ?" तेण भणियं-- "पडमंडवहेट्रओ निसण्णो चिटुइ । गया सा तस्स समावं । ससंभम जंपियमिमाए--"तुमं हेडाऊओं ?" तेण भणियं-'आम'। तीए भणियं--"जो मज्झाभरणं गहाय ओ राउलं सो को भण्णइ ?" तेण भणियं--"कि घरसामिओ न भवइ?" तीए भणियं--" न भवइ। मुद्रा हं तओ केणावि धुत्तेण । गओ गहाय ममाभरणं ।" तेण भणियं--"जइ एवं तो अहं पि मट्ठो। मज्झ वि पहाण-तुरंगमो नाओ।" गयाणि दोहि विनरवइ-समावं । कहिओ जहट्टिओ वुत्तंतो। कुद्धो राया। सहाविओ तलवरो। भणिओ सावेसं--"अरे! पंच-दिण-मज्झे तक्कर लहेसु।" पडिवण्णं तेण । साहसमल्लेण वि भणिया जणण:--"जणवायं लहिऊण कहेसु ।” ताए वि नयरि-मज्झे नाऊण कहियं तणयस्स । जहा-"निउत्तो अज्ज राइणा तलवरो। ता पुत्त ! तए अप्पा पयत्तेण रक्खियन्वो।" तेण भणियं--"अंब ! मा भयाहि।" तओ बंभण-वेसं काऊण पविट्ठो नयरमज्झे। भमंतेण दिट्ठो एगम्मि देवउले जयं रमंतो तलवरो। सो वि तत्थेव निसण्णो । पारद्धो तलवरेण सह रमिउं। समप्पियं निय-नामंकियं महारयणं तलवरेण साहसमल्लस्स। तेण वि अप्पणिज्जयं तलवररस्स। .
___ एत्यंतरे समागओ राय-दोवारिओ। सावेसं भणिओ तलवरो-"महाराओ तुम सद्दावेइ, ता सिग्धं गम्मउ ।" गओ दंडवासिओ । साहसमल्लो वि गओ तलवरमंदिरे । भणिया दंडवासि-भारिया--"सिग्धं समप्पेसू सारधणं ।" तीए भणियं---"को तुम पेसिओ ?" तेण भणियं-"तलवरेण।" तीए भणियं-“सो कहिं ?" तेण भणियं—“दढं बंधिऊण रायपुरिसेहिं राय-समाव पाविओ। तेण भणिओ सवर्णते अहं-“वच्चसु तुम मम घरे। नाणेसु घराओ सारधणं। मग्गिओ मए साहिण्णाणं समप्पियं नियमुद्दा-रयणं।" दंसियं तेण। तओ सा विस्सासमागया समप्पियं सारधणं निययाभरणं च । तं घेत्तण गओ सो निय-भवणं। केवइ कालाओ समागओ दंडवासिओ सभवणं । भणिओ भारियाए"कहं तुम मुक्को।" तेण भणियं--"केणाहं बद्धो?" तीए भणियं-"रण्णा ।" तेण भणियं-"केण तुह कहियं ?" तीए भणियं-“तुह पुरिसेण । जेण तुह मुद्दादसणेण घराओ सारधणं नीणियं ।" तेण भणियं--"न मए को वि पेसिओ।" तीए भणियं-"जइ एवं तो मुट्ठाणि ।” गओ दंडवासिओ नरवइ-समीवं । पणमिऊण रायाणं सविसायं जंपियं तेण"देव ! अहं पि तेण तेणेण मुट्ठो।” कहिओ सव्वो वि वृत्तंतो । तओ सगव्वं जंपियं राइणा-“चिट्ठह तुब्भे सयमेव अहं तं लहिस्सामि।" जइ वच्चइ पायाले नहंगणे वा वि जइ वि गच्छेज्जा। जइ तरइ जल-निहिं वा तो वि मए सो गहियब्बो।६७०।
दंडवासिएण भणियं-“को एत्थ संसओ? तेण वि भणिया जणणी-“जणवायं जाणिऊण कहेसु।” सा वि सोऊण समागया। भणिओ तीए तणओ--"वच्छ! संपई ते पाण-संसओ। कुद्धो राया। कया पइण्णा जहा-'सो मए सयं गहेयव्वो।" सगब्वमुद्धरखंधरेण भणियं तेण-"अम्मो न भाइयव्वं निव्वडिय-साहसो साहसमल्लो ते पुत्तो।" बंभणवेसं काऊण गओ रयणाए रायवारं । भणिओ दोवारिओ--"गंतूण कहेसु नरवइणो-जहा देसंतराओ अंगमहण-विण्णाण
_Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |