Page Text
________________
सम्मत्त-बीय-लंभोणाम पढमो अवसरो तत्थ य तवोधम्मेसाहसमल्लदिळंतो
१०१
अण्णम्मि दिणे भणिओ सेट्टिणा सुओ-"निरूवेहि गंतूण निहाणयं।" सो वि गंतूण नियत्तो। साहियं जणयस्स जहा 'खेमं तत्थ ।' बीय-दिणे गओ सयमेव सेट्ठी । खणिऊण निरूवियं जाव नत्थि दविण-जायं । विसायमावण्णो समागओ नियभवणं । भणियं च सखेयं--"पुत्त ! मुट्ठा धुत्तेण।" भणियं 'केण?" सेट्ठिणा भणियं--"छिण्ण-कण्ण-नक्केण।" गविसिउमारद्धा नगरमज्झे दो वि जणय-तणया। दिट्ठो य सेट्ठिणा पवरवत्थाहरण-विभूसिओ समासण्ण-दासकर-धरियतंबोल-बीडओ जूयं रममाणो कप्पिय-नासउड-सवण-जुयलो एगो पुरिसो। संजाय-निच्छएण सेट्टिणा पिट्ठओ होऊण छित्तो दाहिण-करंगुलीए। तेण वि पच्छाहुत्तं नियंतेण दिट्ठो सेट्ठी। सण्णा-ववहारेण नीओ एगते। सेट्ठिणा इसि हसिऊण जंपियं--"अहो ! ते दुक्करं कयं" । तेण भणियं-"नियपओयणेण । न उण कस्सइ निहोरएण ।” सेट्रिणा भणियं-"विलसिय-सेसं समप्पेहि। तओ वि ते किंपि दाहामि। मा सव्वं राउले गच्छऊ।" समपि मुक्को जूयारो सेट्टिणा। ता वच्छ! जो परधणावहारं करेइ तेण सव्वं सहियव्वं ।
पडिवणं तस्स तं वयणं। कमेण जाओ पउणसरीरो। पुणो वि चोरियं काउमारद्धो। खणियं उवरोहिय-घरे खत्तं । नीणियं सारदव्वं । समप्पियं जणणाए। पुच्छिओ तीए--"पुत्त ! कओ एस धणागमो' ? तेण भणियं-"कि तुह इमाए चिताए। परं पभाए जणवायं सुणिय मह कहेज्जसु।" पभाए गया सा नबर-मज्झे न जाया तहाविहा कावि पउत्ती। तओ नयराओ नाहरिऊण निविट्ठा जलाहरण-सरणीए । खणंतरेण समागया उवरोहिय-सुय-सासुया जलनिमित्तं । पुच्छ्यिा सा इयर-नारीहिं-"किं सच्चं जं उवरोहिय-घरं मुसियं निसुणिज्जइ ?" तोए भणियं-"एवमेतं ।" इयराहि भणियं--"जाया कहिं पि सुद्धी ?" ताए भणियं-"साहियं ताव गंतूण उवरोहिएण रणो। 'रण्णा वि सहाविओ नयरारक्खिओ। एत्थंतरे नियपओयण-समागएहि विण्णत्तो राया धणसार-सेटि-हाविएहि। 'देव! अलं तं पइ संभमेण । भूरिधणमणेण नीणियं । अओ पहाण-वत्थ-निमित्त मज्झावासं समागमिस्सइ।' पहाविएण भणियं--"अद्धयंद-नहपक्खालणनिमित्तं मज्झ वि घरं समागमिस्सइ। अम्हे चेव लहिऊण देवस्स समप्पिस्सामो।" एयं सुणिय गया सा नियघरं । साहिओं जहा-सूओ सव्वो वि वइयरो साहसमल्लस्स । सो वि काऊण वणिय-वेसं मओ पहाविय-घरं। दिण्णं ण्हाविएण महल्लमासणं। कयं नहसोहणं । वणियवेसदसणेण, संपण्णं नावियस्स मणमोहणं। गओ विस्संभं । पणट्टा तक्कर-संका। उठ्तेण तेण भणिओ ण्हाविओ--"पेसेसु नियतणयं जेण हट्टे कवडुए दवावेमि ।" पेसिओ तेण । गओ सो धणसारसट्ठिावणे। दंसिअं आसणं। उवविठो साहसमल्लो। भणियं सेट्टिणा--"भणह, केण पओयणं ?" तेण भणियं--- "दसेसु पहाण-वत्थाणि ।" दंसियाणि गहिऊण पहाणवत्थाणि उट्रिओ । सेट्रिणा भणियं-"वणिय-सुय! वेयणं को वियरिस्सइ ?" तेण भणियं-एयं बालयं करगए वेयणे मेल्हिज्जसु।" पडिवण्णमेयं सेट्रिणा। गओ सो नियघरं। समप्पियाणि वत्थाणि जणणाए। भणिया तेण जणणी-"जणवायं लहिऊण साहिज्जसु।" तहेव लहिऊण समागया । भणिओ सो--"पुत्त ! विणत्तो राया सेट्रि-हाविएहिं 'देव! अम्हे वि तेण चोरेण मुद्रा।' इओ भणि हेडाऊएण 'देव! पहाण तुरंगमं विणा न एस वियरिस्सइ। पहाणतुरंगमा य न मं वज्जिय अण्णस्स संति। अओ हं तं लहिऊण देवस्स समप्पिस्सामि।” कामपडायाविलासिणीए भणियं-"न मह मंदिरं बज्जिय अण्णत्थ वसिस्सइ। अओ हं वा तं लहिऊण साहिस्सामि । राइणा भणियं--‘एवं होउ।' तओ सत्थवाह-वेसं काऊण निग्गओ नयराओ साहसमल्लो। कमेण भमतो समागओ हेडाऊयसमावं । दवावियं तेण आसणं कया पृष्फ-तंबोलाइणा पडिवतः । ठिया खणमेगं परोप्परं कहालावेण। [तओ साहस्समल्लेण भणियं..... "हेडाउय ! कि कारणं तुज्झ नयर-बाहिरियाए आवासिया?" तेण भणियं-"नत्थेत्थ घरमम्हाण।" साहसमल्लेण भणियं-"मह घरेण किं कायव्वं । तत्थगयस्स चेव तुरंगमविक्कओवि भविस्सइ। हेडसामिणा भणियं---"उवरोहीरुयं मे माणसं।" तेण भणियंसुयण-सजणधरं पविसंतो नेव संकइ कयाइ । अह संकइ ता सुयणत्तणंपि नणु कित्तिमंतस्स ।।६६७।। जेसि मण-मेलावो न ताण भेओ घरे य दविणे वा । ता नियगेह-पवेसे का संका को णु संखोहो ॥६६८॥
हेडाऊएण चिंतियं--"अहो! महाणुभावया ! अहो ! विसाल-चित्तिया, अहो ! गरुअत्तणं ! अहो! गंभीरिमा, . अहो ! धीरत्तणं, अहो! न विसंवयइ वियक्खणवयणमेयं ।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |