Page Text
________________
मणोरमा-कहा
सील सोहग्गकरं समग्ग-पहु-भाव-कारणं सीलं । सीलं कुगइमहापुर-दुवारदढ-परिह-सारिच्छं ।।६६३।। जल-जलण-चोर-सावय-भूय-पिसाय-रक्खसा जक्खा । पहवंति नेव थेवं पिसील-परिपालणपराण ॥३६४।। इह लोगम्मि वि कित्ती जायइ देहस्स निम्मला दित्ती। सीलेण परमरिद्धी लब्भइ सिद्धी वि कि बहणा ।६६५। उभयभवेसु वि इच्छह सुहाइ जइ कित्ति-धवलियधराइँ। ता कप्परुक्ख समहियसीलम्मि समुज्जम कुणह ।। संपयं तवोधम्मफलं भण्णइ-तत्थ य साहसमल्लचोरदिढतो।
अत्थि इहेव जंबद्दीवे भारहे वासे वच्छा जणवए भारहालंकार-भूया कोसंबी नाम नय। । तीए अणेगकूडकवड-परवंचणा-परायणो विसकंटको व्व जणाहियकारओ, गिम्हकाल-रविकर-नियरो व्व सोसिय-परघर-दविण-सलिलसंचओ, अणेगट्टाणे निव्वडियसाहसो, साहसमल्लो नाम उवरय-जणओ कुलपुत्तओ परिवसइ। सो पुण मज्जप्पसंगी कलंतरेण कड़िढऊण जण-धणं विलसिउमारद्धो। मग्गिज्जतो नत्थि त्ति पयंपेइ।।
तओ परिहरिओ सयललोएण। न को वि किंपि मग्गंतस्स वि देइ। वसणाभिभओ चोरिअं काउमारखो। सिक्खिओ सयल-पासंडसमायारे, वियक्खणो वणिय-बंभणाइ-वेस-करणेसु, कुसलो नाणाविह-देसभासासु, भमिऊण सव्वत्थ निरुवेइ धणसमिद्धाणि घराणि ।
अग्णम्मि दिणे दिट्ठो तेण रयणसारो नाम वणिओ। रयणेहिं ववहरतो काऊण वणियवेसं गओ तस्सावणे। निरूवियाणि रयणाणि। भणिओ रयणसारो-"किं एत्तियाणि चेव उयाह अण्णाणि वि संति?" रयणसारेण भणियं-- "संति।" तेण भणियं--"ताणि वि दंसेहि।" पविठ्ठो हद-मज्झे वणिओ । उग्घाडिओ रयणसमग्गओ । कड़िढयाणि रयणाणि । दंसियाणि तस्स । कयं मोल्लं । तेण भणिय-"गेण्हामि रयणाणि । पभाए वेयणं वियरिस्सामि।" वणिएण भणियं"नाहमद्धारएण ववहरमि।" पुणो वि ठाणे कयाणि । सो वि निरूविऊण रयणट्राणं उट्रिओ । गओ सभवणं । रयणीए काऊण वीरवेसं समागओ तम्मि आवणे । खयं खत्तं। पक्खित्ता पढममेव चलणा। घट्रिओ तेहिं सयणीयगओ रयणसारसुओ। तेण वि विण्णाय-तक्कर-पवेसेण उद्दिऊण गहिओ य दोहि वि चलणेसु । खचाखंची कुणताण पत्थं तक्करसरीरं। मक्को वणिय-सएण पलोइऊण। गओ स-भवणं। साहिओ जणणीए सव्वो वि नियवइयरो । बीयदिणे वेयणाभिभओ कणंतो भणिओ मायाए-"पुत्त! जो परधणाणि चोरेइ सो सव्वं सहेइ । जहा सारण-जयारो ।" तेण भणियं"अंब ! को एस सारणो ?" तोए भणियं-"पुत्त ! सुणसु सारणजूयारस्स कहा।
उज्जेणीए वत्थव्वगो जुयारो । तेण एगया सव्वं पि हारियं । तं पि नत्थि जं भुजइ । तओ तमंधयाराए रयणाए पइभवणं भमतेण निसुओ एगम्मि वणिय-घरे पिय-पूत्ताणं मंतो। पिउणा भणियं-"पुत्त! कीरउ किपि आवया-धणं। निहणिज्जंतु गंतूण मसाणे दीणाराण दस-सहस्सा। तं सुणिय अणागयमेव गओ मसाणं सारणो । ठिओ अणाह-मडयमज्झे पडिऊण। इओ य गहिऊण दविण-जायं समागया दो वि जणय-तणया। मक्कं भनीए दविणं। भणिओ सेट्रिणा सुओ"अरे! गंतूण समंतओ निरूवेहि, मा को वि कत्थवि गढ़-चरिओ हवेज्जा।" तेण विनिरूवियं । दिट्ठो अनाह-मडयमज्झे निवडिओ सारणो। निरूविओ तेण नासामुह-पवणो जाव न निग्गच्छइ । अओ तओ उत्थल्लिऊण जोइओ ।' मउत्ति विसज्जिओ। साहियं गंतूण जणयस्स । जहा-"निरूवियं समंतओ मसाणट्राणं । दिट्ठ चीरमयमडएस् मज्झे अक्खय-सरीरं एगं पूरिस-मडयं । पिऊणा भणियं-"पुत्त! मा को वि मायावी पडिओ होज्जा । पूणो वि गंतूण सुनिरूवियं करेहि । बीयंपि तेण उत्थल्लिय निरूविओ । पच्छा चलणेसु कढिऊण थेवंतरं मक्को । साहियं पिऊणो जहा 'मओ सो।' पिउणा भणियं-"नासं सवण-जुयलं च छिदेहि। पच्छा निच्छओ हविस्सइ ।" गओ सो । तहेव काऊण समागओ । न किंपि जंपियं धुत्तेण। तओ निहाणिकयं दविण-जायं । गया ते नियघरं । धुत्तो वि गहिऊण निहाणं नगरं पविट्ठो । विलसेइ जहिच्छाए।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |