Page Text
________________
सम्मत्त-बीय-लंभो णाम पढमो अवसरो तत्थ य धणदेवकहाणए सीलवईकहा
९
नीसेस भुवण-भूसण-गुणमंदिर-परहियेक्क-रयचित्त ! आचंद-सूरियं नंद भायं ! किमहं परं भणिमो॥६३०॥ इय भणिओ सो तुमए कयप्पणामो खणेण उप्पइओ। नियट्ठाण-पावणट्ठा तमाल-दल-सामले गयणे ॥६३१। दुगणाणिय-नेह-भरो सेट्ठी नरवाहणो तीए सद्धि । भुंजतो विसय-सुहं गमेइ कालं पहट्ठमणे ॥६३२।। संसाररुक्ख-कुसुमं विसयसुहं तुम्ह अणुहवंताण । फलभूया दोण्णि सूया तइया धूया समुप्पण्णा ॥६३३।। तेणाणंदिय-हियओ सेट्ठि-महिमंडले अमायतो। अप्पाणं कयपुण्णं मण्णइ जम्मेण [जीएण] ॥६३४॥ अण्णम्मि दिणे तुमए विणयवई पयणुएवराहम्मि। सिक्खागहण-निमित्तं भणिया पडिभणइ रुसिऊण ।।६३५।। सव्वं चिय सहियव्वं पुण्ण-विहीणेण मारिस-जणेण । पइ पुत्त गगव्विया भणसु भइणि जं रुच्चए तुज्झ ।। ६३६।। सोऊण तीइ वयणं झडत्ति तुह चित्तखंडणं जायं । विणयवइ भोगदियहे संवसिया सेट्ठिणा सद्धिं ॥६३७।। भोगतरायकम्मेण तेण एगाहविहियमेत्तेण । फलमेयं तुह दिण्णं दइएण विओइया वरिसं ।।६३८।। ता भद्दे ! जोव्वण-रूव-गरुय-पइवण्ण-वासवडिएहि । कम्माणि जाणि कीरंति ताण एयारिसविवागो।।६३९॥ जण तए पुव्वभवे सील परिपालियं पयत्तेण । तेणब्भासेण इहावि सील-संरक्खिगा जाया ॥६४०॥ जं दाण-सील-तव-भावणाहि भावेइ जो य अप्पाणं । तेणब्भासण सो भवंतरे तारिसो होइ ।।६४१।। सोऊण-सूरि-वयणं सहसा-संभरिय-पुव्वभव-जाई । संजाय-भव-विरागा सीलवई भणइ वयणमिणं ॥६४२।। सव्वं पि तुम्ह वयणं सच्चं न हु एत्थ संसओ अस्थि । अइविरसो संसारो कडुय-विवागाणि कम्माणि ।।६४३।। कि बहुणा भणिएणं दइएण विसज्जिया पसण्णमणा । पवज्जागहणेणं करेमि नियजीवियं सहलं ॥६४४।। गुरुणा भणियं धण्णा परित्तसंसारिया तुम भद्दे ! पव्वज्जापरिणामो न होइ गुरुकम्म-जीवाणं ।।६४५।। पव्वज्ज पडिवण्णो निम्मल-चित्तो जिइंदिय-कसाओ। पंचासवेहि विरओ संजम-निरओ विगय-दंडो ।६४६। बंधइ नवं न कम्मं निज्जरइ पुराणयं तवाईहि। एवं च विसुज्झंतो कमेण वर-केवलं लहइ ।।६४७।। जह भणिय उत्तरोत्तर-गुण-सेवण-तप्पराण जीवाण । परिहरिय-दोस-हेऊण कह न खिज्जति कम्माणि ।६४८। संरुद्ध-सलिलसेया आराम-महीरुहा महंता वि । पाविति जहा सोस कमेण खिज्जति मूलाओ. ॥६४९।। तह देहाराम-गया कम्म-तरु-रुद्ध-पाव-जल-सेया । सुक्कंति तहा न जहा पुणो वि पहवंति कयो वि ॥६५०।। इय केत्तियं व भण्णउ तियसासुर-मण्य-सिव-सुह-फलाए । सयलकल्लाणमूलाए सवविरईए माहप्पं ।। यतः नौरेका भववारिधौ शिवपुरद्वारार्गला-कुञ्चिका। कर्म-व्याधि-चिकित्सकेयमनघा दिव्यौषधी देहिनां ।। मूढानामिहवर्तनीव सरला निर्वाणगा वांछितं । तत्कियन्न ददाति सर्वविरतिः सद्धर्म-बीजक्षितिः ॥६५३।। जे गया तह गमिस्संति गच्छंति य जे नरा । नेव्वाणं ताण सव्वाण पवज्जा कारणं मया ॥६५४।। सुणिऊण सूरिवयणं गहिऊण जहारिहं च जिणधम्मं । नमिय गुरुं निव-पमुहा जहागयं पडिगया परिसा।६५५। सीलवई वि हु रण्णा समणुण्णाया महाविभूईए । पउमसिरि-सूरिपासे निक्खंता आगमविहीए ।।६५६।। अह दिक्खिऊण सूरी समप्पए पुण्णचंदगणिणीए। सा वि हु सिक्खं गाहइ सीलवई थेव कालेण ।।६५७।। एक्कारसअंगाई पढेइ पालेइ सीलमकलंक । पव्वज्जापज्जायं परिपालइ निरइयारं सा ॥६५८।। अह अण्णया कयाई पडिवज्जइ अणसण-निरागारा । सुह-परिणामारूढा उप्पाडइ केवलं नाणं ।।६५९।। पडिवज्जियसेलेसि चइऊण कलेवरं खणद्धेण । एग समएण पत्ता अव्वाबाहं सिवं ठाणं ।।६६०।। सीलवईए सीलं पुव्वभवे इह भवे य सुहजणयं । संजायं जसकित्तीण कारणं सिव-सुहाणं च ।।६.६१।। सीलं कुलुण्णइकरं सीलं सत्ताण भूसणं परमं । सीलं सयल-सुरासुर-सुह-पायव-परमबीय-समं ।।६६२।।
_Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |