Page Text
________________
सम्मत्त-बीय-लंभो णाम पढमो अवसरो तत्थ य धणदेवकहाणए सीलसुदरीकहा
अजाणियं चेव निवडियं दाहिणकरंगुलीओ नियनामंकियं मुद्दा-रयणं राइणो । गओ राया । धनचंदो वि मुद्दा-रयणं गहाय उवरितलमारूढो । पेच्छड पर-थंबं रासीकयाणि रयणाणि । कय-पुण्फोवयारं वास-भवणं । धरणितलं पवरवत्थविणिम्मिय-उल्लोय-लंबंतनित्तलामल-मोत्ताहलहार-नियरं वरवत्थाहरण-विभूसियं पल्लंकगयं च सीलसुंदरि । तओ विसायविम्हएहि समाउरिज्जमाणसो-"अहो! 'किमयंति चितयंतो उद्धट्रिओ चेव ठिओ खणमेगं । सीलसुंदरी वि दण धणचंदं उट्रिया पल्लंकाओ । सविनयं दिण्णमासणं । कया चलणसोयणसामग्गी ।
तओ अभिण्णमुहरायं तं दळूण चितियं सेट्ठिणा-- जसु निमित्तु हय हिअडा पई जलनिहि तरिउ । तं कलत्तु एवंविह-दुण्णय-सय-भरिउ ।। एउ अउच्च ज पेवखेवि लज्ज वि न वि करइ। हरिसुल्लसिय-मुहुल्ल उ महु अग्गइ घरइ ।। वर वेल्लिउ मं तीय इउ, सच्चई जाहं पलंति । जो एक्कसि वेदिति तरु, सो मरणिहि मुच्चंति ।।५११॥ बहुविह-कवड-कुहेडय-संसयमंदिरं हवइ महिला । कह मइलिय नियकुलं नरवइणा पुरिस-सीहेण ।।५१२॥
किं करेमि संपयं? किमेत्तो चेव मोत्तूण घरवासं वणवासं गच्छामि ? किंवा फुडक्खरेहिं चेव अजहत्थ-नामं सीलसुंदरि उवालहामि ? अहवा नासमिक्खिय-कारिणा भवियव्वं ? जओमंदालोइय-कज्जे सहसच्चिय जे नरा पयर्टेति । दझंति ते वराया दीवसिहा पडियपयंग व्व ।।५१३ ।।
अओ पुव्वावरेण समं समवगच्छिय पच्छा जहाजुत्तं करिस्सामि त्ति, चितिऊण कयं आसण-गहणं । पुच्छिया सीलसुंदरी-"किमेसा पच्छण्णा घरसिरी-पयडीकया ? को वा एस पुरिसो पच्छिम दुवारेण नीहरंतो मए दिट्ठो ?" साहिओ तीए सव्वो वि नियसीलरक्खण-पज्जवसाणो नरवइवुत्तंतो । घरसिरी-पयासकरणे राइणा उवयार करणं कारणं ।" सेट्ठिणा भणियं-"गंभीरमिणं । न संखेवण जाणिउं तीरइ । असंगोविओ सत्थो नयर-बाहिरियाए वट्टइ तो तहि वच्चम्ह ।" एवं भणिऊण गओ सेट्ठी । पवेसिओ सत्थो । दाऊण वेयणं विसज्जिया कम्मयरा । ठाणे कयं दविण-जायं । गहिऊण मुद्दारयणसहियपाहुडं गओ नरवइसमीवं । पडिहारेण निवेइओ पविट्ठो । राया वि सरिऊण रयणिवइयरं चिति उमाढत्तोन कुलं न यावि सोलं, न पोरुसं न वि य कज्जसंसिद्धी। हद्धी, विडंबणच्चिय अपत्तपुव्वा मए पत्ता ।।५१४।। अवियारिऊण कज्जं तं किंपि करेइ एस टुप्पा । जेणप्पणा वि लज्जइ जा-जीवं सुमरिएणेवं ।।५१५।। संगोऽणंगेण जिओ लोहसरो कुसुमबाण-वसगोहं । नियअक्खाण वि अपहू कहं पह होमि अण्णाणं ।।५१६।। सव्वं वयंति विउसा नत्थि पिओ जस्स सो जए सुहिओ। पियसंगो जेण कओ सो नणु दुक्खिणी जाओ ।५१७ ।
खणंतरेण उवरिहुत्तं जाव निहालेइ राया ताव दिलो पणयविहिय-करयलंजलीपुरओ धणचंदसेट्ठी । संजायलज्जेण जंपियं राइणा-"अज्ज चिराय दिछोसि ?" धणचंदेण भणियं-"महाराय ! जेण न कज्जं सो समीवागओ विन दीसइ । महई वेला मह देवदिदि-दाणाहिलासिणो।" राइणा भणियं-"मरिसेउ अज्जो रज्ज-कज्ज-चितावावडत्तणेण न दिोसि ।" काऊण पणामं धणचंदेण ढोइयं पाहडं । निसण्णो उचियासणे । दिळं रण्णा पाहडस्सोवरि निय- नामंकिय-महारयणं । गहिऊण कयं नियकरंगलीए । पुच्छिओ धणचंदो-"अज्ज! देसंतराणि हिडियाणि । दिटठं कत्थ वि किं पि अच्छेरयं ?" सेट्ठिणा भणियं-,'दिळं एत्थेव तुम्ह रज्जे । एगम्मि पहाणनयरमज्झे सर-मज्झे सच्छसलिल-पडिपुण्णा एगा सरसी । तीए सीहो पाणट्टा पविट्ठो । नीहरतो अम्हेहिं दिट्ठो ।" रण्णा चिंतियं-"अम्हाण उवालंभो । ता उत्तारेमि निय-वयण-गारुडेण इमस्स संका-विसं"ति चितिऊण जंपियं राइणा-"भद्द ! विण्णायपरमत्या वयमिमस्स वइयरस्स न तुम परमत्थं वियाणेहि । सीहो तत्थ (प]विट्ठो खणं बइठ्ठो न चैव परितुट्ठो। तिसिओ च्चिय सासंको विणिग्गओ लज्जिओ चेव ।५१८।
..
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |