Page Text
________________
मणोरमा-कहा
तीए भणियं-"निसुओ संदेसओ । सोहणमेयं । को कल्लाणे विरोहो ? अज्जेव रयणीए समागच्छउ देवो।" सम्माणिऊण तंबोलाइणा विसज्जिओ चंदो । कज्जसिद्धीए पह-वयणो गओ नरवइसमीवं । साहिओ सव्वो वि जहडिओ वृत्तंतो । दाऊण पारिओसियं विसज्जिओ चंदो। काऊण सिंगारं रयणीए एगागी चेव पा संदरिमंदिरे । समारूढो उवरिम-तलं । दिळं तत्थाणेग-रयण-रासि-विराइयं वरवत्थ-विहिय-पवरुल्लोअं उल्लोय-लंबंतमोत्तियाउलं दुवारदेसे निहिय-जल-पुण्ण-मंगल-कलसं वासभवणं। तस्स मज्झे पवर-पल्लंक-निसण्णा निरुवम-रूब-सोहग्गा इगुणगण-समण्णिया रइ व रमण-विरहिया । दाहिणकय-लीलारविंदा वामेण भालयलमभिनिवडमाणाऽलयनियत्यरमभिसंजमंती सुरसुंदरि व्व विमाणारूढा दिट्ठा सीलसुंदरी राइणा। सा वि रायाणं दट्ठण ससंभममन्भुट्टिया सयणिज्जाओ दिण्णं भद्दासणं । राइणा भणियं-"अलं भद्दासणेण इणमेव पल्लंक समारुहिस्सामि ।" तीए भणियं-"जहिच्छा पहुणं ।" निसण्णो तम्मि चेव पल्लंके नरवई । कओ तीए चलणसोयणाइओ उवयारो । निसण्णा पुरओ होऊण
I भणियं-"अणुचियमिणमासणं । इणमेव पल्लंकद्धं समद्धासेउ सुंदरी । तीए भणियं-"महाराय ! कि गोमाउरिणी सीहसमद्धासियासणं समद्धासेइ ?" राइणा भणियं-"अलमिमीणा वियारेण ? पडिवण्ण-पालणे पयत्तं करेउ संदरी।" तीए भणियं-"सूणेउ आहरणमेगं महाराओ।" राइणा भणियं-“अवहिओम्हि ।" तीए भणियं
अस्थि वच्छा विसए पुण्फचंगेरं नाम नयरं। सव्व-मालागारसेणिप्पहाणो कुंदकेऊ नाम मालिओ तत्थ परिवसइ । नत्थि पत्तं वा पुप्फ वा फलं वा जं तस्सारामे ण पाविज्जड । अण्णम्मि दिणे समुप्पन्नवल्ल-फलाहिलासेण वसुसारसेट्ठिणा पेसिओ नियपुरिसो कुंदकेऊमंदिरे । भणिओ तेण गंतूण कुंदकेऊ-“वल्लफल-निमित्तं वसुसार-सेट्टिणा तुह समीवं पेसिओ।" तेण भणियं-"अकालो एस वल्लफलाए।" "जइ कालो हवेज्जा तो तुह समीवे को समागच्छेज्जा ?" एवं भणिऊण गओ पुरिसो । कुंदकेऊ विय तुरियं गओ आरामे । समाइट्ठा वंठा-"अरे! आरामपरिपेरतेसु समंतओ वल्ले वावेह, सिंचेह । कयं कम्मयरेहिं । पइदिणं सिंचिज्जंता जाया महल्ला वल्ला ।
__ अण्णया दर-खद्धा दिट्ठा भिच्चेहिं । कहियं गंतूण सामिणो । समागओ कुंदकेऊ । समंतओ हिंडिऊण निरूविओ आरामो जाव नस्थि कत्थ वि पवेसो । संजाय-विम्हएण भणिया भिच्चा कुंदकेऊणा-"अहो! दुप्पवेसो आरामो कई वल्ल-विणासो ?" तेहिं भणियं-"अम्हे वि न याणामी ।" बीयदिणे पच्छन्नं सयमेव निरूविउमारद्धो। दिट्ठा वाडी चेव वल्ले खायंती । तओ सविसायं जंपियं कुंदकेऊणाजंचेव रक्खगा लुंपगा वि तं चेव जत्थ जायंति । भय-भीओ सरणं तत्थ जणो के समल्लियउ ? ॥५०५।। कम्मयरेहि भणियं-- जा वल्ल-रक्खण-कए, कह-कह वि णिम्मिया मए वाडी। सच्चविय वल्लविणास करेइ हा! कत्थ वच्चामि ।।
तओ ठिओ आयारसंवरं काऊण कुंदकेऊ । ता महाराय ! जारिसा वल्ला तारिसो अम्हारिस-जणो, जारिता वाडी तारिसो तुमं । पयापरिपालण-निमित्तं विहिणा विणिम्मिओ । अण्णायपयट्टजण-निवारगो पंचम-लोगपालो। जइ तुम पि मज्जायाइक्कम करेसि ता कस्स अण्णस्स कहिज्जउ । न नियमज्जायं मोत्तण अण्णण जलहि-वेला खलिज्जड़। कुणसु जंभे रोयइ । एयं सोऊण संजाय-पच्छायावेण भणियं राइणाधण्णासि तुमं सुंदरि ! पत्तपडाया सईण मज्झम्मि । निय सील-रयण-रक्खण-समुज्जमो जीए तुह एसो।।५०७।। अज्जवि वड्ढइ धम्मो, अज्ज वि सच्चं वयंति पाणिगणो । अज्ज वि संति सईओ, सच्चवियमिणं तए वयणं ।। निय कुल-कलंक-जणयं, मज्जाय-विलोयकारणं धणियं । अवलंविऊण काउरिसचेट्ठियं जं मए भणियं ।।५०९।। तं सव्वं खमसु तुमं, संपइ सूरुग्गमो समासण्णो । वच्चामि नियय-भवणं अलक्खिओ चेव लोएण ।।५१०।।
मीलसुंदरीए भणियं-“एवं हवउ ।” उवरिमतलाओ लज्जोणयमुहो उत्तरिउमाढत्तो नराहिवो ।
इओ य देसंतराओ बाहिं चेव सत्थं मोत्तूण घर-समायार-दंसणत्थं एगागी चेव समागओ धणचंद-सेट्ठी । पच्छिम-दुवारेण पविसंतो पेक्खइ नीहरंतं नराहिवं । विम्हिय-माणसेण मुक्को य मग्गो धणचंदेण । सासंक-सुण्ण-चित्तस्स
_Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |