Page Text
________________
सम्मत्त-बीय-लंभोणाम पढमो अवसरो तत्थ य धनदेवकहाणगे सीलसंदरीकहा
८९
जिणमंदिरं सेवमाणी ठिया एत्तियं कालं । लंघिय-कुलक्कमाए निस्सीलाए वि होऊण आसा-विसयमारूढो पियजणसमागओ । तुह पुण सोलाहरण-विभूसियाए समासण्णा चेव समीहियसंपत्ती। भणियं सील वईए-वाहजलुप्फुण्ण-नयण-जुयलाए । पियसहि ! न होइ फलयं सीलं पुण काल-दोसेण ।।४९३।। खीणम्मि ताव कम्मे परिहायंतेसु भागधेयेसु । अत्थो होइ अणत्थो सुओ वि सत्तू धवं होइ ।।४९४।। खीणम्मि कुसल-कम्मे विहडइ नाणं कलागमो अहलो। जं जं लिज्जिइ डालं तं तं भज्जइ कयंतेण ।।४९५।। संपइ वयणपहाणो दाणपिओ हीणदोणसत्तो य। नियकज्जपरो परकज्जबाहिरो च फले वि हु ।।४९६।। इह सुयणु संसओ दुस्समाणुभावेण। जं नग्धेति इह गणा दोसा पुण गारविज्जति ॥४९७।। न तहा दहइ सरीरं वसणमिणं पुव्व-कम्म-निम्मविय । जह एस अयसअग्गी उभयकुल-कलंकिणो डहइ ।। जओनट्ठा वा भट्टा वा अवहरिया वा हवेज्ज जइ महिला । संकिज्जइ तह वि मणे विसेसओ जोव्वणत्था जा।।४९९॥ चंदसिरीए भणियं सुयणु ! कयत्था जयम्मि तं चेव । सील पि तुज्झ सहलं होही जइ विज्जए धम्मो॥५००। किं सुयण ! तए न सुया भज्जा धणचंदसेट्ठिणो घण्णा। सीलपरिपालणाओ इहेव सुह-भागिणी जाया ।५०१॥
सीलवईए भणियं-"पियसहि ! का एसा धणचंदसेट्ठिभज्जा ? कहं वा सील-सामत्थओ इहलोए वि सुहिया जाया ?" तीए भणियं-“सुणसु ।” सोलपरिपालणे सीलसुंदरीकहा
सुसम्मपुरे नयरे धणचंदसेट्ठिणा अत्थोवज्जणाहिलासिणा भणिया नियरिणी सीलसुंदरी-"पिए ! अत्थोवज्जणनिमित्तं देसंतरमहं गमिस्सामि । रक्खियव्वं पयत्तेण तए सीलरयणं" ति अप्पाहियऊण पसत्थवासरे गओ देसंतरं धणचंदो जाओ तत्थेव पवासो। सीलसुंदरी वि सेट्ठिसमाइटें सव्वं कुणमाणी कालं गमेइ ।
अण्णया वसंत-समए उज्जाणसिरि-समवलोयणत्थं चउरंगबलमज्झगओ मत्तवारणमारूढो नयराओ नीहरंतो मत्तालंबगयाए दिट्ठो सीलसुंदरीए चंदसेहरनराहिवो । तेण वि उवरिज्जतं नियंतेण गवख-विवर-विणिग्गओ दिट्ठो तीए मुहयंदो । संजाय-सिणेहाणुबंधो ।
गओ उज्जाणं नरवई । समवलोइया सुण्णचित्तेण परियणाणुरोहेण उज्जाणसिरी । खणमेत्तं गमिऊण समागओ सभवणं राया । विसज्जियामच्च-सामंताइपरियणो । णवण्णो वासभवण-पल्लंके । गहिओ सरीर-संतावेण वियंभिया अरई । वित्थरिओ रणरणओ। चितिउं पवत्तो-'जइ ताव जहट्रियं साहेमि अमच्चाईण तो आयलाघवं । असाहयंतस्स न कज्जसिद्धी । एवं चितिऊण सया समासण्णवत्ती, परमरहस्सट्टाणं कओ भिण्णरहस्सो चंदो नाम निय-पुरिसो । तेण भणियं-"देव ! जइ सा तुमम्मि साणुराया तो करगया कज्जसिद्धी । समप्पेउ देवो निययाभिप्पायसूयगं लेहं, जेणाहं घेत्तण वच्चामि तीय गेहं ।" लिहिओ राइणा । गओ घेत्तण चंदो । पविठो पच्छिम-वारेण । दिदा उवरिमभूमियाए सीलसुंदरी । पणामपुरस्सरं समप्पिओ लेहो । तीए भणियं-“कस्सेसो ?" चंदेण भणियं-"हत्थे कंकणं किं दप्पणेणं" अक्खराणि चेव कहिस्संति । “एवं हवउ ।” छोडिओ तीए लेहो । दिट्ठा तत्थिमा गाहान लहइ गेहम्मि रई, न बाहिरे न वि य पवरपल्लंके । सुंदरि ! तुज्झ समागम-समसुओ अंतरप्पा मे ।।५०२॥
अवगओ तीए लेहत्थो । चंदेण भणियं-"संपयं संदेसं सुणेउ सुंदरी । दरियारिमत्तमायंगमयनासणेण एवं ते समाइटठं महारायचंदसेहरेण जओ चेव तं दिट्टा तप्पभिई चेवहारो दहइ सरीरं जलइ जलद्दा वि देह-संलग्गा । ससि-किरणा तणुतवणा पल्लंको मम्मुरग्गिसमो ।।५०३।। ता तह करेसु जह कह वि होइ मह दंसणं तए सद्धि। एत्तियमेत्तं भणिमो जं जुत्तं तं करेज्जासु ॥५०४।।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |