Page Text
________________
८८
जओ
जं सत्थेसु न सुब्बइ अगोयरं जं महाकईणं पि । तं किंपि सुहं नवसंगमम्मि दइउ व्व जणो कुणइ ||४७८ ॥ सत्थे न सुव्व अगोयरं जं महाकईणं पि । तव्विरहे जं दुक्खं अप्पच्चिय तं परं मुणइ ।।४७९ ।। विम्मिसम विसण्ण-चित्ताहि ताहि वालाहि । पउणीकयम्हि पवणाइ दाणओ दीण-वयणाहि ||
मणोरमा - कहा
तओ पहदु-वयण-कमलाओ ममेत्थेव मोनूण गयाओ ताओ सट्टाणं । अहं पि कयमरणनिच्छ्या तीए चैव रयणीए समारूढा इणमेव जिणमंदिर - सिहरं । मुक्को अप्पा, जाव पेच्छामि पवर- पल्लंक गयमत्ताणयं 'मरणं पि दुल्लहं मंदभग्गाणं' ति चितयंती उट्टिया सयणिज्जाओ । पुव्वपओगेण चैव गमिया के वि मासा । अण्णया समागओ पाउसो । सो य केरिसो-पिसुणनरिदो व्व मलिणसमुण्णइ - कारगो, दिणयरो व्व निरुद्ध चंदग्गह-नक्खत्तपयावो, दुज्जणो व्व कलुसिंतो सज्जणमणसरोवराणि, पारद्धिओ व्व पीडंतो पहियसारंगो, कोहणपुरिसो व्व नि [सायर]व्व निच्चप्पयारिय-महो, isererrar or fनद्धाडिय -नमंत रायहंस-मंडलो, दढमुच्छ्यि-पुरिसो व्व निहुय-पवण-संचारो, दयारसियनरो व्व तिसिय-सत्त- जलदायगो ।
नव सूआ धेया इव रयणी ससि वच्छयं अपेच्छंती व । हरइ जलय-नायच्छलेण अह तम्मि कालम्मि ।। ४८१ ।। पिय- विरहिय दइयाओ निब्भच्छिय-गहिरगज्जियरवेण । जीवंति मया व इमा विज्जुज्जोएण जोएइ ।।४८२ ।। वच्चति तुरिय- तुरियं कसिण घणा नहयलम्मि गज्जेता । तं रक्खस व्व मेहा मिलिउं पियविरहियं लोयं ॥ जह जह गज्जंति घणा जह जह नच्चति ब रहिणो तुट्ठा। तह तह फुटइ हिययं पउत्थवइयाण तरुणीण ।। ४८४।। आवद्ध-धोरणीओ दीसंति नहे वलाहगालीओ । तिहुयण-जण-पायडमयण रायसंकित्ति (ण्ण) पंतीओ।।४८५ ।। निव्ववि-धरावलओ पविरल - निवडत - सलिलधाराहि । जो डोलावेइ मणं मणयं नणु मुणि-जणाणं पि ॥
एरिस मेहाडंबरम्मि पवियंभियम्मि धरणियले । मयणसरसल्लियंगी चितिउमहं समाढत्ता ||४८७॥ किं जीविएण इमिणा पियजण - विरहग्गिदाहदड्ढेण । विगलियआसाबंधणघणेण धी - दुक्खनिलएण ||४८८ ॥ परिकपिऊ एवं रथणीए समुग्गए ससहरम्मि । फलिहमणितोरणं मरण-कारणा झत्तिमारूढाहं ॥। ४८९॥ हो ! जिदिमंदिरचितायग, हो ! मियंक हो ! पवण हो ! मयणहिययवल्लह ! सरीररक्खक्खमो होज्जा ।।
एवं भणिऊण बद्ध कंधराए पासओ । मुक्को फलिह-मणितोरणाओ अप्पा |
एत्यंतरे 'महासाहसं 'ति जपतो दिव्वायारधारी समागओ एगो पुरिसो । छिण्णो तेण पासओ । गहिऊण मुक्का जिणमंडव-पुरओ काऊण अंजलि सविनयं भणिओ सो मए - "महाभाग ! को तुमं ? कि निमित्तं वा मरणंतरायं करेसि ?" तेण भणियं " भट्टे ! पउममुहो नाम अहं गुज्झगो । इमस्स चेव जिणमंदिरस्स चिंतायगो जेण तुम्हाण जिण मंदिर - सिहरं लंघयंताण सासणा कया ।" मए भणियं-" पणय-पसण्ण- माणसा चेव सप्पुरिसा भवंति । ता तहा करेसु अणुग्गहं जहा पुणो वि सव्वेसिं समागमो होइ ।
जओ-
सुण-सुद्ध-सहावे गिरिवर - गरुया विपत्थणा सरइ । परकज्ज करण-पवणो जम्मो जं ताण भुवणम्मि ।४९१ । विहलं जो अवलंवs आवइपडियं च जो समुद्धरइ । सरणागयं च रक्खइ तिसु तेसु विभूसिया पुहवी ||४९२ ॥
इस हसिऊण भणियं जक्खेण - "एवं करेमि ।" इओ कइवयदिणेहि इमस्स चेव भगवओ जम्मकल्लाण करणट्टा बहुविज्जाहर-परिवुडो तुह पिया समागम्मिस्सइ । तम्मि दिणे तुह पिएण सह समागमो भविस्s । इमं पि सुयसारिया मिहुणयं तम्मि चेव दिणे मज्जण जलेण मज्जवेयव्वं जेण नियपयई पाउणइ । तुमं पि मरणाओ विरमिय जि-भत्ति-परायणा चिट्टसु "त्ति भणिऊण गओ सो अदंसणं । अहं पि एयम्मि जयकूडे पव्वए इमं चेव तायकारिय
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |