Page Text
________________
सम्मत्त-बीय-लंभोणाम पढमो अवसरो तत्थ य धनदेवकहाणगे चंदसिर कहा
८७
एत्यंतरे इमस्स चेव जिण-भवणस्स सिहरग्ग-भूमीए थंभिए व्व भिए व्व निच्चलोभूए विमाणे गमणभंगविम्हिएण दिण्णा पुरओ दिट्ठी अज्जउत्तेण । दिठो उल्लिहिय-सव्वंग-पियंग-पायव-सरलाभिरामसरीरो । निष्फंद-तारेहि सरोसेहि नयणेहिं निरूवेमाणो दाहिण-करेण लोहमय-मोग्गरं पुणो पुणो उक्खिवंतो एगो पुरिसो।।
तओ संजायविम्हएण अंजलिबंधं काऊण सविणयं भणिओ-"महाभाग! कि निमित्तं गहियायस-मोग्गरो पुरओ होऊण विमाण-गमणं निरंभसि ?" अवसर अग्गओ जेण समीहिय-ठाणं गच्छामो।" अदिण्ण-पडिवयणो सोवहासं भणिओ पिएण-"भो! किं मोयगेण मुहं भरियं जेण पडिवयणा वि संसओ ?" एवं सुणिय रोसरत्तारुण-नयण-जुयलो भालयल-तलप्पडिय-भंगुर-भिउडीभीसणो पायडिय-विरूव-यालरूवो---"अरे! निविवेय! अमुणिय-अप्प-पर-विसेस ! परिहरिय-सिद्धजण-समायरे विगय-पार-संसार-पल्लल-पंक-सूयर-महापाव-करण-पवणसयल-करग्गामदुहिय-पाणिगणवच्छलं, सुविसुद्धमग्गविणिविट्ठदिटुिं, दुविणीय-जणसिक्खणत्थमेव निउत्तं सया जिणाययण-निवासिणं मम पि पउमाए मामिणीए किंकरं पउममुहाभिहाणं गुज्झगमेवमहिक्खिवसि ?"
एत्थंतरे संजाय-रोसेण भणिओ चित्तंगएण-“अहो दंसणेण दिव्वायारो लक्खीयसि कम्मुणा पुण चंडालमणुगरेसि, जेणेवमणुणिज्जमाणो वि न मणाग-मणागमवि मद्दवं भयसि ?"
तओ संजाय-कोवेण जंपियं जक्खेण “अरे ! दुरायार ! अहं चंडाल-सरिसो, न तुम जो अणिवारणिज्ज वित्थिण्णं सनिहियं विहाय गयण-मग्गं अणेगसूरसिद्ध-भवणवई-विज्जाहरविंदवंदणीयस्स तिहयण-विक्खाय-कित्तिणो अट्ठमतित्थयरस्स मंदिर-सिहरमइलंघिऊण पत्थिओ? ममं च करुणाए निवारितमहिक्खिवसि ? पत्तो सि निहणममुणा दुच्चेट्टिएणं" ति, भणिऊण सविओ चित्तंगओ । जाओ सुगो । हंसिया वि पडिकूलभासिणी सदिऊण कया सारिया सो पुण कुमारो न नज्जइ सविमाणो कहिं पि पक्खित्तो । मज्झ वि विओगं काऊण गओ अदंसणं जक्खो । अहं पि जणणि-जणएहिं चेव कारावियं जिणबिंबमाराहयंती ठिया ।।
कइवयदिणेहिं इओ तओ गवेसणं कुणमाणाणि अम्मा-पियराणि मे एत्थेव समागयाणि । वाहजल-भरियलोयणाए उच्छंगे काऊण पुच्छियाहमंबाए । भणियं-"किमहं काहेमि ।" परिक्खीण-भागधेया असमंजस-कारिणं देवं चेव एत्थ पुच्छियव्वं जेण सहसा चेव कुलकलंक-कारयं गुरुयणस्स वि संतावदायगं, सयणवग्गस्स वि सोगावेगहेउ-भूयं अणुचियं कण्णयाजणस्स कम्ममेयं कारिया ।" एवं पयंपिऊण अदिण्ण-पडिवयणा अहोमही ठिया । ताएण पुच्छिया पण्णत्ती-विज्जा । साहिओ तीए जहडिओ सव्वो वि वइयरो । पणय-पुव्वं निज्जमाणी वि ताएण न गयाहं सघरं । तओ निम्मविओ एस पासाओ । अंतरंतसूहिसयणवग्गे विणोइज्जमाणी एत्थेव ठिया । तं सुय-सारियामिहणयं पंजरगयं परिपालयंती कालमइवाहेमि । अण्णम्मि दिणे पियसहि ! परिणममाणम्मि वासरे पत्तो। दिव्वविमाणारूढो विज्जाहर-बालियासत्थो॥४६७। काऊण सपरिओसं पूयं तह वंदिऊण जिण-बिंबं। डोलाहरं तेण गयाओ ताओ सव्वाओ ॥४६८॥ मिलिऊण अंदोलिऊण सुइरसिंगाररुग्गार-गहिरगीएहिं । सुव्वइ पहसियवयणाहिं,ताहिं कुमारो हिंदोल्लहारा । गाढं दोलण-संजणिय-खेय-पयडिय-सेय-सलिलाओ। सहसच्चिय-सरसीए, मज्जणहेउं पविट्ठाओ ।।४७०।। भुयदंडप्फालियतीरदेसं चालियंबनिवहाओ । पगलंत-कुडिल-कुंतल-कलाव-संजणिय-सोहाओ ।।४७१।। उत्तिण्णाओ तीरे तुरियं गहिऊण मणहरं वेसं । जिणमंडवस्स पुरओ सेसं रमिऊण रयणीए ॥४७२।। आगम्म मह समीवे सिणेह-सब्भाव-सायरं नमिउं। पुच्छिय कुसलाओ लहुं जहारिहं सन्निसन्नाओ ॥४७३।। नानाविह-वइयरं संकहाए गमिऊण पढम-पहरं तु । पच्छा सिक्खागभं पयंपियं ताहि मुद्धाहिं ।।४७४।। परिहरिय-जणणि-जणया नियसयण-परंमुहा मुहा सुयणु ! कीस तुमं पडिवण्णा सुन्नारणं विसालच्छि! ।४७५ काउणम्ह पसायं गम्मउ नियमंदिरं भणंतीओ । गहिऊण करेण ममं समट्ठियाओ कुमारीओ ॥४७६।। मज्झं पि हिययवल्लहपढमसमागमसुहं सरंतोए । बाहजलाविलनयणाए वेयणा झत्ति अंतरिया ।।४७७।।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |