Page Text
________________
मणोरमा-कहा
रियन्वो ?" तेण भणियं-"न पयासियव्वो एस वइयरो । अह कहवि पायडो होज्ज, असम्मओ वा ते जणणि-जणयाण तो तमं पच्छण्णमेव गहिऊण सट्टाणं गमिस्सामि" त्ति भणिय गओ सो महाभागो । “न रहस्सभेओ कायवो त्ति अपाहिाय]ऊण हंसियं गया अहमवि सभवणं । एवं बच्चंति दिणाणि ।
__अण्णया उज्जाणगयाए ने दिट्ठो सो हिययवल्लहो। उव्विग्गमाणसा समागया सघरं । बीए दिणे वि न दिट्ठो सोहियय-वल्लहो। उव्विग्ग-माणसा समागया संघरं । तोर दिणे विन दिट्ठो तओ संकिय-माणसा परिहरिय-पूप्फ-तंबोल पिलवणा वर-वत्थाहरण-विरहिया आयारमेत्तसंपाइय-पाण-भोयणोवधारा गमिऊण वासरं सूत्ता सयणिज्जे । तत्थ रई अलहमाणी सभारूढा पासायतलं । नुवण्णा फलिहसिला-विणिम्मिय-कुट्टिमतले । पिटुओ चेत्र समागया हंसिया । भणियमणाए-'सामिणि ! किमेवं विमक्क-नीसासा परिहरिय-पल्लंक सुद्ध-धरणायले निवडिया ?" मए भणियं-"हंसिए ! दहइ दाहो मह सरीरयं, अरइ समालिपियाणि न सक्कुणोमि संवाहेउं अंगाणि । तओ तोए पासमुवसप्पिऊण पराम सहत्थेण मे सरीरयं । जंपियं ईसि-पहसंतीए-“सामिणि ! किं कारणं कुसूम-संग-सुरहिगंध-सरसी-सलिलसमागम सोयलं उज्जाणाओ समागयं पवणमग्घाएसि ! केण वा कारणेण निसायर-कर करंबियाई पिसोयमाणाणि पणचिद्राणि अंगाणि समव्वहसि ? कोस वा एगामिणो सासंकमव्वत्तमल्लवसि ? कोस वा वारं-वारं वसूयाइं अचिर-दिण्णं पि अंगेसू ते हरियंदणं ? समसुह-दुक्ख-सुहाए साहिज्जउ मज्झ जइ अकहणीयं न होइ ?' 'जओसमसुह-सुहिए समदुक्ख-दुक्खिए सममणे जणे दुक्खं, सोसंतं लहुई होइ होइ गत्यं असीसंतं ।।४५७।।
मए भणियं-हंसिए ! जइ एवं ता सुणेसुजं कुमरोणमणुचियं नियकुल-ससहरकलंक-कप्पं जं । तं मह हियएण कयं, कहेमि किं तुज्झ एत्ताहे ।।४५८।। तह वि हु तुह साहिज्जइ, असाहणिज्ज पि कि वियारेण ?। तं कुमरमपेच्छंती एवं दुक्खाउरा जाया।।४५९।। सीलं कुलं सहावो विज्जा विणओ अणोवमं रूवं । सुमरामि तस्स संपइ मणे ण नयणेहि पेच्छामि ॥४६०।। जाणामि जह विरुद्ध एयं सुकुलुग्गयाण कुमरीण । तह वि हयवम्महेणं अलज्जिराणं धुरे ठविया ॥४६१॥ समचित्ताए तुमए मह कज्ज समुज्जयाए निच्चं पि । एयं परमरहस्सं पयासियव्वं न कइया वि ।।४६२।। जओअण्णं तं नूमिज्जइ एयं पुण सुयणु वम्महरहस्सं । पयडिज्जतं न तहा गुप्पंत जह फुडी होइ ।।४६३।। ता एयमिह पत्तयालं जहा तए पढमसाहसं विहियं । तह बीयं पि किज्जउ गम्मउ तेणेव सह सिग्धं ॥४६४॥ कलहंतरे वि न हु निग्गयाइं हिययम्मि चेव जिण्णाइं। सुयणगयाइं रहस्साइं डहइ आउक्खए अग्गी ॥४६५।। सोऊण मज्झवयणं पयंपियं तीए पहसियमुहीए । अइरक्खियंपि सामिणि मयणरहस्सं फुडी होइ ।।४६६।।
एवं पयंपमाणाण ताण खयमुवांगया सव्वरो उग्गओ दिणयरो । कय गोसकिच्चा गया तमेव उज्जाणं । दिट्ठो तत्थ सहयारच्छायानिसगणो ससोगो कूमारो । पूच्छिओ मए “अज्जउत्त ! ससोगो विय लक्खीयसि ?" तेण भणियं"सुंदरि ! पेइयरज्जाओ पवणगई नाम विज्जाहरो समागओ । तेण अपडुसरोरो ताओ कहिओ । तदुक्खिओ दोण्णि दिणाणि घराओ वि न निग्गओ। संपयं सयमेव गंतुमिच्छामि ।" मए भणियं-"अम्हे वि तए सह चेव गमिस्सामो ।" हंसियाए भणियं-“सामिणि ! जब एवं तो इमाओ चेव उज्जाणाओ केण वि अयाणिआणि विमाणमारुहिऊण वच्चामो ।" सव्वसम्मएण तहेव कयं ।
तओ महयावेगेण खर-पवण-विहुय-पडागा पाणिपल्लवेहि विभज्जयंतेण पुरओ समावडियाणि मेहविंदाणि, [भ]यंगारिआ] हयमाणेण उद्ध-पह-करिचारणगणगयण-जलहि-विलंघण-जाणवत्तेण वेगवसा अमुणिज्जमाणसरिया सिहरि-रसा नगराइविन्भमेण विमाणेण इमं जयकड-पव्वयं पाविऊण जिणमंदिर-सिहरस्सरि चेव चलियाणि ।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |