Page Text
________________
सम्मत्त-बीय-लंभो णाम पढमो अवसरो तत्थ य धनदेवकहाणगे सीलवई कहाए चंदसिरीकहा
८५
तओ हं उज्जाणपरिसरगयाण खीणद्ध-तणु त्ति अवलंबिऊण हंसियं विमुक्क-सीकारा, दुस्सहो सहस्सकिरण-संफासो त्ति पूणरुत्तरीय-वत्थंचलेण-ठइयाणणा, कयसंभमा वि सप्पणयं अंतरा कयसंलावं कयागार-निरिक्खणं कयपरिहासं न केवलं नियचेडियं तस्स वि सहायं सरोसं संचिक्खमाणो कत्थागया ? कहिं वा ठिया ? को वा मह देसो ? को वा मह सयणा ? किं मए समीहियं ? किं वा समारद्धं ति अजाय-सुमरणा, असुणमाणी सई असंवेएमाणी फासं अमणिय-गंध-विसेसा केवलं तस्स चेव रूवरेहावलोयणे तस्सेव संपुण्णावयव-निरूवणे तस्स चेव जोवणु
भेयविभावणे तस्स चेव विब्भम-निभालणे निलीणमाणसा, संभमाइरेगेण किमाबद्धमउलभावाए, किंवोचियसमाणाए, कि थिमियाए, कि वा तरलतारयाए, कि वियड्ढाए, किं वा मुद्धाए, किं कुडिलाए, किं वा पंजलाए, तव्वेलमहूं पि न याणामि केरिसाए दिट्ठीए दिट्ठो मए कुमारो। सो वि तहाविहाणेग-विब्भम-विलासाउलं मं पेच्छिऊण संखायणपरिकप्पिय-पुरिसो व्य सह-जायमवि पयई परिहरिय, सहाव-धोरो वि खर-पवण-विहुय-सायरो व्व तरंगे तरल-कुडिले कडक्ख-विक्खेवे मं पइ वावारितो सुइरकालमुज्झियनिद्दावेगो वि तक्खणपडिबद्ध इव अंगभंगं जिभारंभं करितो पगब्भवयाण वि सगग्गयक्खरं नियपओयणेसू ससहायं संदिसंतो पच्छाइओ कामो ब्व अतणो मयण-वियारेण अणेगाणि चित्तहारीणि विलसियाणि समायरंतो सविसेसं रमणीओ संजाओ ।
एत्थंतरे भणिया मए हंसिया-“साहेसु मे कुलनामाइं इमस्स महाणुभावस्स ! अलोयंनुया एस [?] ति संभाविस्सइ ।" तीएवि तहेव साहियं । चित्तंगएण भणियं-"कुमार ! वेलाइक्कमो वट्टइ ।" तओ सलज्जं जंपियं कुमारेण"सुंदरि ! अणुमन्नसु संपइ सट्ठाणं वच्चामो।" मए भणियं-“कयत्थं मे लोयण-जुयलं जेण तुमं दिट्ठो।" आसंघिय पेम्माणबंधेण पडिभणियं कुमारेण"पिए ! रज्ज, जीयं, कोस, सरीरं पि मे तुह साहोणं । अओ कालविलंब वज्जिऊण पयच्छसु नियपाणिपल्लवं । हवउ एत्थेव गंधव-वीवाहो ।" मए भणियं-“अज्जउत्त ! कस्म इमं न सम्मयं ? कस्स वा न इमिणा परिओसो ?" भणिया मए हंसिया-"किमेयस्स उत्तरं पयच्छामो ?" चलियं चित्तं मम नाऊण भणियं तीए-“सामिणि ! सयं चेव कोरमाणमेयं न सोहणं । अपरिग्गहाओ चेव नारोओ अप्पाणमप्पणा पयच्छंति, न उण महाकुल-संभवाओ तुम्हारिसोओ वा । तहा पयट्रियव्वं जहा न गुणहाणो भवई, गुरुयणो वा न लज्जइ, परियणो वा न विरज्जइ, सुयणा वा न सामायते ।" मए भणियं -“एवमेयं, तहावि सोहणो एस रायउतो । सयलगुणालओ तेणेत्थ मह मणो रमइ ।” जओजइ खंडिज्जइ सीलं,कुलववएसो वि कीरए मलिणो। तोतम्मि जणे कीरइ, अजसो वि जसो जहिं होइ ।४५१। कुल-लंछणं पि कम्मं ठाणे विहियं जणो पसंसेइ ।। दसणविणासो वि बरं गिरिभित्तीए गइंदाणं ।।४५२॥
__तओ हसिऊण हंसियाए पयंपियं मह निसेहणपराए-"सामिणि ! न जुत्तमेयं निम्मल-कुल-लंछणं काउं ।" गरुए वि हु अणुराए गरुया न कुणंति गरहियं कम्मं । निद्धमणेण वहतं किं पियइ पयं पयत्थो वि ॥४५३।। कि चविरसाइं जाइं पमुहे अमयरसायंति जाइं परिणामे । कज्जाइं ताई सुवियारियाइं न जणे हसिज्जति॥४५४।। अवियारिऊण कज्जं सहसच्चिय जे नरा पकुव्वंति । पच्छा वि ताण न सुहं पच्छायावेण दड्ढाणं ॥४५५।। पिय सहि ! 'पियं' ति भण्णइ कडुयं पि कमागयं हियत्थीहिं । सच्छंदा निदिज्जइ कण्णा कि बहु वियारेण ?॥ - एयं सोऊण भणिओ सो मए "महाभाग ! अम्मा-पियरायत्तो कण्णायणो होइ ।" तेण भणियं-"सुंदरि ! कालविलंबे कीरमाणे अवसर-चक्के वा हिय-इच्छिय-पओयणे विग्घसयाई समावडंति । कयत्थस्स पूण करणं नत्थि । अओ एत्थेव कलयंठि-कलयलाराव-महलिय-दिसायक्के, अइनिविड-लया-पल्लव-निरंतरतरिय-तरणि-करनिकरे, बहविहपसूणपरिमलमिलतालि-वलयरुणुरणारावरमणीए काणणे करेमि ते पाणिग्गहणं ।" मए वि मयणाउराओ अवगणिऊण हंसिया-वयणं तहेव कयं पाणिग्गहणं । तयणंतरं च सिणिद्ध-पत्तल-पायवतले इच्छाए चिरमच्छिऊण सघरं बच्चंतो भणिओ मए कूमारो-"गसओ एस अवराहो । विसमाणि णे जणणि-जणयाणि । ता कहमेस दुण्णओ नित्थ
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |