Page Text
________________
मणोरमा - कहा
पाप भारे वलागायमाणपवणुद्धय- सिय-पडागं, आभोगहू रोसारियदिसायक्केण तवण-मंडलमिव अप्पणी कलसं- काउमुट्ठिए चुंबिय वरसिहरग्ग-भागअइपंसुणा सिहरेण, समुण्णय - सिहर- सेणि-संचयण- जलहि-जल- कल्लोलाप्फालणमुहलतलसिला समूह-संकुलेण, मूलदेसासीणनाणाविह रूव- जलयरजाइणा सच्छ्याइरेगओ कलयलगयं व परिभागावट्ठियं वत्थजायमुवदंसयंतेण, विसुद्धफलिहमणिसिला-घडिएण पयड- वित्थरेण पायारमंडलेण परिवेढियं, अमल-पायार-संकेतडिबिबेहि पवण-पणोल्लिय-पडागा पल्लवेहिं नियसमुण्णइपगरिसम म्हाणविकरेहि त्ति समारद्धसेवोचिय-वत्थंचलवीयणेहिं, सुरगिरि सिंह व सव्वओ संपरिवुडं हिरण्णमय- सुरपासाएहिं दिट्ठ तिहुयणेक्कबंधुणो चंदकंत-मणिसिलोसार - निम्मवियमुत्तिणो चंदप्पह - सामिणो पडिमाए पवित्तिय - गन्भहरं जिणहरं । संजाय विम्याए जंपियं सीलवईए “सहि ! का तुमं रूवाइगुणगणाहरियसुरसुदरिसमूहा दंसणमेत्तेण वि पिसुणिय- महाकुल- संभवा, अमुणिज्जमाण-वय-विसेस-परिग्गहा एत्य निवससि ? को वा एस पव्वओ ? केण वा सलाहणिज्ज- जम्मजीविएण, देवाण वि जणियविम्यं मेरुसिंगं व गणलमलिर्हतं आययणमेयं कारियं ? कहेसु जइ कहमाणी होइ ।" एयं सोऊण निरुद्ध-कंठाए कह वि जंपियं तीए - "पिय सहि ! अकहणिज्जमेयं तह वि तुह कहिज्जइ । "
८४
अत्थि इहेव वेयड्ढ- पव्वए दाहिण सेढीए चंदहासे नयरे विज्जाहर - चक्कम उड- कोडि - चुंबिय चरणवारिरूहो चंदसेो नाम विज्जाहर-राया । सोहग्गगुण - विणिज्जिय - हरवल्लहा चंदप्पा से महादेवी । ताण दोषह पुत्ताणमुवरि अहमेगा दारिया जाया । उचियसमए पट्टावियं मे नामं चंद सिरी । उचियसमए चेव कारिया इत्थीयणजोगं लागणं । कमेण पत्ता अविणय-कुल-भवणं जोव्वणं ।
अण्णा नाणाविहकीलाहि कीलमाणी कुसुम - परिमलमिलंत - भमर-नियर- रुणुरुणा राव रमणीयं गया वसंतसारं नाम उज्जाणं । तत्थ य सहीयणेण सह कलमाणीए पारियाय - मुहतरू-नियर- विराइयं, समासण्ण- सरसी- सायरनियरं विराइयं, गहिऊण पुणमावडतेण समंतओ सिच्चमाणमिव समीरणेण दारदेसामण्णसच्चविथसर-विसेसं महुरगायण-गीय-सवण-सावहाण नरिदनं दणं, कर- गहिय-कणय-दंड-पडिहाराहिट्ठिय-दुवारदेसं चउसाल- मिवारामराय लच्छीणा अविसाल मेगं लयाहरं दिट्ठ | संजाय विम्या खणमेगं जाव चिट्ठामि ताव निग्गओ तयब्भंतराओ कइवयवयंसपरिवारिओ पंचबाणो व्व निरूवम-रूव रमणीओ कुमारो । समवलोइओ सो मए साहिलासाए दिट्ठीए । अहं तेण । एत्थंतरे ममं सावयंतेण कुमारासण्णवत्तिणा अभिण्ण-चित्तेण चित्तंगयाभिहाणेण वयंसएण गायणजणमुद्दिसिय जंपियं महया सद्देण - “भो ! भो ! गायण-जणा ! एस सयलपुहइपाल - मोलिमाला - पणाम- लालिय-पाय पंकयस्स याहिरायस्स चंदकेउणो पुत्तो भूमिगोयरो वज्जहर - कुमारो नियमाउलेणाखंडलाभिहाणविज्जाहरेण सगोरव महाणीओ कीलिस कइवयदिणाणि एत्थेव उज्जाणे । जइ कज्जं तो पइदिणमागंतव्वं" ति भणिऊण सट्ठाणं ते गया । अहमवि विसं व कलारसं मण्णेमाणी सुण्णमाणसा घरं गया ।
बीय-- दिणे परिहरिया सेस - सहियणा हंसियाभिहाणदासचेडीए सह पत्ता तमुज्जाणं । दिट्ठो सो पुव्ववणिओ कुमारो समं चित्तंगएण । सो विमं दटूण लीला-कमल-विणिवारियसुरहिमुह - सासायड्डियालिवलओ पुणो पुणो पेच्छंतो निन्निमेस- दिट्ठीए मह वयणं समीवमागओ । मयावि हरिस-भरनिब्भराए सहत्य - गुत्था समप्पिय । कुसुममाला, वच्छत्थलाओ उत्तारिऊण मुत्तावलीया य । तेण वि नियकंधराओ उत्तारिऊण सहत्थेण मह कंधरं पणइकओ थूला मलमुत्ताहलो हारो दाहिण - कण्णसवयंसा कया सरससहयारमंजरी । जंपियं च संभमखलंत क्खरं तेण - "सुंदरि ! कहेसु का तुमं ? कम्मि वा सयलदोसमुक्के उत्तमवंसे जायासि ? काणि वा हियय-दाह-जरहराणि मंत-पयाणी व ते नामक्खराणि ? केण वा कारणेण पिसुणिय- दुक्खावेगाणि दीहुण्हाणि नीसससि ?" अहं पि तक्खणुप्पण्ण- विविह-वियारपरव्वसा असमत्था जाया पडिवयण दाणे । जओ
खलइ गई गलइ मई, कंपतंगाई मुज्झइ मणं पि । पसरंति दीह - सासा, वयणं पि न तीरए वोत्तुं ॥ ४४८ ॥ वित्थर थरथरो थणहरस्स, विष्फुरइ फारमहोट्ठो । सिढिलं होइ कडिल्लं, जिभारंभा पवति ।।४४९ || सव्वस्स वि संकिज्जइ, अलद्धलक्खं नियंति नयणाई । पिय सहि ! पियम्मि दिट्ठे इमे वियारा वियंभति । ४५० ।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |