Page Text
________________
सम्मत्त-बीय-लंभो णाम पढमो अवसरो तत्थ य धनदेव कहाणगे सीलपालणे सीलवईकहा
८३
'सम्ममसंवरियसरीरावयवं म पिच्छिऊण लज्जिस्सइ नयर लोओ' त्ति संकाए निविड-निबंधणमवि पुणो पुणो गाढं काऊण निवसणं असिढिल-कंचुयावरण-धारिणो वि पउहर-जुवलस्सुवरि काऊण उत्तरिएण गत्तियं, अमंदसंदाणियं पि पयत्तेण संपीडिय-पउर-कुसुम-दामेहिं केसभारं, सुमरिऊण नियमण-मंदिरे इट्ठदेवयं, कयगुरुयणप्पणामा, अकयसमुचिओक्यारे पायय-परियणे वि संजायाणुतावा, विवक्ख-पक्खे वि संजाय-समभावा, पुवा । होऊण गयणयल-बद्धलक्खा काऊण अंजलि एवं भणिउमाढत्ता-"भयवंतो ! सयलजंतुसंताण-सक्खिणो ! सहस्सक्ख-पुरस्सरा लोगपाला !" जा तस्स तक्कालमत्तणो पइभावेण परिणयणस्स सयलजण-समक्खमम्मापियरेहिं विदिण्णस्स पइणो पाणिग्गहणा पभिई न मया अण्णो पूरिसो सरागबद्धीए नयणेहि निरूविओ एयरस सच्चाभिभासणस्स इमस्स वा भयवे लक्ख-वेलक्खाईएहिं भावेहि अदूसियस्स सीलस्स रक्खणत्थमेवाझवसियस्स जीविय-परिहारस्स अत्थि को वि अणुभावो ता जम्मंतरे वि सीलसंरक्खणे चेव उज्जमो होज्ज"त्ति, भणिऊण कंधरा निवेसिय-पासवलया समारुहिऊण बउल-पायवं बंधिऊण तस्स साहाए पासयं मक्को तीए अप्पा । सरीरभारेण अहोमहा नमिया सच्चवियसाहस्स सज्झासणे व सव्वओ पकंपिया साहा। कंपततरलियनीडोदरोड्डीणाणि वित्थारिणा पक्खवायविरुएण हाहारवमिव कुणमाणाणि समंतओ पायवस्स भमिउमारद्वाणि विहंगम-कुलाणि, देहभारेण संकुयमाणेण पासवलएणाकालचलियं जीवियमिव निरंभिउं निविड-पीडिय-सिरोहरा । कंठरोहाओ उढवणावगासेण निगमणसहायमिव गवेसिउं अंतो भममाणेण सास-पवणेण, निब्भराचूरिज्जमाण कुक्खिकोसा, पिय-विप्पओगाओ वि अइदुस्सहेण, गिहागयत्थिजणनिरागरणाओ वि कट्ठयरेण, विवक्ख-पक्खोवसप्पणाओ वि संतावगेण, निसियनित्तिस-दारुणाओ वि दारुणेण, महानरयदुक्खसंवाइमहावेयणासमुप्पाएण समाउला खणमेत्तं ठिया । खणंतरेण समंतओ समुद्दसलिलावगूढ़े गिरिसरियासंगसीयल-समीरण-सुहावहे एगम्मि पव्वय-सिहर-संठिए वणनिगुंजे विगय-पास-बंधणं समारुहंत-पढम-जोव्वणारंभेण धवणलिणि-मलयपवणप्पयाणप्पमुहविविहउवयारेण महुरभासिणा पयडियाणुराएण विज्जाहरजुवाणेणेवं पर्णय-पुव्वं पत्थिज्जमाणमत्ताणयं पासइ--"सुंदरि ! कामरई नाम अहं विज्जाहरो लीलाए विलसंतो तत्थागओ जत्थ तए केण वि कारणेण वेहाणसं पडिवणं । संजायाणुराएण जममुहाओ. व्व पास-बंधणाओ मोइऊण तुम मए इत्याणिया । पडिवज्जसु पणइणी-पयं । उव जसु मए समं विसय-सुहं ।" तीए भणियं-"उवयारी तुम जीवियपयाणेण, ताहे वि जं जुत्तं तमाइसिसु । एवं पुण न मए कायव्वं । एय-निमित्तं चेव मए अप्पा उब्बंधणे दुक्खे विनिओइओ।"
तओ तेण साम-भेयाइहिं अणेगहा भणिया वि जाहे न पडिवज्जइ ताहे मयण-परव्वसेण बला वि रमिउमारद्वा । 'लंघिय-मज्जाओं'त्ति काऊण मुक्को विज्जाहिं तह वि अविरमंतस्स उवहयाणि सवण-नयणाणि । सा वि तं तारिसं संसार-विलसियं पेच्छिऊण निव्वेयमावण्णा अलद्धलक्खं इओ तओ भमिउमारद्धा । दिदा य तीए गिरि-सरिया परिसरे कुसुमावचयं कुणमाणी बहुदिवस-वण्णणिज्ज-रुवाइ-गुणगणा अव्वत्तलिंग-धारिणी एगा कण्णया । सा वि तं दठूण पमुइयमाणसा संमुहमागया । संभासिऊण सोवयारं महरवयणेहिं भोयाविया सरसाणि वण-फलाणि । पच्छा संपाविया इंदनील-सिला-संचय-निम्माण-मणोरमे सिहरि-सिहर-सवण-सेहर-समाणे पासाए । तत्थ वि उवरिमतल-भूमियाए इओ तओ पेच्छमाणीए पारियायपमुहपायवपरंपरा परिगयाराममज्झे कणय-सिला-संचय-विणिम्मियं उप्पाय-पवण-विहुणणनिवडिय-विज्जुसंघायमिव मंदिरायारेण परिणयं, अणवरय-जलहि-जल-सोसणुप्पण्ण-जलावणयणनिमित्तं वडवानलमिवायव-गहणट्टा पव्वय-सिहरमारूढं, अमय-महण-समय-निय-मंदर-मंथाणालोडियस्स सहिरुग्गारमिव पारावारस्स, अइगरुय-गारुड-मणिसिला-समूह-धडिय-विसाल-पीढ-बंधमज्झाए पायालगंगातरंगावलीए व्व गयणयलमवलोइउं उप्पइउकामाए चंदकंत-मणिसिला-सोवाण-मालाए, विरायमाण-समयार-मंडवदारावयारमग्गं, नाणाविहमणि-माणिक्कमयमत्तवारण-भूसियं, निनिमेसलोयणाहिं साइसयविस्सकम्म-निम्माण-दसण-जणियकोऊहलाहिं सुंदरीहिं व सग्गाओ समागयाहि मणिसिला-सालभंजियाहिं विराइयभंलिहपुस्सराउ बलथंभसय-सिहर-विराइयं, उवरि संचरतीहि लवणसमुद्द-सलिलपाण-कालीहिं वालहर-रेहाहिं संजणियं जणवट्टिकज्जेहिं रविकरहितो वि निम्मलयरेहिं पउमरायकलसेहिं अकाल-पायडिय-दीवालिया-महूसवं, अविरलुम्मिल्ल-सुरचाव-चक्क-कय-कलावेसु पंचवण्णमणिसलागाजालगेस केयाररवाणुमिणियनिलीण-नीलकंठं, आसामुह-विसारिणी-नीलोवल-पभवस्स . आमलसारयस्स सजलजहर-सामले
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |