Page Text
________________
८२
मणोरमा-कहा
पवरपडपाउए पल्लंके । पहयाणेगपडु-पडह-झल्लरी-मुइंग-कंसालाइझंकार-मुहलेण, सवणमणोहारिणा तूर-निनाएण पडिबुद्धा समाणा आहूया जणणीए । कय मज्जणा विविहवत्थाहरण-विभूसिया पेसिया पिउ-पाय-वंदिया । तेण व ससिणेहं संभारिऊण विसज्जिया । 'वरपत्त' त्ति काऊण कलिंगाहिवस्स सिंधुसेण राइणो तणयस्स दिण्णा सोहरहकुमारस्स । महया महसवेण वित्तं पाणिग्गहणं । तीए चेव रयणीए समं सोहरहेण वास-भवणे नुवण्णा अवहरिया केण विज्जाहरेण सीलवई । सोहरहो वि पभाए कलत्तावहारविलक्ख-वयणो-“जइ न लहामि तो जीवियं चयामि" त्ति, कयपइण्णो चउरंगबलसहिओ समंतओ गवेसणं काउमादत्तो । सीलवई वि उम्मीलिय-लोयणा रयणि-विरामो पेच्छइ अप्पयं कतार-वण-निरांजे नलिणी दलसत्थरगयं कयंजलिणा तेण विज्जाहर-पूरिसेण पूरओ ठिएण सेविज्जमाणं । तओ संजायसंखोहं 'हा ! किमेयं' ति, चितियंती ससंभममुदिऊण संजमिय-सिढिल-कुसुमावोडा, निवडिय-परिहण-नीवि बंधणा, पच्छाएऊण सव्वेयरकरेण उत्तरिय-वत्थेण सव्वंगं, संजायसज्झस व्व थंभिय व्व लिहिय व्व उक्किण्णय व्व खणमेगं ठिया । एत्यंतरे पणय-पुव्वं भणिया सा तेण-"इइ विज्जाहरेण भोर न भाइयव्वं अहं खु रइविलासो-नाम विज्जाहरो तुह गुण-हय-हियओ तुमए सह संगम इच्छंतो इमं काउं ववसिओ। तह कहवि विहेसु जह विहलो न होइ एस महपयासो।" तीए भणियं-"विसयासंगं मोत्तण जमन्नं भणह तं करेमि ।" तेण भणियं-“न मे अण्णं कायव्वं अत्थि । जइ एवं न करेसि तो नत्थि भे जोवियं” ति भगंतेण पहया पहारेहिं । दंसियाणि बहुविह भोपणाणि । तहवि न पडिवण्ण मेइए।
. तओ कोवारुण-लोयणो गहिऊण उप्पइओ गयणंगणं । सा वि कहिंपि समासण्णत्तणओ तवण-मंडलस्स संतत्तसयल-सरीरायवा, कहिं पि अपयत्तायवत्तणंगएहि जलया पडलेहिं विहिज्जमाण-मंसल-छाया, कहिं पि पवण-कंपिरोत्तरिय-पयड-पल्लवेण णहयलेण वावाणिज्जमाण-सेयज्जल-कणा गयणंगणाओ खणेण चेव पेच्छइ अत्ताणयं जलमज्झे पडणवेगाओ निमज्जिऊण दूरं खणंतरेण उम्मज्जिया संजाय-संखोहा, कमेण कयउक्खेव-विक्खेवेहिं करेहि अणवरयमभिमुहागरिसिय-सलिलसंदोहा, तुरियमेव उत्तरिऊण सरोवरं जाणुमेत्तं नीरं तीर-देसं समागया । कयमज्जणा समुत्तिण्णा सरोवराओ । एगागिणी सूण्णारण-गयं दट्ठण अताणयं विम्हियमाणसा चितिउमारद्धा-"अहो! पिरसया संसारवासस्स, अहो! विचित्तया कम्मपरिणईए, अहो ! जहिच्छाकारितणं विहिणो, अहो ! खणदिदुनया विहवाणं। अज्जेव तारिसे तिणीकयतियसवइविमाण-सुंदर-सोहे नियमंदिरे सयणजण-समेया वीणावेणुविणोएण गमिऊण पढम पहरं निसाए सुहेण सुत्ता अज्जेव कंतारमज्झगया दूटू-सावय-संतद्रा अवत्थंतरमेवं पाविया ।" एवं चिताउला जाव चिटुइ ताव विमाणमारोविऊण नीया अण्णेण खेयरेण नियनयरं । संजायणराएण सनिगेहं गणणयं भणिया य "संदरि ! दिट्रा तुमं मए रइविलास-विज्जाहरेण नीयमाणी । रुद्धो य मए तस्स मग्गो । संगामिताण परोप्परं अम्हाण तुममेत्थ सरोवरे निवडिया। अहं पि निज्जिणिऊण विमाणं तहाणयणट्रा समागओ। पाविया य नियमंदिरं । अओ मयणग्गिपलोवियं निव्वव्वेहि निय संगमसूह-सलिलेण सह सरीरयं ।" तीए भणियं-"सप्पूरिस ! निदियाए अलमिमीए संकहाए । सुइपह-पयट्टगा चेव सप्पूरिसा हवंति ।" कयायारसंवरेण समप्पिया तेण नियजणणोए भणिया य-"जहा एसा मह महिलत्तणं पडिवज्जइ तहा पण्णवेहि।" भणिया य जणणीए-“हवसु घरणी मह सुयस्स, अणुहवसु तिवग्गसारं जीवलोगसुहं ।" तीए भणियं-“अंब! जइ तुमंपि एवं समत्थेसि तो अत्थमिओ मह जीवलोगो ।" नाऊण निच्छयं निवारिओ तीए नियतणओ । भणिओ य-"महासई एसा, न जुत्ता खलियारिउं । रुट्टा एसा मा डहेज्जा।" तह वि न चिट्ठइ एसो।
अण्णम्मि दिणे अत्यमिए दिणयरे, वियंभिए तमंधयारे, चिंतियमिमाए-"सुलहं जीवियं । दुलहं सुविसुद्ध-सीलपरिपालणं । एयम्मि अवसरे मरणमेवगुणकरं" ति कयनिच्छ्या लोयालोय-परिहरणट्ठा परिहरिऊण जणप्पहं उम्मग्गेण
तरियं गच्छंती समासण्णविडवेस विलग्गमत्तरीयं पच्छओ धरियमिव केणावि मण्णमाणी थाणुसमूहमवि पुरओ संठिअं संदठूण संजाय-वणवाल-पुरिससंका, गुम्मतरेसु निलीयमाणी, अप्पणिज्जमवि पायरवं अइसज्झसेण पर-संबंधिणं संकप्पेमाणी, इओ तओ दिण्णतरल-तारयाए दिट्ठीए नाइपच्चासण्णं नयरस्स उज्जाणमेगमणुपविट्ठा । कयमरण-संकप्पा गया उज्जाण-दीहिया समासण्ण-वत्तिणो समारुहंत-पढम-जोव्वणारंभस्स सुरहि-कुसुमगुच्छ-संच्छन्न-साहासंचयस्स चारु-विडवस्स वउल-साहिणो साहाए उत्तरिज्ज-वत्थेण घडिय-पासा विमुक्क-जीवियं ।
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |