Page Text
________________
सम्मत्त-बीय-लंभोणाम पढमो अवसरो तत्थ य धनदेवकहाणगे सीलपालणे सीलवईकहा।
सेज्जायरस्स एगट्टाणि जहत्थाभिहाणाणि । भणंतेण सागारिय सेज्जायर दाया आयंधरो तरो वा वि ।४४२। अगमकरणादगारं तस्सहजोगेण होइ सागारी । सेज्जाकरणे सेज्जा[क]रो त्ति दायाउ तद्दाणा ।।४४३।। जम्हा धारेइ सिज्ज पडिमाणि छज्ज-लेप्पमाइहिं । जं वा तीए धरेइ नरगा आयंधरो तम्हा ।।४४४।। गोवाइऊण वसहिं तत्थ' ट्ठिए मुणिवरे पडियरंतो। तद्दाणा भवजलहिं तरेइ सेज्जायरो तम्हा ।।४४५।। साहूण समाहाणं कुणमाणो वसहिदाणओ भव्वो । इह य परत्थ य पावइ पीईउ पीवरतरीउ ।।४४६।। सइ सामत्थे सव्वायरेण सुद्धाए धम्मसद्धाए । ता देह दवावेहि वसहीदाणं जइजणाणं ।।४४७।। संपयं सोलपरिपालणाफलं भणइ-तत्थ [सोलवइ] उदाहरणं
अत्थि इहेव जंबुद्दीवे भारहेवासे दक्खिणावहे अमराउरि व्व विबुहाहिट्ठिया, केलासरस व्व महेसर-पयाणुगया, लंक व्व लवण-सागर-जलेण मच्छ-कच्छभ-सुंसुमार-समाउलेण समंतओ विसाल-सालपेरंत-विसारिणा परिहाजलेण जणिय जण-विम्या, सरय-जलहरेहि व सन्निवास-निमित्तं सेविज्जमाणा अमरमंदिरेहिं पिंडीकया, सेसविसर च सव्वदेसभासावयहिं पयडिय-सग्गा विलासिणीवासभुवणेहिं नियसोभाविणिज्जिय-सयल-पुरवरी जयावहा नाम नयरो । तोए नियविभइविणिज्जिय-पूरंदरो दुव्वार-विरिय-वावार-समक्तानमंत-सामंत-संदोह-संदरो जयसंदरो नाम राया । अभग्ग-सोहग्ग-गुणविणिज्जिय-गिरिसुयासिरी जयसिरी नाम महादेवी । तिवग्गसारं विसयसूहमणहवंताण मज्झिमे वयसि वट्टमाणाण ताण एक्का चेव सुया संजाया । जायमेत्ताए चेव पुच्छिओ राइणा अणेगगहादिट्ट-पच्चओ सुबुद्धी नाम नेमित्तिओ । जहा-"कि एसा सुहं दुक्खं वा अणुभविस्सइ ?" तेण वि तक्खणा चेव निरूविऊण निमितं किंचि विसण्ण-हरिसिएण साहियं नरवइणो---"एसा हि कण्णया जोवणकाले किचि किलेसमणुभविऊण भायणं भविस्सइ असाहारण-विसय सुहाणं । एयं सोऊण परं परिओसमागओ राया। कारियं महामहुसवेण वद्धावणयं । आणंदिया नयरिनिवासिणो जणा । तक्कालमेव पइहट्ट पइधरं पइचच्चरं पइआययणं पवण-पणच्चिर-विचित्त-चोणंसुएहिं बद्धाओ धयवडाओ । सिणिद्ध-बंधुसंतइ ब्व पमोय-परव्वसा गहियसारपसाहणा खरंतीव कण्णामयं महुरमंगलं गोयाणि पगाइया जणया आणंदाय-भउरतूर-निनाएण तारा[स] ? वि निसुणिज्जइ चारणारवो । मयवस-उस्सिखल-पयविक्खेव-रेवाहियरसणाओ, हरिस-भर-निब्भराओ पणच्चियाओ रायंगणे गणियाओ । वित्तं वद्धावणयं परम-पमोएण । उचियसमए पसत्थ-वासरे जहत्थं पइट्रावियं नामं सीलवइ त्ति ।
तओ सा राय-दुहिया सिय-पक्ख-ससि-मुत्ति व्व पइदिणं पवड्ढमाणा दूरट्ठिया वि नियदंसणेण आणंदयंती पुरजणं, पए पए अणुगम्ममाणा हमिए-हसिए बिज्जमाणा कवोलेसु, रुइपरुइए विणोइज्जमाणा महरिह-कीलणेहिं, खलिए-खलिए अणुभाविज्जमाणा अवयारणमंगलाणि जंपिए-जंपिए आरोविज्जमाणा बच्छयलम्मि, सुहि-सयण-वग्गेण रायलच्छि व पइदिणं पयत्तेण रक्खिज्जमाणी गहियाउहेहिं वीरपुरिसेहिं ।
तओ कमेण संतावगं दरिदकामय-हिययाणं, पसाहणं दुरूवाणं पि, अज्झावगं असेस-विलासाइकलाणं, वासारतसप्रयं व उण्णप-पउहरं, आपूरगं च इंदिय-सरोवराणं, कीलारामं व विसम-सरस्स, सिसिरागमं व पुलय-कंपाइबहुलं, तरुणजणताम-रसाणं, उक्कलिया सहस्स-संकूलं, पलयकालमिव रायजलहिणो समारूढा नवजोव्वणं । पायडियकलासत्थविणोएण [समानवेससरिस-रूव-लावण्णेण, समाण-वत्थ-भसणाइवेस-धारिणा पियभासिणा वियडढेण सही-जणेण सयावि परिवारिया अमुणिय-पत्थणाभंग दुक्खं सुहसायरावगाढा कालं गमेइ ।
अप्णया पओससमए पासायसिहरसगरूडा दिट्ठा एगेण विज्जाहरपुरिसेण । निज्झाइया सूइरं सरागाए दिट्ठीए । गओ सो सट्ठाणं । सा वि विविह-विणोएण गमिऊण पढम-पहरं रयणीए सुत्ता पासाय-उवरिम-भूमियाए १. तत्थ वि ते यावि रक्खि तरइ ब. क.. २. तहाणेण भवोघं च तरति बु.क.
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |