Agam 05 Ang 05 Bhagvati Vyakhya Prajnapti Sutra Churni

SR No.: 002595
Original Sutra Author: Sthaviracharya
Author: Rupendrakumar Pagariya
Publisher: L D Indology Ahmedabad
Publication Year: 2002
Total Pages: 122
Language: Prakrit
Classification: Book_Devnagari, Agam, Canon, & agam_bhagwati
File Size: 6 MB

Page 73

भगवतीचूर्णि: जीवपदे सिद्धपदे य अचरिमा । एते चेव मणुयपदे तप्पज्जयविसेसिया चरिमा । जम्हा ततो सिज्झिस्संति सलेस्स सुक्कलेस्सा ? ते तब्भावमुवजीवंति । उ० व० जीविस्संति य ते अचरिमा जे तदंते वटुंति ते चरिमा सिज्झमाणा । एवं गैरइयादिसु वि जाणेजा । अलेस्सा जीवपदे सिद्धपदे य चरिमा, मणुया तब्भावेणमलेस्सा चरिमा, ततो सिज्झिस्संति त्ति कट्ट । सम्मद्दिट्ठी पुच्छा, जेसु सम्मदरिसणं संभवं तेसु मग्गणा । तत्थ जीवपदे सिद्धपदे य अचरिमा सम्मदिट्ठिणो सव्वदा सिद्धासु अत्थि सम्मत्तं । जेसु य सम्मद्दिट्टिसु पत्तंते पडिओ सम्मद्दिट्ठिणो वि अवट्टपोग्गलस्स पुणो उक्कोसेण लभिस्संति तेणाचरिमा । सेसपदेसु णेरइयादिसु जे सिज्झिस्संति ते चरिमा । पुणोगामिणो अचरिमा । मिच्छद्दिट्ठि जे सम्मत्तं लभिस्संति ते चरिमा जे ण ते अचरिमा । सव्वपदेसु संभवतो सम्मामिच्छत्तमविलद्धपडिपडितो पुणो लभिस्संति अचरिमो । जो एकदा लभ्रूणं अपडिवादी सो चरिमो एगत्त-पुहुत्तेसु णेजा । संजतो सिय चरिमो अपडिपडितो सिज्झति चरिमो पडितो पुणो लब्भति । संजतासंजतो सावगो देसक्कदेसातो पडितलद्धी अचरिमो । ततो साहुत्तायारं परियसिज्झमाणो चरिमो । णोसंजता णोअसंजता तब्भावातो ण पडिस्संति ततो अचरिमा सिद्धा, सकसाया सामण्णकसायभेदेण लोभादयो जे अणंतरं खविस्सति ते चरिमा । जे कसायपरिणामं कातूणं पुणो परिणमिस्संति ते अचरिमा । अकसायिणो उवसंतखीणकसायो य सिद्धपदे अचरिमा । तथा जीवपदे पि जो अकसायी सो पडिऊणं पुणो लभिस्संति ततो अचरिमो । तहा मणुया सिया वि णाणी जीवा चरिमा वि अचरिमा वि । तहा णेरतियभवादिवेमाणियंता सिय । जेसिं चत्तारि णाणा तेसिं कयावि पडेतूणं पुणो लभंति त्ति अचरिमा । जे अच्वंतं मोच्छित्ति ते चरिमा । केवलणाणिणो तऽण्णाणा मोत्तिणो त्ति अचरिमा । अण्णाणी चरित्तारिणोऽपि जे सम्मत्तं लभिऊणं मुच्चंति ते चरिमा । सेसा अचरिमा । सजोगिणो जो चरिमा सेसा अचरिमा । सजोगीजीवमणुय-सिद्धा मणुयत्ते चरिमा, सेसा अचरिमा । सागाराणागारा तेहिं अविरता सव्वजीवा तेणाचरिमा । एगत्त-पुहुत्ते वि णेरइया जाव वेमाणिया, ते तब्भवपज्जायं पाविस्संति ते अचरिमा, सेसा चरिमा । से सिज्झमाणा सिद्धपदचरिमं तस्सण्णतो णत्थि गमणं सहवेदेण सवेदा जो तं मोच्छिति ते चरिमा, ण मोक्खिणो अचरिमा । णेरइयादिसु वेमाणियंतेसु सिय एकत्त-पुहुत्तेण मणुयपदे उवसामगं पडुच्च सिय चरिमाचरिमा य । अवेदगा जीवपदे अचरिमा उस्सग्गेण णियमा अचरिमा । तहा मणुयपदे । उवसामगं पडुच्च सिय चरिमता अवेदगा, जीवपदे अचरिमा । उस्सग्गे णियमा अचरिमा । तहा मणुयपदे सिय उवसामगखवगविसेसं पडुच्च सिद्धपदे अचरिमा णियमा । णेरतियादिसु एगत्त-पुहुत्ते सिय पज्जायं पप्प सरीरिणो ओदारियभेदेण य जीवपदादिसु सव्वत्थं सिय पजत्तीओ अपज्जत्तीतो य सव्वपदेसु एगत्तेण पुहुत्तेण य सिद्धवजाओ सिय ॥१८॥१॥छ