Agam 05 Ang 05 Bhagvati Vyakhya Prajnapti Sutra Churni

SR No.: 002595
Original Sutra Author: Sthaviracharya
Author: Rupendrakumar Pagariya
Publisher: L D Indology Ahmedabad
Publication Year: 2002
Total Pages: 122
Language: Prakrit
Classification: Book_Devnagari, Agam, Canon, & agam_bhagwati
File Size: 6 MB

Page 103

९२
भगवतीचूर्णिः ___ जहा सामो वा लंबकण्णो वा देवदत्तो । एवं दव्व-खेत्त-काल-भावेहिं तमेवादिपरमाणुयादिहिं जहाभिहितं अव्वभिचारी लक्खणबहुसंभवेहिं वि केण ति उवलक्खणं हवति । उवलक्खिस्सं णो खेत्तादतो सबलेणेत्थ संपज्जति, तहा लक्खणयणातो अप्प-बहुत्तस्स । एगपदेसोगाढा दुपदेसिता खंधा । तेहिं ण परमाणवो चेव बहुताते य विसेसाधिया । पुव्ववण्णियमेव परमाणू बहुत्ते कारणं । एवं अणंतर पढमा बहुता जाव दसपदेसोगाहो संखेजपदेसोगाढा । संखेजबहुत्तहा ट्ठाणातो बहुता, तहा असंखेजातदुत्तरा अणंतातो चेव अणतगं चेव लक्खेति । तहाविह खेत्ता संभवातो एते दव्वट्ठताए मगिता पदेसठ्ठताए वि । खेत्तोवक्खणावगाहेण ते च्चेव जहावत्थिता पोग्गला लक्खिजंति । एवं संति पुव्ववण्णित तमेवाप्प-बहुलक्खणं, उवरि उवरि य परमाणुया वि दुपदेसिवहितं जाव दसपदेसा, पदेसट्टताए बहुता । तेहिंतो संखेजपदेसोगाढा संखेजपदेसिया खंधा बहुता, ततो असंखेजपदेसोगाढा । असंखेजपदेसिता पदेसठ्ठताए बहुता, एते चेव कालेण मग्गिजंति । तत्थेक्कसमयद्वितीया परमाणवो घेप्पंति । तहेवोवलक्खणत्थो कालो। एवं सति दव्वट्ठताए पुव्ववण्णितं तहट्ठाहुत्तं य बहुत्तं जाव असंखेज साववादं पदेसठ्ठताए वि उवरिहुत्तं बहुत्तं असंखेज्जा य वादभणितं तव्वं । एवं वण्ण-गंध-रसेहिं । जे य फाससुहुम-गंधसंभविणो बातरेसु जे फासा ते बातराणंतपदेस-खंधोवलक्खणा दव्वट्ठताए य पदेसट्टताए तेसु चेव जहाभिहितोवरि बहुत्त पदरिसगा चेवप्प-बहुत्ते । एतेण वि खेत्तादओ दव्वोवलक्खणया भणिया, तेणंतवादेसु तेयं भिण्णप्पबहुत्तातो । एतेसु य दव्वट्ठपदेसट्ठोभयट्ठया कंठा । अणंतबातरेसु भाणितव्वा । उवरिहुत्ता णेतव्वा । दव्वट्ठपदेसठ्ठता वि जहा दव्वेसु भणिता तहेव खेत्तादिसु वि । सव्वत्थोवा दव्वट्ठपदेसठ्ठताए अणंतपदेसिता खंधा । दव्वट्ठताए बातराणंतखंधपरिणामथोवत्तातो । तेसिं चेव जे पदेसा ते एगगम्मि अणंता तेणाणंतगुणा । ततो परमाणू तेहिंतो अणंता, असंबंधपरिणामबहुत्तातो । ततो संखेजपदेसिया खंधा । दव्वद्वत्ताए बहुठाणत्तातो संखेजगुणा तेसिं चेव पदेसा एगेगो संखेजा तेण संखेजगुणा । ततो असंखेजपदेसिया खंधा । दव्वट्ठताए ठाणा संखेजबहुत्तातो । असंखेजगुणा तेसिं चेव पदेसा पाडेक्कखंधे असंखेजति कट्ठ असंखेज्जगुणा । एवं खेत्त-काल-भावेसु उभयद्वत्ताए वि एवं चेवप्प-बहुत्तं ।छ।।
परमाणुया जावाणंता ताव एगत्तेण कलिजुम्मा पुहुत्तेण बहुत्तेण चउब्विहा वि । तहा पदेसठ्ठताए परमाणुआदिता पत्तेयं एगत्त-पुहत्तेहिं मग्गितव्वा । कंठा । एतो चेव ओगाहेण खेत्तत्थाए मग्गिजंति । तत्थ परमाणू णियमा एगपदेसोगाही दुपदेसिओ, एगम्मि दोहिं पदेसेसु तिपदेसो, एगम्मि दोसु तियसु चतुष्पदेसो, एगम्मि दोसु तिसु य चतुसु य । सेसं कंठं।