________________
श्रीमल्लवादिसूरिस्तुतिः
वादरंगे मल्ल इव मल्लवादी सुविश्रुतः । शासनोद्योतकर्ता यः सेवे तं मल्लवादिनम् ॥१॥
नयचक्रं कृतं येन दुर्ग्राह्यं पण्डितैरपि । तद् द्रष्टुं लब्धसौभाग्यः सेवे तं मल्लवादिनम् ॥ २॥
विधिनियमभेदाभ्यां द्वादशारप्ररूपकः । स्याद्वादतुम्बकत्तों च सेवे तं मल्लवादिनम् ॥ ३ ॥
स्तुतः श्रीहरिभद्रेण हेमचन्द्रेण यो भृशम् । अन्यैर्वाचकवर्यैश्च सेवे तं मल्लवादिनम् ॥ ४ ॥
निजमातुलजेतारं बौद्धाचार्य सुयुक्तिभिः । वादेऽजयत् भृगोः पुऱ्या सेवे तं मल्लवादिनम् ॥ ५ ॥
नयप्रमाणपाथोधिः द्वादशारैस्तरङ्गितः। येन श्रीगुरुदेवेन सेवे तं मल्लवादिनम् ॥ ६॥
नयचक्र द्वादशारं, भवचक्रनिवारकम् । येन प्रपंचितं सम्यक्, सेवे तं मल्लवादिनम् ॥ ७ ॥
मल्लवादीति यः प्रातः स्मरणीयः जिनेन्द्रवत् । विदुषां सर्वसूरीणां सेवे तं मल्लवादिनम् ॥ ८॥
स्तुतिकर्ता श्रीमद्विजयलब्धिसूरीश्वरः
Jain Education International 2010_04
For Private & Personal Use Only
www.jainelibrary.org
