________________
आयारो
३९. से बेमिणेव सयं लोग अब्भाइक्खेज्जा, णेव अत्ताणं
अब्भाइक्खेज्जा। जे लोयं अभाइक्खइ, से अत्ताणं अब्भाइक्खइ। जे अत्ताणं अब्भाइक्खइ, से लोयं अब्भाइक्खइ।
आउकाइयहिंसा-पदं ४०. लज्जमाणा पुढो पास।
४१. अणगारा मोत्ति एगे पवयमाणा।
४२. जमिणं विरूवरूवेहिं सत्थेहिं उदय-कम्म-समारंभेणं उदय-सत्थं
समारंभमाणे अण्णे वणेगरूवे पाणे विहिंसति ।
४३. तत्थ खलु भगवया परिण्णा पवेदिता।
४४. इमस्स चेव जीवियस्स,
परिवंदण-माणण-पूयणाए, जाई-मरण-मोयणाए,
दुक्खपडिघायहेउं। ४५. से सयमेव उदय-सत्थं समारंभति, अण्णेहिं वा उदय-सत्थं
समारंभावेति, अण्णे वा उदय-सत्थं समारंभंते समणुजाणति । ४६. तं से अहियाए, तं से अबोहीए।
४७. से तं संबुज्झमाणे, आयाणीयं समुट्ठाए।
Jain Education International 2010_03
For Private & Personal Use Only
www.jainelibrary.org
