________________
आयारो
१४. अस्सिं लोए पव्वहिए।
पुढविकाइयहिंसा-पदं १५. तत्थ तत्थ पुढो पास, आतुरा परितावेति ।
१६. संति पाणा पुढोसिया। १७. लज्जमाणा पुढो पास।
१८. अणगारा मोत्ति एगे पवयमाणा ।
१९. जमिणं विरूवरूवेहिं सत्थेहिं पुढवि-कम्म-समारंभेणं पुढविसत्थं . समारंभेमाणे अण्णे वणेगरूवे पाणे विहिंसति ।
२०. तत्थ खलु भगवया परिण्णा पवेइया । २१. इमस्स चेव जीवियस्स,
परिवंदण-माणण-पूयणाए, जाई-मरण- मोयणाए,
दुक्खपडिघायहेउं । २२. से सयमेव पुढवि-सत्थं समारंभइ, अण्णेहिं वा पुढवि-सत्थं
समारंभावेइ, अण्णे वा पुढवि-सत्थं समारंभंते समणुजाणइ । २३. तं से अहियाए, तं से अबोहीए।
२४. से तं संबुज्झमाणे, आयाणीयं समुट्ठाए ।
Jain Education International 2010_03
For Private & Personal Use Only
www.jainelibrary.org
