________________
आयारो
२६४ १०७. तं सच्चं सच्चावादी ओए तिण्णे छिण्ण-कहंकहे आतीतठे
अणातीते वेच्चाण मेऊरं कायं, संविहूणिय विरूवरूवे परिसहोवसग्गे अस्सि विस्सं भइत्ता भेरवमणुचिण्णे ।
१०८. तत्थावि तस्स कालपरियाए।
१०६. से तत्थ विअंतिकारए।
११०. इच्चेतं विमोहायतणं हियं, सुहं, खमं, णिस्सेयसं, आणुगामियं ।
--त्ति बेमि।
सत्तमो उद्देसो उवगरण-विमोक्ख-पदं १११. जे भिक्खू अचेले परिसिते, तस्स णं एवं भवति–चाएमि अहं तणफासं अहियासित्तए, सीयफासं अहियासित्तए, तेउफासं अहियासित्तए, दंस-मसगफासं अहियासित्तए, एगतरे अण्णतरे विरूवरूवे फासे अहियासित्तए, हिरिपडिच्छादणं चहं णो संचाएमि अहियासित्तए, एवं से कप्पति कडिबंधणं धारित्तए।
११२. अदुवा तत्थ परक्कमंतं भुज्जो अचेलं तणफासा फुसंति,
सीयफासा फुसंति, तेउफासा फुसंति, दंस-मसगफासा फुसंति, एगयरे अण्णयरे विरूवरूवे फासे अहियासेति अचेले।
११३. लाघवियं आगममाणे ।
Jain Education International 2010_03
For Private & Personal Use Only
www.jainelibrary.org
